LUO.txt

Jii 2 moko jowito ngimagi ka machielo 1 to ohinyore marach mokalo e masira makoch mar apaya mane otimore e apaya mawuok Oyugis kochimo Chabera e sub county ma Rachuonyo East e County ma Homa Bay ewii odhiambo makawuononi
Jii 2 go mane gin ja apiko moro ma ja higni 20 mane oyang nyinge kaka Kevin Omondi kod achiel kuom jowuoth mage mane oting' o mane iluongo ni Shopie Anyango ma ja higni 23 ne jotho mana kanyo gi kanyo e masirano mane ojuko lori moro mar kambi jo China kod apiko yoo Ringa
Masirano ne otimore kar saa apar gachiel gi nus mar odhiambo ka ja apikono ne rik owuok yoo Mikayi gi jowuoth ariyo mane oting' o kochimo godo chiro Ringa ema lorino mabende ne gichimo godo kamoro achiel ne ochwadee
Magi ne oyangi gi jatend obila ma Sub County ma Rachuonyo East migosi Charles Barasa mane owacho ni ja apikono ne lorino otuomo apikoneno gie ng' eye ma onege kod achiel kuom jowuoth mane oting' ogo kanyo gi kanyo
Kane omedo wuoyo ewii wachno migosi Barasa nowacho ni jawuoth mar ariyono mabende pokne giyango nyinge to ne ohinyore marach mokalo e masirano kendo ne oring godo e kar thieth ma Rachuonyo South Sub County Hospital
Ne ogol siem ne weg geche maringo e apayano ni jotemie bedo motang e seche ma ginie ndarano nikech wach gedo mar apayano madhi nyimeni
Ringre ja apikono kod jawuoth mane othono ne oter e kar kano ringre joma otho ma kar thieth ma Rachuonyo South Sub County Hospital
Kenya kawuono ohango bedo kod kwan maduong mokalo mag jomane oyudi ni jonigi midusi mar Coronavirus ma gin jii 389 makoro kelo kwan jogo duto man kod tuo magalagalano e pachoka chopo jii alufu 7 gi 577
Magi ne oyangore e tuak mane oorne ute fuambo gi keyo gi jatend migao mochungne yoore thieth e thurka migosi Mutahi Kagwe
Kanochiwo ler ewii wachno migosi Kagwe nowacho ni kuom jii 389 mane oyudigo mana jii 3 kende ema ok jokenya ka modonggo te to gin jokenya
Kanomedowuoyo ewii wachno jatend migaono nowacho ni County ma Nairobi ema pod ni nyime kod kwan maduong mag jomane oyudi kod tuo mar Coronavirusno kane en kod jii 248 man kod tuono kiluwe gi Kajiado gi jii 36 kaeto Kiambu gi jii 27
Bende migosi Kagwe ne oyango ni nitie jii 88 mane othiedhi ma ochango ma owe odhi pacho makoro kelo kwan jogo duto ma osechango e thurka chopo jii alufu 2 gi 236
Katakamano ne olero ni nitie jotuo moko 5 mag Covid-19no mane jotho ei kawuononi
Kagwe ne okwayo oganda jokenya duto mondo joyie orit chike mane oketi gi piny owacho mag kedo gi tuo makochno kowacho ni kadipo ni jii ok nyal timo mano to tuono nyalomedo landore moloyo
Kwan jogo duto man kod midusi mar Coronavirus e pachoka koro kawuono ochopo alufu 7 gi bathe bang yudo jii 247 ei kawuononi man kod midusi makochno
Mano koro okelo kwan jogo duto man kod tuono chopo alufu 7 gi 188 ei kawuononi
Magi ne oyangi gi jalup jatend migao mochungne yoore thieth e pachoka laktar Rashid Aman mabende ne owacho ni kuom jii 247 mane oyudi kawuonogo county ma siaya ne nigi ng' at achiel ka ng' at achiel ma siayano ne oyudi e gwenge mag alego usonga
kanomedowuoyo ewii wachno laktar aman nowacho ni kwan mar jii 247 go ne oyudi kuom jii alufu 4 gi 147 mane opim ei seche 24 moko mokalo
Jatelono bende ne oyango ni nitie jii 39 moko mane jochango bang yudo tuo mar Coronavirusno mane owe odhi pacho kod moko 2 bende mane tuono olal gi ngimagi ei kawuononi
E bwo piny mangima jii ma kwan gi romo million 11 gi bathe ma josegamo midusi mar Coronavirusno ka jii ma kwan gi romo alufu 524 gi 828 bende tuono osenego
Bende kwan jii maloyo million 6 e bwo piny mangima ma osethiedhi ma ochango ma owe odok pacho
Doho ma Rongo e County ma Migori ogoyo jomoko 7 fuai mar silings alufu achiel moro ka moro kuom ketho mane oyudgi godo mar wuotho maok giruako mask
Ripot mane owuok e tesend obila ma Kamagambo wacho ni jii 7 moko ne omaki gi obila mane jotudore kod apisas mag bad migao mochungne yoore thieth e apedha mane otim ei okinyi makawuononi kendo ne otergi e doho ma Rongo mane ogogie fuai mar silings alufu achiel kuom ng' ato ka ng' ato
Ei ndalo moko 3 mokalogi kwan jii maromo 47 ma osemaki ma ogo fuai manie kind silings alufu 5 gi silings alufu 1 e Sub County ma Rongo kuno gi ketho mar wuotho e kind oganda kaok giruako masks
E Sub County ma Suna East bende apedha dhiyoe nyime -mano apedha ma itimo kod apisas mag bad migao mar thieth kod obila
Kanowuoyo ewii wachno jatend obila ma Sub County ma Suna East migosi Stanley Atachavi nowacho ni ne gimako maloyo jii 30 mane gikyudo kaok joruako masks ei ndalo 3 moko mokalo
Atachavi nowacho ni saa koro osechopo ma jopiny jonegobed ni joyieroe ka ber mondo mi giruak masks mabende nengogi en mana silings 30 kende koso giwe ruako masks mondo mi makgi kendo dhi gogi fuai mar silings alufu 5 e doho
County ma Kisumu kawuono osidho ayanga App moro e mbui ma dhano jobiro tiyogo e ng' eyo ka ginyalobedo gi rang' isi mar tuo mar Coronavirus kokalo e simbegi mag ong' we yamo
Appno mabende otisi ni Luscii App kata CovidConnect App olosi kokalo e tudruok manie kind piny owacho mar County ma Kisumu  mbalariany ma Maseno kod kambi mar Pharm Access
Magi ne oyangi kod governoe ma Kisumu kuno ngire Anyang Nyong' o mane owacho ni nyakane tuo mar Coronavirusni muoji e pachoka jogweng ma County ma Kisumu kuno josebedo ka jong' iso nyao e dhi e kuonde thieth dhi e pim ne tuo mar Covid-19no kowacho ni app ma gikelo e mbui kata e simeno koro jo Kisumu kuno nyalobiro tiyogo e ng' eyo chal margi ne tuo mar Coronavirusno
Ogai mar ODM migosi Raila Odinga koro kawuono ne ohango wuoyo e lela e odiechieng mokuongo nyakane timne yeng' o e kar thieth moro mane odhiye yudo thieth e piny The United Arab Emirates
Migosi Raila ne owuoyo e video mane ogol kod nyare matin Winnie Odinga
Migosi Raila mabende ne oruako onyasa mar khaki marambulu kod ti -shirt maratong ne onenore ka mor e videono kendo ne buonjo abuonja kane owacho ni owinjo ka osechango
Bende ogai mar ODMno ne oduoko erokamano ne jogo mane joketone alam kendo chung kode e kinde duto manyochane odhiye nyime gi yudo thiethno
Spika ma County ma Kisumu Elisha Oraro wacho ni budget mar kwan omenda maromo billion 11.2 manokal gi bunge mar County ma Kisumo  koro idwa luw machiegni gi MCAs mar neno ni omendago otiyo e yoo makare tok koseketie kogno gi gavana Nyong' o.
Oraro wacho ni gigeto mar bedo gi romo ma kanyakla gi jotend migepe mag Countino kod apisa madongo mag komiti mopogore oogore mag od bura.
Nowacho ni romo ma kamano geto neno ni chenro mag dongruok manosechaki orumo e yoo makare kendo ni ok gidwar ni mondo dhengruok ma osebedo e kinde mokalo e chopo chako tiyo gomendago onuore kendo.
Jatend migao mar somo ngire George Magoha olero ni pod ok ging' eyo maber kaponi inyalo bi yaw sikunde kendo higani.
Kanoloso e kar tiegruok ma Kenya Institute of Curriculum Development bang romo gi riwruoge makedo ne ratiro mag jopuonj Magoha wacho ni jonyuol gin moko kuom jok ma dwaro ni mondo obi oyaw sikul mana ka Corona oserumo.
Sikunde nochan ni mondo obi oyaw kendo dwe mar ochiko higani ka bad migao mar thieth bende wacho ni dweno ema bende Corona nyalo bedo ni medoree moloyo.
Jopiny biro rito chik mibro gol gi jatend piny Kenya Uhuru Kenyatta tarik 6 dweni.
Japuonjre moro ma ja klass 9 omaki gi obila ne nek mar nyako matin ma ja klass 4 e gweng'  ma Nduga e location ma Kachien North e sub county ma Rachuonyo south e county ma Homabay.
Wuoyino ma jahigni 15 omaki gi obila ma Rachuonyo South kaluowre gi nek mar Noel Adhiambo ma jahigni 11 mane en japuonjre e skul ma Kosele Community Christian Center kendo mane onegi tarik 19 dweeni ma ringre oduog okwany mana ndalo 3 bang' e kopandi e puodho moro mar oduma.
Nyakono ne onegi kane orik odhi kwath ka nonro mane otim bang'  bero mane otimne ringre ne oyango ni ne othoo bang'  wito rem mang' eny kane osegoye.
Komanda mar obila ma Rachuonyo South Esau Ochorokodi okoo ni gin kod neno moromo tudo rawerano gi nek mar nyathino.
Kwan jii maromo 259 oyudi ei kawuononi ni nikod midusi mar Coronavirus makoro kelo kwan jogo duto man kod tuono e pachoka chopo jii alufu 6 gi 70
Magi ne oyangi gi jalup jatend migao mochungne yoore mag thieth e pachoka laktar Mercy Mwangangi mane owacho ni County ma Nairobi ema pod okao namba gi kwan maduong mag joma nigi tuono kanowacho ni kuom jii 259 mane oyudigo Nairobi nigi jii 127 ka iluwe gi Mombasa man kod jii 39
County ma Kisumu ne nigi jii 2 kuom Counties mamoko mathurka
Kanowuoyo gi jopiny kachiel kachiel e tipo mar telebisen kowuok afya house e boma ma Nairobika Mwangangi bende nowacho nitie 35 mane ochango ma owe odhi pacho ei kawuononi makoro kelo kwan jogo duto makoro osechango e pachoka chopo jii alufu 1 gi 971 kabende ne olero ni nitie jii 2 moko mane tuo mar Coronavirusno olal gi ngimagi ei kawuononi makoro kelo kwan jogo ma tuono osenego e thurka chopo jii 143
Riwruok makedo ne ratiro mar oganda Haki Africa okone jotelo mag county ma Kisumu mondo mii jochiewu kendo kwedo sand ma jopiny kadhe e lwet obila e kindeni ma irakruok gi midhusi mar Coronavirus.
Director mar Haki Afrika Khalid Hussein wacho ni jopiny ojwang'  kendo owegi e lwet nono kata bedni obila moko rocho ratiro maggi.
Okoo ni gisendiko piny ripode mag jii ma okadho e sand e lwet obila to kod mago ma owito ngima e ecounty ma Kisumu nikech timbe obila; ka ranyisi en jago a nyocha othoo e sub county ma Kisumu West kane obila timo apedha mar manyo jii ma ok rwak otembni ma umo dhok kod um kata mask.
Jii 259 ma oyudi kawuononi ni jonikod Covid-19 makelo kwan duto chopo 670
Wuoi ma itudo gi neki mar nyathi e Homabay omaki
Magoha kawuono owacho ni pod ok ong' eyo kaber ka ibiro yawo skunde e dwe mar 9 higani 
Spika mar County ma Kisumu koro wacho ni gidwachako luwo wach bajet mane gikalo mar neno otii kode e nyayo dongruok
Ogai mar ODM Raila Odinga dhi nyime gi chango 
Kisumu County okelo App moro e mbui kata sime ma dhano biro tiyogo e ng' eyo ka gin kod Covid-19 kata ooyo 
Jii 7 moko ne ogoo fuai mar siling alufu 1 kuom ng' ato ka ng' ato gi doho ma Rongo e County ma Migori gi ketho mar bedo maok giruako mask
Kwan jii 247 ma oyudi ei kawuononi ni nikod Covid-19
Kenya kawuono obedo kod kwan maduong mokalo mag jomane oyudi ni nigi Covid-19 mane gin jii 389
Jii 2 moko jowito ngimagi e masira mar apaya mane otimore e apaya mawuok Oyugis kochimo Chabera ei Rachuonyo East 
Jii 28 ma oyudi ni jonigi tuo mar Covid
Outa duaro ni yiene jo ohala ma chiro Kibuye mondo jodogi e chirono
Tong' Kenya gi Tanzania pod ni nono!
Peter Odero Anditi ema oguel kaka City manager manyien ma boma ma Kisumu
Ochanda duaro ni piny owacho obed kod chenro maber mar konyo jogo ma pii mapong kendo mamuomore daro e miere
Kenya oloro tong mare kod piny Tanzania kod piny Somalia bende mar geng'o landruok mar Coronavirus
Magoha koro owuoyo ewii wach yao skunde
Kenya mar Jubilee gi KANU ochungi
Kwan jii maromo 23 ne oyudi ni nigi Coronavirus ei kawuononi
Gavana Nyongo okwayo pinje mag Africa ma Ugwe mondo jobed kod romo mar lalruok ewii pong mar Nam Lolwe
Kwand joma nigi Coronavirus e thurka koro osechopo jii 535
WHO onyiso luoro ne rumo mar Covid 19
Nam Lolwe opong' molak e miere
Obila ma Changamwe Mombasa pedho achije angwen mag njore
Nyasi mane sirkand county ma Kisumu obago Jomo Kenyatta Sports ground orumo apoya
Counties mag Nyanza emapod jokao namba korka landruok mag kute mag ayaki e pachoka
Manyaloromo familia 10 sani jodong maonge kuma chuoye wigi Sena Beach ei Mfang'ano bang mach maratipo wang'o utegi
Jagoro mar duond bura mar Jubilee Raphael Tuju oter gi ndege nyaka e pinje maoko dhi yudo thieth moyiedhi
Luoro marni jatuo maja China nyalo bedogi midhusi mar Corona omiyo okete kar kende e hospital ma Agakhan Kisumu
Ng'anyo ma Pumwani
Chudo mar KWS
Bura mane omako Seneta Outa owit oko
Gavanas ma Nyanza gi BBI
Ng'ur e od bura ma Homabay
Pasaka ma kende 2020
Board mar jotich piny owacho ochuogi Homabay
Obila ma Mombasa jopedho jatuo moro mar Coronavirus manyo oringo kar dak ma Old Town
Jotuo Kisumu oluoro osiptal!
Oula Ugenya
Lokruoge e od buara ma Homabay
'Quarantine' onge chudo
Nyongo owacho ni pod ok gibi yao otende kod kuonde chiemo mamoko ma County ma Kisumu
Jii 17 moko ne ogengnegi e centre ma igeng'onee jii ne Coronavirus e County ma Migori
Kitayama obalo gi Junet Mohamed ewii dhok mane Junet ogolo ni piny owacho mar Jubilee pok oketo okenge motegno mag kedo gi Covid
Bunge mar County ma Kisumu opuodho bajet mar silings million 200
Kwan jii man kod midusi mar Coronavirus e pachoka koro kawuono ochopo jii 887
Bonaya wacho ni gin bende kaka piny owacho pok ging'eyo chieng ma ibiro yawoe e skunde e pachoka
Familia maloyo 320 sani pii mapong kendo mamuomore odaro e miere ei West Kochia Rangwe
Jii 7 jowito ngimagi e masira mar apaya yoo Kisian e County ma Kisumu
Lweny mane obedo e kind owete ariyo okelo tho egweng ma Kokara e Sub County ma Rarieda
Jii osemedo thoo nikech oula
Jalupo moro ma ja higni 32 otho e pii e Nam Lolwe e Chula Ndeda e Sub County ma Bondo
Jii 21 ne oyudi ni jonigi tuo mar Covid
Jago moro owito ngimane kod mamoko 2 hinyruok marach e masira mar apaya mane otimore Rachuonyo East
Jii 5 moko jowito ngimagi e masira mar pii mojukogi e aora Nzoia e Sub County ma Ugunja
Kwan jogo duto man kod tuo mar Coronavirus e pachoka koro osechopo jii 830 ei kawuononi
Mama Ida Odinga owuoyo ewii bembo mag nyithindo manyiri gi iye ma oiu ma ithoro miyogi
Min od ogai mar ODM Raila Odinga, mama Ida Odinga koro kawuono ogolo yuak mare ewii wach ngima nyithindo manyiri mapachoka mowacho ni oket ngimagi kamarach gi achudhe moko ma bambogi kaachiel gi miyogi iye ma oiu moloyo to esechegi makoro ochwal mbele odiechieng ma ibiro yawoe skunde nyaka higa manyienni
Kanomedowuoyo ewii wachno mikai Ida nowacho ni duarore mondo bede migepe mag piny owacho jowuog oko motegno mar rakruok kod wach iye ma oiu ma ithoro miyo nyithindo ma nyirigo kaachiel gi kedo gi timbe moko magalagala mag bembo ma ithoro bambo godo nyithindo manyiri e thurkago
Jatelono nowacho ni mine ma jotelo manie kor gweng nyaka koro jobed e ong' ala manyime e neno ni gisieko kod chenro moko mabecho mag kedone ratich nyithindo manyiri e thurka
E tuak mane ogolone jofuamb weche kokalo kuom riuruok mare mong' ere kaka Ida Odinga Trust Foundation , mama Ida nowacho ni kadipo ni dhano jonyalombeko tol e kedo gi timbe maricho ma itimone nyithindo manyirigo to oneno kaen kod luoro ni nyithindo manyiri modhuro ma jonyalobiro rem dhi e school e higa manyien nikech birobedo ni ngimagi osekethi gi achudhe ma owachogo
Bende ne ogolo siem ne nyithindo manyiri madhi e school ni jotemie bedo motang moloyo e kinde rusani mondo gine ni gibedo modich mana gi gigo manyalobiro konyogi e ngimagi mabiro maok donjo e gik moko manyalobiro ketho ngimagi
Mama Ida nowacho ni ripot manyocha ogol kod riuruok mochungne yoore mag thieth e bwo piny mangima -World Health Organization -oyudore ni gino manego nyithindo manyiro moloyo gin tuoche moko ma goyogi ma ikelo gi weche mag nyuol kod weche mag mako iyego mowacho ni thoro nego nyiri ma hikgi nie kind 15 nyaka 19
Laktar moro ohango wito ngimane kaluwore gi tuo mar Corona e pachokae
Kuom thuolo mokuongo, laktar moro mapachokae owito ngimane kaluwore gi midusi mar Corona
Laktarno ma osebedo ka tiyo e kar thieth moro ma Nairobika, owito ngimane bang gamo midusi makochno
Maeri timore mana odiechieng achiel tok ka jagoro maduong mar riwruok laktache e thurka laktar Mwachonda Chibanzi, wacho ni jothieth maromo 257 osegamo kute mag Corona e thurka.
Nowacho ni moko kuom jok matiyo e sektor mar thieth bende osebedo gi tuo mar paro kaluwore gi tich ma gitiyo mag temo reso ngima jok mosegamo Corona.
Kwan jogo mane oyudi ni nigi Covid-19 kawuononi ne gin 447
Kenya kawuono ne ohango bedo kod kwan maduong gi duong mapokne ka one mag jogo mane oyudi kod midusi mar Coronavirus ei kawuononi mane gin jii 447 makoro ne kelo kwan jogo duto man kod tuono e pachoka chopo jii alufu 8 gi 975
Magi ne oyangi kod jatend migao mochungne yoore thieth e pachoka migosi Mutahi Kagwe
Kanowuoyo gi jopiny kachiel kachiel e tipo mar telebisen kowuok e boma ma Mombasa , migosi Kagwe bende ne olando ni nitie jii 4 moko mane tuono olal gi ngimane kawuononi kamoro kelo kwan jogo ma tuono oselal gi ngimagi e thurka chopo jii 173
Apis jaod bura ma Gem oketi e tago maliet ewii gedo mag apaya ma Gem kuno
Apis jaod bura ma Gem migosi Elisha Odhiambo koro ikwayo mondo okony e dhiro wach kongo kod bero apaya moko mag Kenya Rural Roads Authority -KERRA -mane oger e kar chung od bura ma Gem kuno
Kanowuoyo ewii wachno MCA ma South Gem Ward migosi David Onyango Audi nowacho ni gimor kod wach gedo mar apaya mawuok Kodiaga kochimo Wagai kod apaya mawuok Muhanda kochimo Nyangweso ma owacho ni ochiegni rumo
Kanomedowuoyo ewii wachno migosi Audi nowacho ni kar keto pachgi e apaya ma ogo lamgo ma gedo maggi dhi nyimeno , apis jaod burano onegobed ni keto pache e weche mag kongo kod bero apaya mag KERRA masani koro richo mokalo
Migosi Audi ne oyuak ni kata obedo ni apis mjumbeno oketo pache e apaya mag lam ma gedo maggi dhi nyimego , moko kuom apaya mag KERRA ma kar chung od bura ma Gem kuno ne oger e yoo mojuothore mokalo
MCAno mane rik wuoyo gi jogweng' e ma South Gem Ward ne jogolo rang' isi mar apaya mawuok Kaudha kochimo Omoth mane owacho ni ojuothi kod kambi mane gereno kod bende golo rang' isi mar apaya mawuok Akala kochimo Kotoo mabende nowacho ni owe ka ojuang
Ne okwayo apis jaod bura margi migosi Elisha Odhiambo nogono mondo mi oluu wach gedo mag apayago mar neno ni ogergi e rang' iny maduarore
Ywak jo Wang' chieng' 
Familia ma kwangi ohewo 300 pod ywak ka gin e kar jot ma kojolo ma Osodo primary e location ma Wang' chieng'  e county ma ma Homabay bang'  ka pii oula ne odarogi e mieregi dweche ma ok tin ne 2 mokalo.
Familiago mawuok e gwenge mag Kobala, Komenya, Kowuor Agindo, Kasirawa kod Konyango omedo kwayo mondo mii resgi gidog e ngimagi ma pile.
Chenro mar Kazi Mtaani e kar chung od bura ma Homa Bay Town
Piny owacho mamalo sani koro kao rowere maloyo alufu 3 mawuok e kuonde dak mong' ohore ma boma ma Homa Bay ma gidhi ndiko e tich e bwo chenro mong' ere kaka Kazi Mtaani mar goyone rowerego atho kaluwore kod wach ngima masani koro tek tweta ma okel kod wach tuo mar Coronavirusni
Rowerego ma kwan gi romo alufu 3 gi 197 idhi kao e kuonde dak mong' ohore ma Homa Bay kuno ma gin Shauri Yako , Makongeni , Sofia kod Got Rabuor e kar chung od bura ma Homa Bay Town
Ruodhi ma gwengego gi jolupgi gie sechegi jodhi nyime gi yango rowere ma gidwa kaogo ka moko kuom gik maduarore en ni rowerego jobed kod opande kendo nyaka gibed jogo ma hikgi ochakore e 18 nyaka 35
Magi ne oyangi kod County Commissioner ma Homa Bay kuno migosi David Kipkemei mane owacho ni rowerego igeno ni jobiro tiyo tije mopogore opogore mag kibarua kaka beto bunge manie geng apaya , yueyo otaro ma pii mochido kalee kod yueyo apise mag piny owacho mar Countyno kuom tije mamoko
Kanomedowuoyo ewii wachno migosi Kipkemei nowacho ni piny owacho ochano kao rowere mawuok e kuonde dak mong' ohorego nikech wach ngima makoro tek mokal gi biro mar tuo magalagala mar Coronani
Kanowuoyo gi jofuamb weche e apise e boma ma Homa Bay , jatelono nowacho ni rowerego jobiro yudo silings 455 e odiechieng ka odiecheing kuom ndalo 11 kowacho ni chenrono geto gonyo ngima ne rowere mane jowito tijegi nikech wach biro mar tuono
Jii 278 oyangi ei kawuononi ni nigi midusi mar Covid-19
Kwan jogo duto man kod tuo mar Coronavirus e pachoka koro kawuononi ochopo jii alufu 8 gi 528 bang yudo jii 278 ei kawuononi mane nigi midusino
Magi ne oyangi gi jatend migao mochungne yoore mag thieth e thurka migosi Mutahi Kagwe mane owacho ni jii 278 go ne oyudi kuom jomane opim ne tuono ei seche 24 mokalo
Kanomedowuoyo ewii wachno migosi Kagwe bende ne oyango ni nitie jotuo moko 89 mane othiedhi ne midusi makochno ma ochango ei kawuononi mowe odhi pacho kaachiel gi yango ni nitie mana Counties 5 kende kuom Counties 47 mathurka mapok oyudie ng' ama nigi tuono
Tend skunde ma pachoka onyisi ni oduok ne jonyuol omenda mane gichulo ne term mar 2 gi term mar 3 mar higani; mano ne jonyuol ma yande osechudo ne nyithindgi.
Skunde oduoki omenda ne jonyuol
Jatend migao mar somo ngire George Magoha ema ogolo chik makamano ka kata kamano okoo ni tend skundego bende pod nikod thuolo mar bedo gi winjruyok gi jonyuolgo mar chwalo nyime omendago ochak tiyo e higa manyien koseyawu skunde.
Doho oweyo thuolo gi rambun mar siling milion 1 Dancun Ndiema ma en obila ma yande omaki kitudo gi nek mar nyathi ma jahigni 13 ma nyinge Yassin Juma e kar dak ma Huruma e county ma Nairobi.
Doho ogolo ng' eto ma kamano jumbe 2 bang'  ka nyocha otwo dhoge ni ne ok onego Yassin kaka ne osomne e doho.
Yassin ne onegi tarik 30 dwee mar 3 higani e kar dak ma huruma e kinde mane obila temo chuno jopiny mondo jodonj e ute koluwore gi chik mane kumo wuoth oko e seche ma okadho saa achiel mar odhiambo.
Jayal bura Luka Kimaru ogolo chik ne obilano ni kik chop machiegni gi tesend obilama Huruma.
Iyalo e loe gi okil kamaloka Danstun Omari.
Nek mar Yasin
Obila ma nyocha obambo nyako matin pok omaki
Familia ma nyocha nyathigi orochi ratiro mare ma omii ich e sub county ma Seme e county ma Kisumu, ywak ni gidak kod luoro nimar obila ma nonro ma oiwu yango ni ema ne omiyo nyathino ich pod baa abaya kendo pok omake.
Familiano mawuok kochiel mani Kombewa e sub county ma Seme, wacho ni obilano osebedo ka limo dalagi nyathino mar temo olo koyo kuomgi ewii wach burano.
Maa kata odoko ni jatend obila ma seme hellen rotich nyocha osekoo ni obilano ma en achich itimone nonro ewii rocho ratiro maar nyathino ma jahigni 15.
Yangore ni obilano temo kweyo wachno gi jo familia mar nyathino ma bende onge kod nyalo.
Nyakono ma ja klass 8 ma sani osenyono jumbe mar 7 nyaka ne ogam remo, sani ni e lwet riwruoge ma kedo ne ratiro mag jopiny kendo oket e bwoo arita.
Nyathi ma en achich mar nek oter e doho
Obila kawuono ochwalo e nyim doho japuonjre ma ja klass 9 ma itudo gi nek mar nyathi ma nyako ma ja klass 4 e gweng'  ma nduga mani e location ma Kachien e sub county ma Rachuonyo South e county ma Homabay.
Japuonjreno ma wuoi ma jahigni 15 ochopo e nyim jayal bura Joseph Karanja kama odonjne kod ketho mar nego Noel Adhiambo midenyo ma jahigni 11; mane en japuonjre e skul ma Kosele Community Christian Center e kar chung'  od bura ma Kasipul dwee mokalo.
Wuoino ne omaki juma mokalo kendo ma ogeng' ne e tesend obila ma oyugis bang'  nonro nyiso ni ne onego nyakono achiel ka achiel bang'  ywaruok ne bedo e kindgi ewii kar lago jamni.
Nonro mar bero mane otim ne ringre nyakono ne onyiso ni ne ogoye obindu e kar agoge ma korka achwich ma othoo bang'  wito remo mang' eny kendo mane omiyo adundo mare ochung' 
Jomin buche okone doho ni nek mar ma noel ne otimore tarik 19 dwee mokalo.
Achijno odagi yie kod ketho kendo oweye thuolo gi bond mar silings alufu 200 ka sani to pod ogeng' ne e remand mar nyithindo e jela ma Kisii nyaka chop chul bondno.
Burano ochan winjo kendo tarik 13 mar dwee mar 10 higani
"Jo ohala manomi stall e chiro manyien ma Kisumo mongere kaka Chichwa market  ma bende pok ochako tiyo e stondegi,  okwa ni mondo mi ochak tiyo gi sitondego kapok jumani korumo. 
"
Kwache wacho ni jo ohala mathoth ne ok oyudo thuolo mar sitondego kokone jok manoyudo thuolo ni mondo jotii kodgi ma kaok kamano to inyalo bi mii jok mane ok oyudo to pod dwaro.
"
Nowacho ni bende chirono tich osechako dhiye maber kendo jongiewo medore piny aruu."
Chirono manosir gedo mare gi bengi maduong' mar piny ngima nigi sitonde 500 kaachiel gi alak ma thuolo manyalo tingo jo ohala mamoko 200.
Jakom mar riwruok jo ohala ma tindo ma Kisumo  Anthony Kwache, wacho ni manyalo romo sitonde 100 pok wegi ochako loke.
Jii 12 otho gi Korona
Kwan jii maromo 12 otho kawuono kaluwore gi midhusi mar Corona e thurka. Maeri e kwan ma malo moloyo mar oganda motho e buo seche 24 nyaka ne tuoni chakre e pacho kae.
Jii mamoko 189 bende oyudi gi tuono e buo thuolo ma kamano.
 Jatend migao mar thieth mutahi kagwe , owacho ni kwan ma kama owuok kuom kwan jii maromo 1205 manopim.
Maeri koro kelo kwan duto mar jii moseyudi gi tuono e pacho kae chopo 10,294.
Raila oduogo pacho
Ogai mar ODM Raila odinga oseduogo e pacho kae bang bedo e piny Dubai kama noyude thieth.
 Raila nyomolo pacho kae odhiambo ma nyoro  bang bedo oko kuom jumbe adek.
Ndege kido mar jet airbus A318 nyopiyo e alak mar ndeke ma  JKIA kar saa adek gi dakika 49 bang wuok al Maktoum iInternational Airport Dubai saa 5.13pm.
Doho oreso Kidero
Doho ma malo ochungo kuom thuolo bura ma omako gavana machon ma Nairobi Dr. Evans Kidero; mano wach mibadhi mar shilings million 58.
Jayal bura mar doho ma malo John Onyiego ogolo chik ni chungi burano mondi bang'  gavana kidero dhii e doho chwalo ng' ur mare ni ketho ma odonjne godo ne wach chudo moko mane otim e yor mibadhi e bwoo tende ok gin adieri.
Jayal burano okoo ni ng' ur mar gavana Kidero no idhi winji kendo tarik 22 dweni.
Yiero mar Gor Mahia
Jii ma olap dhogi ndong'  ne lemo mopogore opogore e tend club mar Gor Mahia koro oyawunegi thuolo mar chwalo kwayo margi.
Board matayo yeiro mag Gor Mahia okoo ni jogo ma dwaro lemo koro nigi thuolo mar chwalo oboke maggi mag welo kata nomination ma ok okadho tich abich mar jumani.
Jagoro mar Board mar yiero e Gor Mahia, Kennedy Mbara okoo ni oboke mag nomination yudore e mbui mar Gor Mahia mar mano ma en gormahiafc.com.
Mbara okoo ni chike duto motenore gi dwaro mag yierono oseketi e mbui onogo kendo jochung'  biro yudo thuolo mar ng' eyo oboke to kod nonro duto ma owinjore gichwal kapod ok opuodhgi ne dhii chung.
Jochung'  biro chwalo oboke maggi e barup mbui mar gor mahia2020@gmail.com.
Yiero mar jotelo mag gor mahia dhii timore tarik 8 dwee mar 8 higani kochakore saa achiel mar okinyi nyaka saa apar mar odhiambo ka jogo mondikore kaka jokanyo mag gor mahia ema idhi mii thuolo mar goyo ombulu ka ma higani timore e yoo manyasani mar mbui nikech okenge ma oketi mag geng' o landruok mar midhusi mar coronavirus.
Noard mar yierono mar Gor Mahia otelne gi jakom mare Henry Ogoye, jagoro Kennedy Mbara to kod jakanyo ma en Cariuls Onyango.
Nyathi othoo e aora Kuja
Nyathi moro ma wuoyi ma jahigni 14 ne othoo e pii bang nimo e aora kuja gi e gweng'  ma umoja mani e location ma North Kanyikela e Sub county ma Ndhiwa e county ma Homabay.
Helisafan Buya ma ja klass 6 e skund primar ma Unga, nyo orado gi thone kanyo orik odhi lupo e aorano ka en kanyakla gi osiepene mamoko.
Ruoth ma North Kanyikela Elijah Abuto, okoo ni nyithindogo nyo jotemo lawo opato manyo pii tero to ema achiel kuomgino pii oywayo ka nyaka sani pod ok oyude.
Ripod nonro mane otim gi TIFA
Kwand atamalo 54 mag oganda jokenya ema oyudi ni wach tuo mar Coronavirusni omako e pachoka ka mamoko modong to tuono ok obadho koda entie koda oonge bende ok chalnegi
Maendi en kaluwore gi nonro mar ariyo manyocha otim kod kambi mar TIFA
E nonro mokuongo mane otim kod kambi mar TIFA nogono ne oyudi ni kwand atamalo 71 emane wachno omako chunygi e dwe mar 4 ka sani to koro kwan atamalo ma wach tuono omako chunygi odok piny kowuok e kwand atamalo 71 no nyaka e kwand atamalo 54
Bende nonrono yango ni kwand atamalo 54 mag oganda jokenya bende joneno ni tuono korka biromedo hinyo jii gie sechegi ka kwand atamalo 38 to jowacho ni marach mogik madine timre ne osetimore makoro sani to weche birodhi chakobedo maber .
Nonro bende wacho ni kwand atamalo 90 mag oganda jokenya joyie mondo mi pimgi ne tuo mar Coronavirusno ka kwand atamalo 10 modong to joluoro dhi e pimno nikech yoo ma ipimogo jii kod bende luoro wich kuot kadipo ni oyudi ni gin kod tuono
Jotend dho wedhe ma Rachuonyo North ogolo siem ewii kiluwa ma chik ok opuodho
Tend dho wedhe ma Sub County ma Rachuonyo North e County ma Homa Bay kawuono ne jogolo siem mager ne jolupo ma dho wedhe makuno ni kik gitem lupo e kud rech ma rech nyuolie mar konyo neno ni rech omedo nyuol kendo bendo mang' eny e Nam Lolwe kuno
Kanegimedowuoyo ewii wachno jotend dho wedhego ne joyuak ni thoth jolupo osebed ka isiemo ewii tim moro mar siko lupo mana e kuonde ma rach nyuoliego kagiwacho ni giduaro ni lupo kuondego koro obed tinda mar miyo rech thuolo mag nyuol kaka owinjore
Kanomedochiwo ler ewii wach achiel nogono jakom dho wedhe ma West Karachuonyo Ward migosi Samuel Osendo nowacho ni ok gibi yiene jolupo ma gweng' e kuno mondo mi joketh chikno mabende nowacho ni ne oketi kod bad migao mar fisheries kowacho ni jolupo ma obi oyudi ni ketho chikno ibiromako kendo tero e doho
To bende kanowuoyo ewii wach achiel nogono jatend dho wath ma Miti Mbili migosi Joram Otieno ne oseyo malit mokalo jokombe moko mag dho wedhe makono mane owacho ni jonyayo kiluwa moko ma chik ok opuodhogo kod bende nyayo weche mag lupo e kuonde ma rech nyuoliego kokalo kuom rem goyo ripod joma oyudi ni jotimo kiluwa machalo kamago
Kanomedowuoyo ewii wachno migosi Joram nowacho ni jolupo mapod jotiyo gi kiluwa ma chik ok opuodhogo ibiromako ma chwe maki nyaka gige lupo mekgigo bende imako
Kwan joma nigi Covid-19 e County ma Homa Bay kawuono ochopo jii 6
Kwan jogo man kod midusi mar Coronavirus e County ma Homa Bay koro kawuono ochopo jii 6
Maendi ne obedo bang yudo miyo moro ma ja ohala ma ja higni 52 gi tuono ei kawuononi
Miyono mabende iwacho ni wuok e gwenge mag Kochia Ward e Sub County ma Rangwe ne obiro dala e County ma Homa Bay kuno kane owuok e County ma Migori mane odakie kane otimo ohandeno
Ripot mane owuok e bad migao mochungne yoore mag thieth e County ma Homa Bay kuno nowacho ni bang jumbe 2 bang miyono duogo dala e gweng mane otedoe ma Kochia e County ma Homa Bayno to ne ochako winjo ka dende lit kane owinjo wich bar gi koyo e dende emane oringoe odhi e kar thieth ma Oasis Hospital e boma ma Homa Bay kuno mane opimee ma oyudi ni ne en kod tuo mar malaria
Magi ne oyangi kod jatend migao mochungne yoore mag thieth e County ma Homa Bay kuno ngire Muga mane owacho ni ngima miyono ne omedo bedo marach ema kaeto ne oduog odhi e kar thieth maduong ma Homa Bay tarik 7 dweni ema jathieth ma kanyo ne ochichie kode bang' e kane opime to oyudi ni oonge gi malaria to ne ineno ka liet mar dende ne ni malo kendo gocho mar adundone bende ne nimalo
Muga nowacho ni kanyo emane odhi okawie samples mage e hema moro maneoketi kanyo mane ipimoe jogo ma ichichgo ne tuo mar Covid-19 kaeto oter samples mekego ka KEMRI Kisumu ema kane ochopo kawuono to duoko ne oduogo ni en kod tuo mar Coronavirusni
Nowacho ni apisas mochungne yoore mag thieth ma Homa Bay kuno josechako luwo joma dinebed gi miyono machiegni mondo gin bende pimgi ka ginyalobedo gi tuono kabende ne olero ni miyono ne oter Nyagoro Isolation Centre e Sub County ma Rangwe ma idhiyoe nyime gi thiedhe
Jotich moko 4 mag State House ma Nairobi oyudi ni nigi midusi mar Coronavirus
Doho otamo familia mar James Oyugi e golo ringre wuodgino e bur kakane rik giduaro
Ringre jogo duto manyocha otho e Nam Lolwe bang rao loko yiegi e Sub County ma Bondo ne oyudi
Ywaruok mar Ford Kenya
Kwan jii maromo 105 mane oyudi ni nigi Covid-19 e pachoka ei kawuoni
Nkurunziza ong' ielo orengo 
Kwan joma ochango kawuononi gin jii 97 ma enie kwan maduong mokalo
Wetangula othich oko ayanga kaka jakom Ford Kenya 
Maraga kawuono ong' iso jatend piny Kenya Uhuru Kenyatta e lela ni telo mamalo sando bad migao mar doho 
Wabunge ma Kisumu ikwayo ni jondikne KENHA ewii nderni mekgi matindo tindo ma gibiroduaro ni goo lam 
Familia mar mosenindo migosi James Oyugi mane otho gi tuo moro mane ichichgo ni mar Coronavirus ne jochak obedo kod lal maduong bang doho mamalo ma Siaya bende ne chak tamruok miyogi thuolo mar kunyo ringre wuodgino mondo gigol e bur kaka nyochane rik giduaro
Katakamano kane ong' ado burano jang' ad buche ma doho ma Siaya Lady Justice Roselyn Aburili nowacho ni en adiera ni ratich mosenindo Oyugi to ne okethi adiera kaluwore gi yoo marach mane oike godo to en ni dohono ne bende ng' iyo kama gole e burno nyalobiroketoe ngima oganda ma gwenggi kanyo kaluwore gi chich ma ichich kode ni ne otho gi tuo mar Coronavirusno kanowacho ni yoot mondo ohiny ngima oganda ma okelne oganda tuo
Familiano ma oting' o nyamin Oyugi miluongo ni Joan Akoth kod wuod Oyugi nogono miluongo ni Brian Oyugi kokalo kuom okil margi ne joduaro ni ringre ng' atgino gol e bur kanegiwacho ni yoo mane oike godo ne en yoo marach maok ik godo dhano , yoo magalagala mane ogwenyore gi kit luo gi timbegi
Familia mar James Oyugi mabende ne jatich machon mar kambi mar Kenya Ports Authority ne rik jotero kwayo margi e nyim doho kane giduaro ni doho ne ochun bad migao mochungne yoore mag thieth e County ma Siaya kuno mondo oyienegi gigol ringre wuodgino e bur mondo mi dhi timne bero mar yango gima dine nege kod bende timone iko malong' o kendo mowinjore ma onegobed ni itimo ne dhano
Lady Justice Aburili nowacho ni en keto ngima oganda kamarach mar gamo tuo moloyo king' iyo ni mosenindo migosi Oyugi ne oiki maonge sanduku kane oboye mana gi juala kende kowacho ni golo ringre e bur ni odhi timne berono nyalobiro hinyo ngima oganda nyowuoyo
Ne oduog ong' ado ni piny owacho mar County ma Siaya ema mondo ochul garama duto ma otigo e yalo burano kod neno ni liend oyugino bende ogo plata maber kaka owinjore
Koro gikone to ringre jalupo moro ma ja higni 34 mane otho e Nam Lolwe gi owadgi moro bang rao monjogi e dho wath ma Obondo Beach e Sub County ma Bondo e County ma Siaya ne oyudi
Ringre Domnic Ojaro ne ogol e pii e Nam Lolwe kuno ei kawuononi bang manye kuom ndalo 2 mangima maonge yueyo -menyo manyochane itimo kod jolupo wetene
Ojaro kod owadgi Arthur Ouma Akach manyo oyud ringre nyoro godhiambo , nyochane jotho e pii bang' e kane rao oyiecho yie margi mane ginie iye ma ochwe olorokore kodgi e nam ei otieno mar chieng 5
Jolupogo ne joromo gi thogi kane gidhi lupo e Nam Lolwe kuno makoro rao ne baroe yiegino
Jalup ruoth ma Utonga sub location Asha Chacha ne oyango adiera mar wachno kane owacho ni ringre jolupo ariyogo ne oseyudi duto ma oter e kar kano ringre joma otho ma kar thieth ma Bondo Sub County Hospital ma idhi timonegie bero ka irito hiko chenro mag iko
Seneta mar county ma Bungoma migosi Moses Wetangula owere gi bura ma nyocha omako ne ja od bura maa Kanduyi migosi Wafula Wamunyinyi gi ja od bura ma Tongaren migosi Eseli Simiyu.
Maa bang'  ka apis mar jandik duond buche ka otelne gi mikayi Anne Nderitu ochako oloko pache kendo rucho ote ma nyocha ochapi e oboke moyiedhi mar piny owacho ni tend duond bura mar Ford Kenya oloki kendo ogol e lemo mare migosi moses wetangula kaka ogai mar Ford Kenya.
Okil kamaloka mar migosi Wetangula mano Nelson havi, olero ni jandik duond buche okoo ni ywaruok mani e Ford Kenya koro owinjore chwal mana ne duol mawinjo ng' ur mawuoke duond buche.
Kwan jogo duto makoro jonigi tuo mar Coronavirus e pachoka nyaka e kawuononi gin jii alufu 3 gi 94
Magi ne oyangi kod jalup jatend migao mochungne yoore mag thieth e pachoka laktar Rashid Aman mane owacho ni kwan no ne ochopo alufu 3 gi 94no bang yudo jii 105 ei kawuononi man kod tuono
Kanowuoyo gi jopiny kachiel kachiel e tipo mar telebisen kowuok Afya House e boma ma Nairobika laktar Aman nowacho ni kuom jii 105 mane oyudi kod tuo mar Covid-19no ei kawuononi 96 ne gin jokenya ka 9 kende emane welo
Bende jatelono ne oyango ni nitie ng' at achiel mane otho kawuononi kod tuono makoro kelo kwan jogo duto ma tuono osenego e thurka chopo jii 89
Magi oyangi kod piny owacho mar piny Burundi kuno mane olando ni Nkurunziza nyo otho nyoro e kar thieth ma Karusi Fiftieth Anniversary Hospital kaluwore gi chung ma apoya mar adundo
Tuak mane ogol kod piny owacho ma Burundi kuno wacho ni jatelono nyochane oruaki e od thieth chieng ngeso bang' e kane ochako winjo kaen kod del malit
Bang mano ngimane ne oduog obedo kod lokruok ma ochako dhi maber ema kendo kanyo ochopo nyoro wuok tich to adundo mare nyo ochwee omokoe ka yoore duto manyo otem tiyogo mondo orese mondo adundo mare odog ogochi e yoo makare nyo otamore mochwe ong' ielo orengo mana e yoo machalo kamano
Min ode mama Denise Nkurunziza bende gie sechegi iwacho ni dhi nyime gi yudo lokruok e kar thieth ma Aga Khan Hospital buore Nairobka bang' e kanyochane oyude ni en kod tuo mar oronavirus
Mosenindo Nkurunziza inyalo paro ni ne owacho e lela ni tuo mar Coronavirus onge e pinye ma Burundi kuno kendo ne ochayo chike duto mane oketi kod riuruok mar World Health Organization mag kedo kod midusi makochno
Burundi koro nyochane otieko yiero mare mar laro kom jatend piny tarik 20 mar dwe mokalo bang campaign mane gibedo godo kuom dwe achiel mangima mar laro komno-mabende iwacho ni ne oketo ngima dhano maromo million modhuro ma pinye kuno e kamarach mar gamo tuo mar Coronavirusno
Kenya kawuono obedo kod kwan maduong gi duong mapokne ka one mag jomane othiedhi ka jonigi tuo mar Coronavirus ma ochango ka jii mane ochangogo gin 97
Magi ne oyangi kod jalup jatend migao mochungne yoore mag thieth e pachoka laktar Rashid Aman mane owacho jii mane ochango kawuononi gin 97 makoro kelo kwan jogo duto ma osechango e thurka chopo jii 849
Katakamano laktar Aman nowacho ni nitie jago moro 1 mane otho nikech tuo mar Coronavirusno ei kawuononi makoro kelo kwan jogo duto ma josetho nikech tuono e pachoka chopo jii 85
Magi nowacho kata obedo ni kawuono ne oyudi jii 95 man kod tuono kuom dhano alufu 1 gi 96 mane opim ne tuono ei seche 24 mokalo ka Marsabit bende koro ne oyudie ng' ama nigi tuono makoro kelo kwan Counties ma midusi mar Coronavirusno osechope e pachoka chopo Counties 38
To kuom Sub Counties to Kibra ema pod okao namba achiel Nairobika ka Mvita ema okao namba gi kwan maduong mag tuono e County ma Mombasa
Jothieth moko 3 ma County ma Nyeri e moko kuom jomanyien ma ogamo tuono kuom jii mane oyudi gi midusi marachno ei kawuononi
Moses Wetangula gikone to othich oko ayanga kaka jakom mar Ford Kenya kendo kare okau kod Wafula Wamunyinyi. Maeri en bang jandik duond buche mag siasa Anne Nderitu goyo chapa lokruok ma kamago e oboke moyiedhi mar piny owacho.
Lokruok ma kamago ni e oboke ma kawuono ka Chris Mandu bende koro e jagoro maloso chenro e chamano ka okao kar Josephine Maungu.
Maeri timore mana ndalo 4 bang jaod bura ma Tongaren Eseli Simiyu wacho ni ok obi dok chien e lweny mar thicho oko Wetangula
Ogai mar bad migao mar doho Justice David Maraga, okwayo jatend piny Kenya migosi Uhuru Kenyatta ni owe sando bad migao mar doho.
Kanoloso gi jofwamb weche kowuok e apisi mare manie doho ma Supreme, Maraga nowacho ni Kenyatta osedagi romo kode mondo mi gitwagie moko kuom gigo moneno kaok dhi maber e kind telo ma malo kod mano mar bad migao mar doho.
Achiel kuom gigo ma Maraga neno kaka achaye mitimo ne bad migao mar doho en tamruok Uhuru yiero jongad buche 41 manowalne kod duol mochungne tije e bad migao mar doho JSC
Nowacho ni buche ngeny e doho ma kaok Uhuru opuodho yiero mar jongad buchego, to ka ng' ato omako bura sani e doho to inyalo ana bi winje higa manyien kaluwore gi nok mar jongad buche
Jotelo ma County ma Kisumu ma gwengegi apaya mar kilomita 62 mawuok Mamboleo kakalo Chemelil -Muhoroni nyaka Kipsitet biro kalee koro igeno jobiro ndiko kwayo mekgi ne bad migao mar apaya kata the Kenya National Highway Authority ewii nderni moko matindo tindo ma gwengegi kono ma ginyaloduaro ni goo lam
Magi ne oyangi kod Governor ma Kisumu kuno ngire Anyang Nyong' o mane owacho ni bang romo mane gibedo godo e juma mokalo gi jotelo mag county mareno koro ne giwinjore ni jotelogo giwegi ema jobiro lero nderni ma gibiroduaro ni goo lamgo
Nowacho ni nderni matindo tindo ma owuoyeego ma ibiro baro kuwuok kuom apaya madongo ma gwengego ema ibiro tiyo godo e keto yoore mag wuoth obed mayot e Sub Counties duto mag County ma Kisumu kuno
Apaya maduong mawuok Mamboleo nyaka Kipsitetno biro kalo e Sub Counties kaka Kisumu West , Kisumu East , Muhoroni kod Nyando
Jotich moko 4 mag state house ma boma ma Nairobika oyudi ni jonikod midusi mar Coronavirus
Magi oyangi gi jawach eloo State House nyadendi Kanze Dena mane owacho ni jogo nyocha opim ne tuono e pimo manyocha otim chieng tich 4
Kanomedochiwo ler ewii wachno Kanze nowacho ni jotich duto mag State House ipimoga moting' o e kinde ka kinde moting' o nyaka jatend piny Kenya migosi Uhuru Kenyata gi familia mare mar ng' eyo chal margi ne tuo mar Covid -19no kowacho ni jii 4 mane oyudi ni kod tuono sani jonie kar thieth ma Kenyatta University Teaching , Referal and Research Hospital ma gidhiyoe nyime gi yudo thieth
Kanze bende ne olero ni familia mag jii 4 go kod jomane gibedo godo machiegni bende sani ing' iyo wechegi mag thieth
Katakamano ne olero ni jatend piny Kenya migosi Uhuru Kenyatta kod familia mare to ler ka pamba kendo onge kod midusi mar Covid-19no kaluwore kod duoko mar pim manyochane otimnegino
Public Service Board ma Kisumu yuakne onjuaria
Public Service Board ma County ma Kisumu koro ne jogolo ng' ur margi ewii medruok mag onjuaria moko ma jochamo pes jopiny ka giwuondo jopiny e County ma Kisumu kuno ni gibiro ndikogi e tich
Kanowuoyo ewii wachno jakom boardno migosi Mwalimu Babu Karan nowacho ni jopiny buora mane jooro kwayo mag duaro tije e lemo mopogore opogore ema onjuariago geto
Karan ne ong' iso oganda ma Kisumu kuno mondo jobed motang kod onjuariago ma jodich gi kao kuomgi pesa ka giwuondogi ni gibiromiyogi tich
Nowacho ni nitie jii 3 moko masani koro jolony malich mokalo e mayo jopiny ka gitiyo gi nying jokanyo mag boardno kaka yoor lombo jopiny maduaro tijego mar mondo mi giyud kaka ginyalochamo pesgi
Kanowuoyo gi jofuamb weche e boma ma Kisumu , migosi Karan nowacho ni gisegoyo ripod wachno ka obila mondo mi obila jotim nonro kaachiel gi mako onjuarigo
Bende ne osiemo jokanyo mag board mareno ma jonyalobedo ni jonigi tudruok gi onjuariago e mayo jopiny kowacho ni jomachalo kamago ndalogi mar 40 koro osechopo
Ja apiko moro ne owito ngimane e masira mar apaya mane ojuke e gweng Orongo e apaya mawuok Ahero kochimo Kisumu
Ja apiko moro ne owito ngimane kanyo kanyo ewii odhiambo makawuononi egweng ma Orongo e apaya mawuok Ahero kochimo Kisumu
Magi ne obiro mana ei juma achiel kende bang ja apiko machielo bende tho mana kamoro achiel nogono kane ogweye gi gach obila moro mane onege mana kanyo gi kanyo
Jago moro ni Sammy Bernard Oyugi mane rik janeno e masirano nowacho ni ja apikono ne rik ochimo Ahero ka gari mane otuomoreeno to ne ochimo Kisumu
Oyugi nowacho ni ja apikono ne odhi otuomo garino ma ochwe otho mana kanyo gi kanyo
Masirano ne okelo dhungruok mag geche e apayano ema bang' e obila ne jobiree ma okao ringre ja apikono otero e kar kano ringre joma otho
Nowacho ni gikwayo joka Kenya National Highway Authority mondo joyie oger ohinga mag ndara kata bumps e apayano mar konyo thiro jimbruok mag masiche mag apaya e ndarano
Kwan jogo duto man kod Covid-19 e pachoka koro kawuono ochopo jii 1,745
Kwan jii maromo 127 ma oyudi kawuononi ni jonikod tuo mar Coronavirus makoro kelo kwan jogo duto man kod midusino e pachoka chopo jii alufu 1 gi 745.
Magi ne oyangi kod jalup jatend migao mochungne yoore mag thieth e pachoka laktar Mercy Mwangangi mane owacho ni kuom jii 127go , 76 ne oyudi e boma ma Nairobi ka 19 ne oyudi e boma ma Mombasa
Kanowuoyo gi jopiny kachiel kachiel kowuok e tipo mar telebisen laktar Mwangangi bende ne olando ni nitie jii 4 moko mane otho kawuononi kod tuono
Kanisa mar ACK owuok oko mar goyo atho ne joge gi kony mag chiemo e sechegi ma Coronavirus okeloe midhiero ne ogandani
Kanisa mar Anglican Church of Kenya -ACK -bade ma diocese ma Maseno South koro jochako ayanga chenro mar pogo kony mag chiemo ne jokanyo mag kanisano mawuok e familia maonge kod yuto maber mar goyonegi atho kaluwore kod midhiero mar nok mar yuto masani okel kod midusi mar Coronavirus e pachoka
Magi ne oyangi kod Bishop mar dioceseno Charles Ong' injo mane owacho ni kanisano geto jokanyo meke ma kwangi romo 250 ma giseyango ni onge kod yuto
Kanowuoyo e kanisa margi ma Kisumu eseche mane opogoe kony mag chiemogo ne maloyo familia 144 Rev Ong' injo nowacho ni gisechoko kony mag chiemogo kowuok kuom jokanyo mag kanisano ma jonigi nyalo
Nowacho ni kanisano ne okao thuolo mar pogo kony mag chiemogo mar neno ni onge jakanyo moro amora mar kanisano mabedo maonge gi gimadi oter e dhoge
Jadolo Ong' injo nowacho ni onge kaka kanisa margino nyalo yalo injili ne joma otho kowacho ni nyaka gitem mana neno ni jokanyo mag kanisa margino obedo mangima ma kech ok onegogi eka digi yud kaka ginyaloyalonegi injili kowacho ni en tijgi neno ni jo kanisagigo ochiemo
Kanisano osechoko oduma ogunde 21 , ochele ogunde 6 , oganda ogunde 5 kuom mamoko makoro gidwa pogo jogigo mondo joyud kaka jopodhogo e udi
Kwan jii maromo 123 mane oyudi kawuononi kod midusi mar Covid-19 ma e kwan mohango bedo maduong' ie moloyo nyakane chakre
Kenya kawuono oyudo kwan maduong gi duong mapokne ka one mag jii man kod midusi mar Coronavirus ma gin jii 123 makoro kelo kwan jogo duto man kod tuo makochno e pachoka chopo jii alufu 1 gi 471
Magi ne oyangi kod jatend migao mochungne yoore mag thieth e pachoka migosi Mutahi Kagwe
Kaneowuoyo gi jopiny kachiel kachiel e tipo mar telebisen kowuok Afya House buore Nairobika Kagwe nowacho ni Nairobi emapod okao namba kod kwan maduong mag jogo man kod Covid-19 e pachoka ka iluwe gi Mombasa
Jatelono nowacho ni nitie jii 3 moko mane jotho nikech tuono makoro kelo kwan jogo duto ma josetho nikech tuono e thurka chopo jii 55
Nowacho ni kwan jii maromo 33 ne oyudi kod tuono e kar dak ma Mathare buore Nairobika
MCAs ma Homa Bay joyuak ewii chenro mag dongruok ma okuamo e Countyno
Moko kuom MCAs ma County ma Homa Bay jodhiyoe nyime gi golo ng' ur margi ewii chenro moko mag dongruok ma okuamo mane dhi muonyo omenda maromo silings million modhuro mane ochaki gi piny owacho mar County ma Homa Bayno nyakane chak loch mar devolution e hik 2013
MCAsgo mane otelnegi kod Julius Nyambok ma Homa Bay Central ward ne jogolo rang' isi mag chenro buora mag dongruok moting' o kama ikanoe remo e kar thieth ma Homa Bay County Referal Hospital , kambi mogo ma chiro Kigoti kod kar pidho jamni ma Arujo
Kanomedowuoyo ewii wachno migosi Nyambok nowacho ni chenro mag dongruokgo pok otieki kata obedo ni nitie omenda madongo dongo ma osebed ka iketo e chenrogo e hik manyonge ka hik manyonge kochakore hik 2015 kucho
Nyawadgi ma Gwasi South migosi Nicholas Ayieta bende ne oseyo piny owacho mar County ma Homa Bayno kuom tiyo marach gi omenda mane onegobed ni kelo lokruok e ngima jopiny ma County ma Homa Bay kuno
Kanomeodwuoyo ewii wachno Ayieta nowacho ni gidhi keto piny owacho mar County ma Homa Bayno e nyong' ong mondo olerne jopiny gima omiyo chenro mag dongruokgo pok otieki nyaka sani kowacho ni bunge mar County ma Homa Bayno osebedo ka puodho omenda e hik manyonge ka hik manyonge ni mondo otiek godo chenorogo to mano pok otimore nyaka sani
Kwan jii maromo alufu 1 gi 348 makoro oyangi ni jonigi Coronavirus e pachoka ei kawuononi
Kwan jii ma oyudi kod midusi mar Coronavirus ei kawuononi gin jii 62 makoro kelo kwan jogo duto man kod midusi magalagalano e pachoka chopo jii alufu 1 gi 348
Magi ne oyangi kod jalup jatend migao mochungne yoore mag thieth e pachoka laktar Rashid Aman mane owacho ni thoth jomane oyudi gi tuono ei kawuononi gin jokenya
Kanomedowuoyo ewii wachno laktar Aman nowacho ni Nairobi ema pod okao namba gi jii man kod Coronavirus e thurkka
Magi koro ne obedo e seche ma jotuo moko 3 mag Coronavirusno bende ne jochangee ma owe odhi pacho makoro kelo kwan jogo duto ma josechango ne tuono e thurka chopo jii 405
Aman bende ne ogolo siem ne jotuo mag Coronavirus ni jogigi chutho gi tim moro ma moko kuomgi josieko godo mar chiwo nonro mobam mag jomane gibedo godo gi tudruok eseche ma ipimogie ne midusi makochno
Dichuo moro ne omaki gi ketho mar kualo gige thieth ma kar thieth ma Rachuonyo Sub County Hospital
Obila ma Rachuonyo East e County ma Homa Bay ne jomako dichuo moro ma hike nie diere gi ketho mar kualo gige osiptal buora ma gin mek kar thieth ma Rachuonyo Sub County Hospital
Achijno mabende ne oyang nyinge kaka John Aggrey Odhiambo matiyo tij beto e kar thieth ma Rachuonyo Sub County Hospital kanyono ne omaki e pare egweng ma Oluti ei Kodhoch West Location
Iwacho ni Odhiambo ne okualo gige osiptal buora ka moko kuom gik mane okualo ne oyudi kod jokwath mag jamni mane jolago jamni e bungu moro man machiegni gi dalane mane jodhi ogoyo ripot ka jadoung gweng
Moko kuom gik mane oyudi ne oting' o masinde mag theatre , side mag osiptal kod sanitizers kuom mamoko
Magi ne oyangi kod jalup County Commissioner ma Rachuonyo East Sub County migosi Jack Obuo mane owacho ni achijno ne omaki bang tend osiptandno yudo muya ma alingling mowuok kuom jogweng mane jochich gi jagono
Obuo nowacho ni achijno ne oter othoro Police Post ma ogengnee ka irito tere e nyim doho e juma manyien
Obila ma Migori jopedho jii 12 moko manyocha opondo Mabera Quarantine Centre
Obila ma County ma Migori ka jotudore gi apisas mochungne yoore mag thieth sani koro jopedho jii 12 moko manyocha opondo Mabera Quarantine Centre ewii odhiambo mar tarik 21 mar dweni
Magi ne oyangi kod jatend migao mochungne yoore thieth e County ma Migori laktar Isca Oluoch mane owacho ni jomanyocha opondogo gin moko kuom jii 20 manyochane omaki tarik 19 mar dweni e magawa ma Native Gilly Hotel e County ma Migori gi ketho mar ketho chike mane oketi mag kedo gi Coronavirus moting' o chik mar curfew kod chike mag rito ler kuom mamoko
Kanomedowuoyo ewii wachno laktar Oluoch nowacho ni jii 12 go pok oyudi to gimatimore en ni gin kod nondgi ni kendo obila ka jotudore gi apisas mochungne yoore mag thieth jodhi nyime gi pedhogi
Jatugo Makaka owito ngimane
Pod en kuyo kaluwore gi thoo mar mane en jatugo mar team mar Kenya mar opich agoko kata rugby Sevens Allan Makaka ne owito ngimane e masira mar apaya.
Makaka ma bende yande gocho ne club mar Kenya Harlequins ne othoo e masira e apaya ma Mombasa road otieno ma piny orugo kawuono.
Kambi mar Royal Media Services bende nikod kuyo kaluwore gi thoo mare nimar kochakore higa 2012, osebedo ka otiyo kaka maneja mar chenro mag uso ne nyakalondo mar Hot 96.
Ramogi FM, nyakalondo mar dholuo motelo e Kenya ka. Wan gi jolendo manikod lony mar neno ni jowinjowa oyudo puonj, mor kod ng' eyo kaka dwarore
Maloyo familia 320 ma West Kochia Location e Sub County ma Rangwe e County ma Homa Bay ne pii mapong kendo mamuomore okelee midhiero kaluwore kod wach koth mapek mane ochwe kuno kod wach pong mar Nam Lolwe masani opong ma pii ochwe odonjo nyaka e miere
Familia ma piigno ohinyo ahinya gin ma Kaura Sub Location kiwacho ni pii sani opong' o miechgigo makoro ochunogi mondo gidar mondo gidhi gidak gi wedegi moko manie kuonde moko mabet ka oting' ore gi malo
Kanowuoyo ewii wachno ruoth ma West Kochia Location migosi Joshua Juma nowacho ni gwenge maromo 16 sani pii opong' o nikech wach koth machweno kod wach pong mar Nam Lolweno
Kanomedowuoyo ewii wachno migosi Juma nowacho ni udi buora sani piigno oketho kaachiel bende gi ketho cham bende e puothe ma piigno ne oywero odhigo moweyo jopur ka jodong chwata gi lwetgi nono ma cham ma digisiem e puothe koro onge
Jatelono nowacho ni wach pii mapongno ma osiko asika e egweng ma West Kochiano ikelo kod wach ohinga mane oger mag geng' o pii kata dykes ma gweng ma Nyangweso
Ne okwayo piny owacho mamalo kokalo kuom chenro mar Kimira Oluch Irrigation Project mondo jong' i anena kaka ginyalo tieko gero dykes moko mane owee nus e gweng ma Nyangweso kanyo mondo okony e tieko wach pii mapong egwengno
Mopogore gi West Kochia familia buora ma Central Kochia kod East Kochia Location bende piigno ohinyo bang aora Oluch pong ma ochwe obwaorenegi e miere ma odhi oketho mwandugi modhuro
Kwan jii ma oyudi ni jonigi midusi mar Coronavirus ei kawuononi gin jii 23 makoro kelo kwan jogo duto man kod midusino e pachoka chopo jii 672
Magi ne oyangi gi jalup jatend migao mochungne yoore mag thieth e pachoka laktar Rashid Aman mabende ne oyango ni kwan jii ariyo mamoko ne jowito ngimagi kawuononi ne tuo mar Coronavirusno makoro kelo kwan jogo duto makoro josewito ngimagi ne tuo magalagalano e thurka chopo jii 32
Bende aman nowacho ni kawuono ne giyudo kwa maduong mag jogo mane ochango ne tuono ma gin jii 32 makoro kelo kwan jogo duto ma josechango ne midusino e pachoka chopo jii 239
Jalup jatend migao mochungne somo epachoka Mumina Bonaya koro nyo ogoo dhoge piny kawacho ni kaka piny owacho pod ok ging' eyo ni skunde ibiro yao karang' o e pachoka
Kanyomedowuoyo ewii wachno Bonaya nyowacho ni mana kakane oler kod jatend migao mochungne yoore mag somo e thurka ngire George Magoha , paro mar yao school kata weyo maok oyau school ibiro siro kod ng' eyo kaka landruok mar coronavirus medo bedo e pachoka
Jatelono nyowacho ni yao school kata bedo maok oyawe biro luwore gi kaka oganda jokenya joluwo chike mane oketi gi iny owacho mag konyo kedo gi midusi mar Coronavirus kowacho ni kadipo ni oganda jokenya jobiro oluwo chike moketigo to landruok mar tuono biro dok piny kendo weche duogo e wang' e eka koro gibiro ng' iyo ka ginyalo yao skunde
Mumina nyowacho mago e kar thieth ma Siaya County Referal Hospital manyo odhi chuoye wang' e e kony manyo ogol kod mbalariany ma Jaramogi Oginga Odinga University e kedo gi midusi mar Coronavirus e County ma Siaya kuno
Nyo okwayo jonyuol mondo joyie otii kod thuoloni makoro omi jii mondo jobed pachoni e temo tayo nyithigi e yoo makare mar neno ni giluwo puonj ma imiyogi e yoor mbui
Mumina bende nyo okwayo jonyuol mondo jotemie neno ni girito nyithigigo moloyo to ma nyiri mondo kik gidonji e timbe moko ma dimi gimak iye ma oiu kata gidhi e keny ma oiu
Jatelono mabende nyo oten kod Vice Chancellor ma Mbalariany ma Jaramogi Oginga Odinga University kuno ngire Stephen Agong nyowacho ni ok digigomb neno ka nyithindo koso dok e school ka oyau skunde nikech wach iye ma oiu kod keny ma oiu
Mbalarianyno nyo ogolo sabunde mag pii mag lwoko lwedo kata sanitizers , yedhe mikuoyo mag geng' o landruok mar tuo mar Coronavirusno kod tangi mag pii ma duto nengogi romo silings alufu 200 ne piny owacho ma County ma Siaya
Obila ma Mombasa koro jochako apedha mar jatuo moro mar Coronavirus manyo oringo e kar dak ma Old Town Mombasa kuno bang piny owacho keto chik makumo donjo kod wuok e kar dagno
Komiti mochungne kedo gi midusino e County ma Mombasa kuno motelne kod governor mar Countyno migosi Ali Hassan Joho ne jowacho ni jatuono en achiel kuom jii 5 manyo jopondo kawuok e kar dak ma Old Townno ka machielo kuomgi to nyo oyudi ka otho e kama nyo odhi butoe gi jowetege mamoko 3 manyo ochwe omaki
Joho nowacho ni jii adekgo ma gin miyo achiel gi chuo ariyo sani ogengnegi e kar thieth ma oketgi e ward margi yoorgi ne tuo mar Coronavirus
Governor ma Kisumu ngire Anyang Nyong' o koro wacho ni pinje mag Africa ma Ugwe ma nie aluora mar Nam Lolwe koro chuno ni nyaka jobed kod romo mana mapiyo mar lalruok ewii pong mar Nam Lolweno
Kanyomedowuoyo ewii wachno ngire Nyong' o nyowacho ni jotend pinje 3 ma gin Kenya ,Uganda gi Tanzania jonegobed ni joromo ewii wachno
Nyong' o nyowacho ni wach pong mar Nam Lolweno osemiyo aore opong mokalo kanyo ogolo rang' isi mar aora Nyando manyowacho ni opong ma oholo ma odonjo e miere kendo pod dhi nyime gi kelo midhiero mapek ne oganda ma odak e aluora mar aorano
Kanyowuoyo eseche manyo ochiwoe kony chiemo ne jomane pii mapong kendo mamuomore odaro egwenge mag Nyando , Nyakach kod Muhoroni jatelono nyowacho ni County mareno sani nigi chenro maduong mar ng' iyo kaka ginyalo chiwo kony mag chiemo ne jogo duto mane piigno odaro e miere
Nyowacho ni chenro mag pogo chiemono biro dhi nyime moloyo to e tero chiemo ne jogo ma ojot e kembe jot mane oketgie bang piigno riembogi e miechgi kowacho ni piny owacho mar county mareno pod dhi nyime gi solo chiemogo kuom jo samaria mang' uon kod bede migepe mopogore opogore mag piny owacho
Jaod bura ma Kuria East migosi Marwa Kitayama odokne piny owacho mar Jubilee ewii lweny ma piny owachono oseketo mar kedo kod midusi mar Coronavirus ka okwedo dhok manyocha ogol kod jaod bura Junet Mohamed mane wacho ni piny owacho mar Jubilee pok oketo okenge motegno mag rakruok gi tuono
Kanyomedowuoyo ewii wachno Kitayama nyowacho ni piny owacho mar Jubilee osebedo ka siro lwenj kedo gi tuo mar Coronavirusno kochakore e kor gwenge ka osiro piny owacho mag Counties e lwenyno nyaka chop malo -mano e piny owacho mamalo kanyowacho ni seyo manyocha wuok kuom migosi Junetgo onge tiegi kata matin
Nyowacho ni piny owacho mar Jubiieeno osebedo ka miyo jii gige lwoko lwedo e Counties duto mathurka kowacho ni kata mana wabunge bende osemii gige lwoko lwedo mondo mi jodhi opog jopiny egwenge ma giwuokie
Jatelono nyowacho ni ok onyal bedo gimaber kata matin ka inyaloruako siasa e lwenj kedo kod tuo mar covid-19no kowacho ni jotelo duto mane oyier jonegobed ni jonyuako lwedo lwenj kedo gi tuono
To kumachielo bende Kitayama nyo okwayo oganda duto ma County ma Migori mondo joyie oluu chike mane oketi gi piny owacho mag kedo gi tuono kowacho ni lwenj kedo gi midusino ok onegobed ni iweyone mana piny owacho kende
Jii 17 moko manyocha rik jobedo machiegni gi jii 2 moko manyocha oyudi ni jonigi midusi mar Coronavirus e County ma Migori ne opon kod apisas mochungne yoore mag thieth ma odhi ogengnegi e kuonde ma igeng' onee jii ne tuono mabende idendo gi dho ngere ni quarantine centres
Jogo ne oluu gi apisasgo ebwo chenro mag luwo joma obedo machiegni gi joma nigi tuo makochno midendo gi dho jowagunda ni contact tracing ma odhi opon gi e kuonde mane gintierego kaeto odhi olornegi mondo yud kaka inyalo pimogi mar yango kagin kod tuo mar coronavirusno kata ooyo
Magi ne oyangi kod jatend migao mochungne yoore mag thieth e County ma Migori kuno laktar Isca Oluoch mane owacho jii 17go mane oting' o ja apiko moro mane oting' o achiel kuom joma nyocha oyudi gi tuo mar Coronavirusno kod familia mekgi ne ondhi ma oter odhi ogengnegi e kuonde ma igeng' onee jii michichgo ne tuo magalagalano
Kanomedowuoyo ewii wachno laktar Oluoch nowacho ni jomane oyudi ni ne obedo machiegni gi jomane tuogo ne oseter Mabera Quarantine Centre kapod gidhi nyime gi luwo jomamoko ma dinyochabed machiegni gi jomane tuogo
Nowacho ni gidwa luwo jogo duto madinebed machiegni gi jomane tuogo ma gilornegi mondo kik gimed keto ngima oganda kamarach mar gamo tuono
Laktar Isca bende ne okwayo ng' ata ng' ata mane nyalobedo machiegni kod jii 2 mane oyudi gi Coronavirusgo mondo joyie ochiure kendgi mondo odhi opimgi ne tuono kowacho ni jopiny nyaka koro jowuog oko mar kedo gi tuono eka ginyalobiro loyo lwenj kedo gi midusino
Nowacho ni jopiny nyaka to joluu mana chike mane oketi gi piny owacho mag kedo gi tuono kaka lwoko lwedo gi sabun , bedo mogwechore gi nyawadu kuom mamoko
Jaod bura ma Bondo migosi Gideon Ochanda kawuono ne okwayo piny owacho mondo oket chenro mar pogo chiemo manyalo konyo jogo ma pii mapong kendo mamuomore okelo kuomgi midhiero kaachiel gi konyo jogo ma tuoche bende okelo kuomgi midhiero
Kanomedowuoyo ewii wachno migosi Ochanda nowacho ni duarore ni piny owacho obed kod chiemo ma gikano ma oket mana mag konyo jogo ma pii mapong kendo mamuomore odaro e miere
Nowacho ni sitoo mag chiemo ma piny owacho nigo gie sechegi gin mana manyalo konyo kama tin kende maok nyal konyo jopiny e kinde ma midhiero ma pii mapong kendo mamuomoreno odaro oganda e miere
Jatelono nowacho ni duarore ni piny owacho obed kod sitoo moro mar chiemo mopogore gi sito mapile mar chiemo ma gin godo mondo mi sitoo machielo mar chiemono obed mana mar konyo oganda e kinde midhiero
Migosi Ochanda mane rik wuoyo e kar chung od buche ma Bondo nowacho ni ma piny owacho nigo sani ok nyal pidho jii kuom kinde malach kowacho ni mano ema omiyo duarore ni piny owacho obed kod sitoo mamoko mag itimo mano
Kwan jii maromo 45 ma oyudi ei kawuononi ni jonigi midusi mar Coronavirus makoro kelo kwan jogo ma oyudi ni jonigi tuono e pachoka chopo jii 535
Magi ne oyangi gi jatend migao mochungne yoore mag thieth e pachoka migosi Mutahi Kagwe
Kanowuoyo gi jopiny kachiel kachiel e tipo mar telebisen kowuok Afya House buore Nairobika migosi Kagwe bende nowacho ni nitie jii 9 manyochane ithiedho ne tuo mar Coronaviirusno mane ochango ei kawuononi ma owe odhi pacho makoro kelo kwan jogo ma osechango ne midusi makochno e thurka chopo jii 182
Kanomedowuoyo ewii wachno migosi Kagwe nowacho ni kuonde ma oseyudie jii mang' eny moloyo gi tuono e pachoka gin kar dak ma Eastleigh e boma ma Nairobi , Kawangware bende Nairobi kod Old Town e boma ma Mombasa kowacho ni mago e kuonde dak makoro gidwamenyoe moloyo e pachoka mar neno kaka digichungi medruok mar tuono kuondego
Ei thuolo mar dwee achiel ma osekalo, jii 237 e pachoka osewito ngimagi nikech midhiero mar oula.
Ma en nonro ma ochiwu gi jatend migao mar loch gwenge migosi Eugine Wamalwa ma wacho ni mohewo jii alufu 161 bende pii oula osedaro e miechgi.
Migosi Wamalwa wacho ni piny owacho oseoro kweth mar apisas ma ochung' ne chenro mar pogo chiemo ne familia ma ochando kaluowre gi oulano.
bende siem ogol ne jogo ma nigi timbe mag kwalo mwandu mag jopiny e kuodne ma oula okwakogo to kod jogo ma lal gi kony ma itero n jopiny.
Ewii wach onogo, director mar bad migao ma koro chal mar lwasi Stela Aora okoo ni koth pod biro dhii nyime gi kwee ei thuolo mar ndalo 7 ma biro mano ka chwee nyaka e dier dweni. Mikayi aora okone jokenya mondo mii jobed akicha to ahinya e kuonde ma pii oula thoro muomoe.
Duol mawinjo ng' ur mawuok e duonde buche ochungo winjruok e kind duond bura mar Jubilee gi duond bura mar KANU kuom kinde nyaka chop kuku komiti maduong'  mar tend Jubilee mangima rom ma gol ng' eto mare ka bende winjruogno nyalo bedo kata ooyo.
Seneta Susan Kihika manyo ogol e lemo mar jagoo oporo e loo jogo mathoth e senate, odhi e nyim duolno en kanyakla gi jotelo mamoko dhii pedho ng' ur margi kagiwacho ni winjruok manyo oketi e kind duond buche 2go ok oluwore gi dwaro mar chik.
Ng' ur makamano ne ochwal koda ka gi ja od bura Caleb Kositany ma en jalup jagoro maduong'  mar Jubilee, Benjamin Washiali ma en jagoo oporo e loo jogo mathoth e od bura ma malo kod migosi Albert Mutahi.
Rumbi mar lit gi kuyo sani okwako gweng ma Kokara ei Sub Location Masala , Rarieda e county ma siaya bang tho wuok e lweny mane obedo e kind owete moko 2
Iwacho ni jii ariyogo ma gin owete ne jochuanyore ma ochako lweny mapek e kindgi ma oweyo ka ochiel kuomgi otho to machielo hinyruok marach mokalo
Magi ne oyangi gi jatend obila ma Sub County ma Rarieda migosi Thomas Ototo mane owacho ni jago mane othono mane oyango nyinge ni Stephen Otieno mabende japuony ma Dagamoyo Primary School ne otho bang lweny mager mane obedo e kinde gi owadgi matin miluongo ni Calvin Odhiambo mabende japuony Bar Chando Secondary School
Kanomedowuoyo ewii wachno migosi Ototo nowacho owete ariyogo ne jochwanyore ma tho owuokie ka machielo mane ohinyoreno to ne oring godo e kar thieth ma Bondo Sub County Hospital mar timone thieth
Jatend obilano ne ong' iso Radio Ramogi ni ringre jago mane othono ne oyudi ka oliero e tol e ode ka obila josechako timo nonro ewii wachno mar ng' eyo kaka dine jagono yudi ka oliero e tol nikech ne gigore ei okinyi makawuononi motelo ne weche tho mane chak betiego
Nowacho ni ringre jago mane othono ne oter e kar kano ringre joma otho ma kar thieth ma Madiany Sub County Hospital ma idhi timonee bero
Migosi Ototo ne okwayo jogweng ni jotemie bedo jogo mamanyo yoore mamuol mag tieko yuaruok manie kindgi kar bukruok gi lweny moko machalo kamago
Jii 7 jowito ngimagi e masira makoch mar apaya ma oa timore kisian e apaya mawuok Kisumu kochimo Busia
Masirano ne otimore bang lori moro mane oting' o niang ne odhi ma otuomo matatu moro aila mar Nissan kaachiel bende gi tuomo nyamburko moro mar jii giwegi
Magi oyangi gi jatend obila ma Kisumu Ranson Lolmodoni mane owacho ni gidhi nyime gi timo nonro mar yango gima dine kel masirano
Katakamano jogweng giwegi to jowacho ni lorino mane rik wuok yoo Maseno kochimo Kisumu ne obaa yoo ni emane odhi otuomoe matatu mar Nissanno mane rik ochimo yoo Busia kaachiel gi tuomo nyamburko moro mar jii giwegi bende mokelo thogego
Masirano ne okelo dhungruok mag geche e apayano ka jo samaria mang' uon kod obila ne jotemo golo jomane johinyore e masirano karingo godo e kuonde thieth
Jogweng mane jonigi mirima mager ne jotemo tiayo lorino mach to obila mane josechopo e kamane masirano otimoreeno ne jokeyogi
Kanowuoyo ewii wachno jataa tije ma kar thieth ma Jaramogi Oginga Odinga Teaching and Referal Hospital laktar peter okoth nowacho ni gisemana yudo ringre 5 kende mane oter kanyo ma gin mon 3 , rawera moro kod dichuo moro
Jii 28 ma oyudi ni jonigi tuo mar Covid-19 ei kawuononi makelo kwan jii duto man gi tuono chopo 700
Kwan jii ma oyudi ni jonigi midusi mar Coronavirus ei kawuononi gin jii 28 makoro kelo kwan jogo duto man kod tuono e pachoka chopo jii 700
Magi ne oyangi gi jalup jatend migao mochungne yoore mag thieth e pachoka laktar Rashid Aman
Kanowuoyo gi jopiny kachiel kachiel kowuok e tipo mar telebisen laktar Aman bende nowacho ni kwand jii maromo 12 ne ochango kawuono ne tuo mar Coronavirusno makoro kelo kwan jogo duto mosechango ne tuo makochno chopo jii 251
Kanomedowuoyo ewii wachno jatelono nowacho ni nitie ng' at achiel mane otho kawuono gi tuo mar Covid-19no makoro kelo kwan jogo ma josetho gi midusino e thurka chopo jii 33
Bende ne olero ni kuom jii 28 go 10 ne oyudi e County ma Mombasa , 9 e County ma kajiado, 7 e County ma Nairobi kod 2 e County ma Wajir
Oganda jokenya joyango tuo mar Coronavirus kaka midhiero maduong mogore kuom piny Kenya
Oganda jokenya joyango tuo mar Coronavirus kaka midhiero maduong' ie gi duong mapokne ka one ma omako piny Kenya ma onegobed piny owacho keto nyime moloyo e rakruok godo maloyo gimoro amora
Maendi en kaluwore gi nonro manyocha otim kod Infotrack nok mar chiemo , onge mag tije ,bedo kod kuonde thieth maok oromo , ngima matek tweta kod nengo somo masani koro odhi malo e moko kuom midhieche ma jokenya neno ni kelonegi pek mokalo
Mamoko gin yoore mag wuoth mapod richo e thurka , nengo chako ohala e pachoka , yoore mag arita kwee maok becho e pachoka , masiche mabiro apoya mathoro gore kuom jii e thukra , mibadhi kod weche mag tiyo gi yedhe mamerojii kod kong' o ma imadho asasa e moko kuom sida ma jokenya jokalee
Kambi mar Infotrackno nyochane okao pach jii gana 1 gi 203 e nonro mane gitimo e kind tarik 28 mar dwe mar 5 kod tarik 2 mar dwe mar 6 higani e Counties 24 kuom Counties 47 mapachoka
Bishop mar ACK ma Bondo koro duaro ni puonj jopiny ewii chike mane piny owacho oketo mag kedo gi Covid-19
Bishop mar kanisa mar ACK bade ma diocese ma Bondo ngire David Kodia koro wacho ni oganda jokenya onegobed ni imiyo puonj ewii chike ma oketi gi piny owacho mag geng' o landruok mar tuo mar Coronavirus mondi kapok obi okau okang mar yao kanise e thurka
Kanomedowuoyo ewii wachno Bishop Kodia nowacho ni duarore mondo mi opuonj oganda jokenya ewii chikego mondo mi ging' e ber mar rito chikego esechegi ma piny owacho temo ng' iyoe yoore ma inyalo yao godo kanise mapachoka e yoo moro maok dikel landruok mar midusi mar Coronavirusno
Jadolono mane rik wuoyo apise mar diocese ma boma ma Bondo nowacho ni piny owacho duarore mondo obed motang mokalo mar neno ni giketo chike moko mabiro konyo e thiro landruok mar tuo magalagalano kata ka obedo ni gibiro ng' ado mondo mi giyau kanise
Familia ma kwangi ohewo alufu 1 pii oula osedaro e sub county ma Ugenya e county ma Siaya.
Ma bang'  aora Nzoia pong'  ma omuomo kaluowre gi koth ma osebedo ka chwee Siaya gi aluorage.
Jalup Komishona morito sub county ma Ugenya Pamela Otieno, okoo ni gwenge ma midhierono ohinyo ahinya gin kaka locations ma West Ugenya gi East Ugenya kama puothe bende pii okethoe cham.
Okoo ni moko kuom familia ma pii odarogo ojot e skund sekondar ma siginga ka mamoko odak kod anyuondgi mamoko.
Jalup gavana mar county ma Kisumu, migosi Mathew Owili wacho ni giseyango ni luoro osedonjo ne jopiny ne wach midhsui mar coronavirus moko ma koro ok dwa dhii e osiptend eyudo thieth kata ka gituo
Dr. Owili wacho ni osiptende pod oyawu ne jopiny mar yudo thieth nimar nitie tuoche ma pod sando jopiny ma ok owinjore wee ma ok odhiedhgi kata odoko ni sani mahino nenore kagima oketi e tuo mar covid 19.
Riwiruok mar piny mangima ma rango weche mag thieth kod ngima oganda who ochiwo siem ne pinje ni midhusi mar Coronavirus chalo ma pod nyalo medo chwere kapok otieke.
Jataa tije ka who Dr. Tedros Adhanom Gebreyesus wacho ni thoth pinje sani pok ochopo e ng' iend lwenj kedo gi midhusino ka pinje mathoth owacho ni koreka chako ii gi lwenyno.
Dr. Tedros okwayo jotelo mag pinje mondo mii otim ikruok moromo kendo medo rido okenge mag rakruok gi midhusino ma sani gikore ni nyalo biro gwaro kapok okedgo moloo.
Od bura mar county ma Homabay opuodho nyinge jogo ma nyocha nme owal ne lemo mar jokanyo mag board ma ochung' ;ne jotich piny owacho Public Service Board.
Jii ma yande nyingegi ochwal gi gavana mar countyno Cyprian Awiti kendo manyo opuodhi gi od burano gi kanyakla kod
Dr Lawrence Kotieng ma yande en jatend migao mar thieth e countyno, Elijah Ondondi kodo to kod Sarah Owino.
Jii 3go koro owinjore ocham muma mar apis mondo mii gichak chenro maggi ka maduong'  gi e thuolni en ndiko jochiwu thieth ma owinjore okony e lwenj kedo gi midhusi mar Coronavirus.
Odiechieng'  ma kawuono jokristo e piny mangima dhialo kaka tich 5 maler mar pasaka kata ‘Good Friday'  ka ma wang' ni tumore e yoo ma kende nimar onge chokruok e thoth pinje mani e bwoo pinyka, onge lamo mag ii kanisni, onge nyasi mag mor ma kaka osebedo katimore higni mosekalo.
maa en pasaka ma odonjo e kinde ma piny mangima ni e chuny midhiero kaluwore gi landruok mar midhusi mar Coronavirus.
Odiechieng'  ma kawuono ema joyie mag kristo joparoe kaka ne ogur Yesu
Ng' ur moko owuok e od bura mar county ma omabay kaluowre gi lokruoge manyo otim ne lemo mopogore opogore mag telo e od burano.
MCA ma Kanyadoto ward Walter Were Muok manyo omaa lemo mar jetend kweth mathoth e od burano nyoro, ywak ni yierruok ne obedo kendo nitie gwenge ma ok omii thuolo mar telo. 
Lemo mar jatend kweth mathoth ne omii MCA ma Kanyaluo ward Jeff Ongoro ka lemo mar spika ne omii MCA ma Kabondo West migosi Godfrey Anyango ma ongere kaka Goody Goody. 
Ka mago duto gin MCAs mawuok e gwenge mag Rachuonyo.
Familia ma kwangi ok tin ne 20 e location ma Wang' chieng e county ma Homabay koro nigi achiedh nade ahinya to ne gwenge mani e dhoo wath ma Chuowe kama pii omol mochopo e miere kaluowre gi pong'  mar Nam Lolwe.
Jolupo gi jo ohala mamoko mani e dhoo wath ma Chuowe koro nigi luoro mokalo kaluwore gi midhierono.
Ruoth ma wang' chieng'  location Peter Agunga yango pii nam lolwe ne ochako medore juma mokalo kendo ochungo chenro mamoko mani e aluorano.
Bende ojiwo familia mani e dhoo wath mondo mii jochak manyo kuonde ma nikare.
Gavanas mag counties mag luo Nyanza iseyo ni oseweyo kawo ting'  maggi kakowinjore to kar mano ni giketo mahino e chenro magg bbi madhi nyime e pachoka.
Seneta ma Homabay migosi Moses Kajwang'  wacho ni gavanas oserem chopo kare singop maggi ka e kindeni gidhi nyime gi yuoro e romo mag BBI.
Migosi Kajwang'  manyo loso e county ma Kisumu, okoo ni midhiero ma okwako counties ema owinjore jotend county joket e mahino e kindeni.
Doho ma Kisumu kawuono owito oko bura mane omakne seneta ma Kisumu Fred Outa, mane en jalup gavana ma Kisumu Ruth Odinga, MCA ma Kondele Ward Joachim Oketch kod achije mamoko 2 ne wach mar ni ne girocho chenro mag apisas mag duol matayo yiero IEBC e kinde mane inuoyo yiero mar jatend piny kenya e dwee mar 10 higa 2018.
Doho ma Kisumu okawo okang'  makamano bang'  jomin buche were kod burano wira ni jotim neno maromo 9 duto mane igeno ni biro timo neno ne oduogo otamore timo neno.
Bad migao ma rito lee mag bunge KWS okoo ni jopiny nyaka bed gi horuok e thuolo magidhi nyime gi luwo chude ne jogo ma omonji gi lee mag bunge.
Jalup apisa maduong'  e rito lee mag bunge e county ma Kisumu gi Siaya Joseph Nyingesa wacho ni chenro mar chudono nyalo bedo ni gwaro to kata kamano piny owacho to gikone nyaka chudi.
Jadolo Muheria mar Catholic okwayo kuonde lamo duto mapachoka mondo joyie oluu chike duto mane oketi mag kedo gi Covid-19
Jakom komiti mar jotend dinde mane ochuogi mag rango kaka kuonde lamo chopo chike mag kedo gi Coronavirus kapok oyau kuonde lamogo , jadolo mar kanisa mar Catholic mapachoka Anthony Muheria koro kwayo jotend dinde duto mathurka mondo jotemie neno ni chike ma oketi mag kedo gi Coronavirusgo dhano oluwo e kuonde lamogo kaka duarore
Kanomedowuoyo ewii wachno jadolo Muheria mabende e jatend diocese mar Catholic ma gwenge mag Nyeri ne owacho ni en gima ochuno mondo jolemo duto joluu chike moketi gi sirikalgo mondo okonygi e geng' o gamo midusi mar Covid-19no
Magi ne owacho ni esechegi makoro ne iyawoe kanise mapachoka ei kawuononi
To kumachielo bende jadolo Muheria bende ne okwayo jolemo duto mathurka mondo joket lamo ewii tuo mar Coronavirusni mondo mi Nyasaye orie bade kendo golo tuono e kind oganda – ma ochwe odhi chutho
Kanise ma County ma Kisumu ne oyepo ei odiechieng makoro ne oyawie kanise e thurkani
Kanise ma County ma Kisumu kawuono ne jonie odiechieng mar ariyo mar yuoro e weche mag alam bang yepo mag kanise e pachoka
Nonro mane otim gi Radio Ramogi ne oyango ni jolemo ne joyuoro e alam e kanise buora kaka kanisa mar Catholic , Anglican kod Deliverence Church kuom mamoko
Arch Bishop Joel Ofuna mar kanisa mar Ruwe Holy Ghost Church of East Africa ne oyango ni ne gichopo chike duto mane migao mochungne yoore mag thieth e pachoka ne duaro ni giluu mar neno ni jolemo mane odhi kuno ok jonyal gamo tuo mar Coronavirus
Kanomedowuoyo ewii wachno Bishop Ofuna nowacho ni giduaro temo neno ni onge ng' ata ng' ata magamo tuono e kuonde mag lamogo
Kanowuoyo gi Radio Ramogi , jadolono katakamano nowacho ni pod nitie kanise modhuro mapod nigi sida mar ng' iewo rapim liet mar del mabende ong' ere gi dho ngere kaka thermo gun ma iwacho ni nengone nimalo
Katakamano ne owacho ni kanise duaroee mondo jotemie luwo tir chike duto mane oketi gi piny owacho mag rakruok gi tuono
Midhiero mag kanisni
Jotelo mag county ma Siaya ojiwu mondo mii josir kanisni kendo neno ni gibedo gi nyalo mar yawo chenro mag alam kagiluwore gi okenge ma oketi mag geng' o landruok mar midhusi mar coronavirus.
MCA ma ward ma Usonga e kar chung od bura ma Alego Usonga migosi Silvestre Madialo wacho ni nitie kanisni ma dhii rem yawo chenro mag alam nimar gionge kod nyalo mar chopo dwaro ma piny owacho oketo
Kwan jii maromo 688 ne oyudi ei kawuononi ni nigi Coronavirus e pachoka
Kwan jii maromo 688 mane oyudi kawuononi ni nikod tuo mar Coronavirus makoro kelo kwan duto mag jogo man kod midusi magalagalano e pachoka chopo jii alufu 12 gi 750
Magi ne oyangi gi jatend migao mochungne yoore mag thieth e pachoka migosi Mutahi Kagwe mane owacho ni kuom jii 688 go ng' ama hike ne tin mogik ne en nyathi moro ma ja dweche 7 ka mane hike duong mogik ne ja higni 95
Kanowuoyo gi jopiny kachiel kachiel e tipo mar telebisen kowuok e County ma Embu migosi Kagwe bende ne oyango ni jii 3 moko ne tuono olal gi ngimagi kawuononi makoro ne kelo kwan jogo duto ma tuono osenego e pachoka chopo jii 225 kod bende lero ni nitie jii 457 mane ochango ma owe odhi pacho ei kawuononi makoro kelo kwan jogo duto ma osechango e thurka chopo jii alufu 4 gi 440
Katakamano ne odhi nyime gi kwayo oganda jokenya duto mondo joyie okau lwenj kedo gi tuo mar Covid-19no ka margi giwegi maok weye ne mana piny owacho kende
DICHUO ODERE KA POLIS BANG'  NEGO WUON MARE
Dichuo moro ma ja higni 41 ma nyocha omaki kuom nego wuongi  ka gilaro wach  bando, okaw ngimane e cell mar obila. 
OCPD ma Ikolomani Joseph Chesire, oyango wachno kolero ni Raytone Luhombo mawuok e gweng ma Matundu  yoo Kakamega, nodere  kotiyo gi sati manorwako e cell mar tesend obila ma Malinya , kama osebed kolorne nyaka noneg wuon mare ma ja higni 68 no alfred isutsi.
Joyuak noyudo osechako chenro mar iko jaduongno kawuono e seche manokelnegi wach ni rawuoyino bende odere.
Riuruok mar bisobe mag oganda jokopere koro dhi nyime gi kedo gi tuo mar kahera e County ma Kisumu
Riuruok mar bisobe mag oganda jokopere mong' ere kaka Kenye Conference of Catholic Bishops kokalo kuom chenro manyochane gichako mar kedo kod landruok mar tuo mar kahera mong' ere kaka Komesha TB Program sani jodhi nyime gi puonjo jopiny e County ma Kisumu ewii wach dhi e pim mar ng' eyo chal mari ne tuo mar kaherano
Maendi koro ne gichako kaluwore kod wach kwan matin mag jii mawuok oko mar dhi e kuonde thieth nikech giluoro wach tuo mar Coronavirus masani koro landore ka maa tiang e piny Kenyani
Kanowuoyo e Sub County ma Nyakach laktar Sam Oduor Muga maen manager mar chenro mar Komesha TB no mabende osir gi USaid nowacho ni githiedho tuo mar kaherano nono maonge chudo e osiptende mag misen ka gisiro chenro mag thieth nonogo
Zipporrah Orucho maen Coordinator mar weche mag kedo gi tuo mar kaherano e Sub County ma Nyakach kuno nowacho ni gikedo mar golo luoro ma dhano nigo e weche mag thieth mar tuo mar kaherano kaachiel gi golo akwede moko ma dhano jokwedogo joma giwinjo ni nigi tuo mar kaherano
George Oliech maen jatij kar thieth ma Nyabondo Mission Hospital nowacho ni osebedo ka otiyo tij wuoyo gi jogweng mondo joyie odhi e pim mar kahera mondo mi ging' e chal margi koluwore gi tuono kanowacho ni tuo mar kahera en tuo migamo gie yamo ma kaok ong' i wachne maber to yot mondo mi oket ngima oganda kamarach
SENETA SAKAJA ORAMO NI NE OK OMAKE
Senator ma Nairobi Johnson Sakaja koro okwedo lipode ni nomake  monindo e tesend obila ma Kilimani otieno mokalo.
 Kokalo e mbui mare mar twitter,  Sakaja wacho ni jok ma lando meko mare onego ochiw namba mar OB manondikne kobila kaka yoo mar bedo gi adiera e wi meko mare.
Kata kamano andike mare e mbui mar twitter omedo mana jimbo wach ka jokenya mathoth medo kwede  kuom rocho chike mag curfew  moketi gi piny owacho  to en e jakom mar kamati mar senate e wi midhusi mar corona.
OPAMO DWARO RATIRO MARGI
Piny owacho mag Counties okwa mondo oket thenge kwan omenda moro mar konyo opamo mae Counties go ma sani kaloe kinde matek mokalo kaluwore gi midhiero mokel gi mucoh mar midhusi mar corona.
Riwruok moro ni sauti ya wanawake bade ma ka nam chumbi kokalo kuok jakomgi Dorcas Jibran, owacho ni andwayogo ok nyal yudo kaka chiemo wira ni chike moketi gi piny owacho oridore negi mokalo.
Nowacho ni counties onego omigi kony mar yudo kaka ginyalo medo dago ngima maber.
LADY MAUREEN POK OIKI
Ringre jangolo mar ohangla lady Maureen pod ni e alak  mar sikul ma Kopanga kama jopiny pod nene ringre kapok okowe kar yueyo mare mogik. 
Motelo noseter ringre pacho mak mana ni johera mage noyudho ringre motero e sikund primar ma Kopanga kama jopiny nene e yor kwe.
Kata kamano jopiny ok odewo wach mdhusi mar Corona wira ni dhano odhugni malich mokalo e kama inene ringre jangolono.
DOHO MA KISUMU OPUODHO OMBARA
Go ma Kisumo owacho ni City manager Doris Ombara ne ok otimo keth moro amora kaluwore gi okang mare mar  muko chiro ma kibuye e okang mar bero chirono.
 Jangad bura wacho ni winjruok ne obedo kendo jo ohalago nodar modhi kamachielo  mane gidhi use ka girito tiek gedo mar chirono.
Doho wacho ni Ombara kuom mano ne ok obalo gi chik mar doho.
OLORNE RINGRE WUODGI NIKECH GOWI MADUONG' .
Familia moro e gweng ma Malela ei West Kabuoch  location e Sub County ma Ndhiwa sani jokwayo kony mondo mi giyud ringre wuodgi moselorne kuom kinde buora e kar kano ringruok moro ma eldoret e wi bill mar siling 759,000
Anyuolano wacho ni wuodgi ma ja higni 44 no osebet e osiptal ma Eldoretno kuom jumbe ariyo kane en gi Cancer mar remo ema kaeto bangé nowito ngimane.
Weg osiptal mar jii giwegino olero ni ok ginyal chiwo ringre jalo nyaka chul bill go duto.
Ng' ur e od bura ma Homabay
MCA ma Kanyadoto ward Walter Were Muok manyo omaa lemo mar jetend kweth mathoth e od burano nyoro, ywak ni yierruok ne obedo kendo nitie gwenge ma ok omii thuolo mar telo.
Lemo mar jatend kweth mathoth ne omii MCA ma Kanyaluo ward Jeff Ongoro ka lemo mar spika ne omii MCA ma Kabondo West migosi Godfrey Anyango ma ongere kaka Goody Goody.
Jatuo maja piny China oketi e ward e kar kende e hopspital ma Agakhan hospital Kisumu kaluwore gio luoro marni onyalo bedogi midhusi mar Corona Virus
Ja Chinano matiyo e kambi magero apaya e boma ma Ugunja county ma Siaya wachore ni nyoro oter e kar thiethno otieno manyoro gi miyo moro kendo esache mane irwake ei od thieth to ne orwakne leuni mag arita ma pononi ne onyalo bedogi midhusino to ne ok onyal landore kuom jok mamoko
Laktere wachoni jatuono ne okuong othiedhi gi tuo mar pneumonia ka katakamno ne oduog okete ei ward maentie kar kende kama osekawie ranyisi mar timo pim kendo yango kadiponi onyalo bedogi midhusi mar Coronano kata ooyo.
Katakamano kane odwar pache ewi wachni to directa mochungne chenro mag thieth e kar thieth ma Aghakan Dr. Patrick Eshiwani ne okoni ne entie e romo moro kendo ne ok oduogo oyua tol machiwo ler ewi wachno
Jagoro maduong mar duond bura mar Jubilee Raphael Tuju ne oter gi ndege nyaka epinje maoko dhi yudo thieth moyiedhi kaluwore gi masira mar apaya mane ojuke e apaya maduong mawuok Nairobika nyaka Nakuru.
Duond bura mar Jubilee e ote makende ne ute fuambo gi keyo kokalo kuom directa mochungne yore tudruok Albert Nemusi, wachoni familia mar tuju ema okawo okang'  mar tere e pinje maoko bang lalruok giu laktare mane thiedhe e pachoka
Tuju kaluwore gi memusi nyo osegol e kar thieth mar jotuo mangimagi nitie kama rach kendoni nyo osepiele e ward mapile kaluwore gi kaka ngimane nyo osechako bedogi lokruok
Tuju ne oromo gi masira mar apaya makamano tarik 12 dweni kane oriko entie e safar kane odhi e hiiko mar ker mar 2 mapachoka jaduong Daniel Arap Moi Kabarak.
Kaluwore gi ripord obila nyamburko mar tuju ne otuomore gi matatu mane temo kalo nyamburko mamoko e apayano ka tije manyocha ne Tuju timo e duond bura mar jubilee itimo gi apisa maduong james waweru makonyore gi apisas mamoko nyaka chop Tuju bii duogi kowuok e hospital.
Manyaloromo familia 10 sani jodong maonge kuma chuoyee wigi bang mach maratipo wang' o utegi e dho wath ma Sena Beach , Mfang' ano East location , Suba North e County ma Homa Bay
Majno nyo owang' o udigi ei otieno mane piny oruugo kawuononi
Majno mabende nyo omuoch kar saa adek mar otieno mane piny oruugo kawuononi ne owang' o udi 6 mag apanga ma odong mana mirni olilo nyaka mwandu mane nie igi duto bende
Kanowuoyo ewii wachno jatend obila ma County ma Homa Bay Esther Seroney nowacho ni majno nyo omuoch e achiel kuom udigo ni ema kaeto nyo olandoree ma odhi e udi mamoko ma owang' o duto gi mwandu e igi ma oweyo weg udigo ka jodong chwata gi lwetgi nono makata gima digiwachi ni gidonggo onge
Kanomedowuoyo ewii wachno Seroney nowacho ni majno ne owang' o udigo kod mwandu duto manyo nie igi makoro nyo ochuno weg udigo mondo jonind oko e koyo
Obila mawuok e tesend obila ma Sena Patrol Base mane joringo odhi e kama nyo masirano otimoreeno nyo jotemo konyo e nego majno ka jotenore kod jopiny to katakamano nyo nego majno otamore nikech nyo oselandore ma omako udigo duto
Jatend obilano nowacho ni gisechako timo nonro mar yango gima dinyo kel majno
Katakamano onge ng' ata ng' ata manyo ohinyore kata tho e masirano
Obila e kaunti ma Mombasa pedho achije moko angwen  mane omonjo wuon duka moro e gweng ma Chaani eodbura ma Changamwe Mombasa kuma ne gikwale kwan omwom mapok oyangi eotieno mane piny ruugo kawuono.
Kaneoyango wachnoendo komanda mar obila ma Changamwe Ali Ndiema wacho achijego mane jomanore gi musdhola ne jotingore e apiko achiel esche mag monjno mane gitimo kar saa angwen motieno.
Wachore ni achijego ne owuodho musdhola to kae to gichikone wuon dukane kagike ni oywa dhot kuna ne gidonje kae to gichoko pesa duto mane giyudo.
Ne ochuno jonjorego muocho magina ariyo e kor yamo kakoro giwuok mar keyo moko kuom jopiny mane oseyuoro modino negi bang winjo nduru mar wuon dukanoendo makatakamano ne otony maonge hinyruok.
Jochiwu thieth e osiptal ma mine ma pumwani jong' anyo tich kagibandho chudo mar osara ma giywak ni pok ochulgi kuom dweche 4.
Ma ok tin ne jochiwu thieth 70 ma ondiki e yor kojolo kata contract odagi donjo e tich kendo gibago ng' anyo kagikoo ne jatend osiptandno Geoffrey Mosira ochulgi osara ma osekunore kochakore dwee mar 11 higa mokalo.
Peter Mwangi gi Judith Adongo ma otelo ne kweth jochiwu thieth ma ng' anyogo ywakni gikadhe midhiero mathoth e osiptandno ma Pumwani.
Sakaja ochung'  tenge
Seneta mar county ma Nairobi migosi Johnson Sakaja ochung'  tenge gi lemo mare kaka jakanyo kendo jakom mar komiti ma kene mar od bura mar senate ma nyocha omii ting'  mar konyo e ng' iyo yore mag geng' o landruok mar midhusi mar coronavirus.
Migosi Sakaja okawo okang'  makama bang'  kanyo omake ni oketho chik ma tamo oganda bedo oko kochakore saa adek mar otieno nyaka saa apar mar kogwen.
Obila manyo achich mar nek Sinderma
Obila pedho jago ma jahigni 23 mane ochuo kod pala monego nyako ma jahigni 15 e gweng'  ma Sinderma e sub county ma Gem e county ma Siaya.
Fredrick Onyango akula ne oringo molal bang'  nego nyakono ma ripot yango ni osebedogo e osiep kaka jaherane kata odoko ni jonyuol nyakono nyocha ok orwako herano ma bende en ataro mar chik.
Ruoth ma Central Gem location Barrack Oloo oyango ni achijno nyocha koka owuok e jela ma siaya kame ne ogeng' ne gi ketho mar ketho ratiro mar nyakono e yoor hera.
Lisasi omako japiny Rangwe
Jago moro ma hike ni e diere itimone thieth e osiptal bang'  kanyo obila ochiele gi magina kane obila rakore gi jopiny e sach apedha mar jous changaa e kar centre ma Nyamira Ndogo e location ma Gem Central e sub county ma Rangwe e county ma Homabay.
Samuel Ongoro ne lisasi omako e yoor buoth kane gitemo geng'o ne obila kik maki miyo moro gi achije mamoko ma itudo gi ketho mar uso changÁa.
Komanda mar obila ma Rangwe Jane Sang oyango wachno.
Obila ma Awendo sub county e county ma Migori nono wach thoo mar miyo moro ma jahigni 35 mane othoo bang'  kanyo obambe gi achije moko machiegni kod aora moro mani kilomita machuok kowuok e kar chiro ma Ranen.
Komanda maar obila ma Awendo sub county Mary Musyoka wacho ni miyono ma nyinge ok nyal hel e yamo, ne owito ngimane kaluowre gi hinyruok mane oyudo bang'  bembono. Ne orik itemo reso ngimane e osiptal ma st. Josephs Omboo Mission mani Migori.
Ne okwanye manichegni gi aorano miluongo ni jwelu kane pache olal kendo ne oonge kod teko bang'  tim ma kochno.
Ripot yango ni miyono ma odak e ot mokombo e kar centrer ma Ranen nyocha owuok e ode okinyi mar chieng'  tich 5 mokalo to ne ok ochak odok ema okinyi mar chieng'  ngeso oyude kosebambe.
Komanda mar obilano okoo ni obila oselimo kama ne timno otimore kendo choko neno ma gidhi tiyogo e nonro ka kata kamano nyaka sani pod ok gimako ngÁto angÁta.
Miyo obambi ma othoo Awendo
Doho ogolo singo ne jo Siaya
Bad migao mar doho bade ma siaya osingo ne oganda jo county ma siaya ni gichiwore mar neno ni ratiro oyudore ne jii duto ma oketh ratiro margi.
Jayal bura mar doho ma Siaya Roseline Aburili wacho ni gin kod singo mar tiyo ne ogand duto ma onge akweda.
Bende osingo ni gibedo akicha mar neno ni ok gidonjre e weche mag mibadhi e kinde magidhi nyime gi chneo mag yalo buche mag jopiny.
ne oloso kane gibago romo gi jopiny e boma ma siaya kama bende ne ochiwo geno ne jogo ma yuto maggi ni piny ni kik luor tero buchegi e doho nimar doho pod biro konyogi
Masich ot ma Tassia osenego jii 5
Kwan jii ma oseyangi ni owito ngimagi bang' od orofa nyo oruombore piny e kar dak ma Tassia, Embakasi e buore Nairobi ochopo jii 5.
Jalup komishona morito sub county ma Embakassi james wanyoike wacho ni nyako ma jahigni 15 manyo oresi nyoro owito ngimane ka yudo thieth e osiptal ma Kenyatta.
Wanyoike wacho ni nyaka sani jii 33 oseresi ka jii mamoko 26 pod ok oyudi bang'  od orofa auchielno ne oruombore piny okinyi ma nyoro.
Olero ni jii 18 kuom jogo manyo ogol ka ngima ne oringgo e osiptal ma Mama Lucy ka jii 16 ne oseyienegi dok pacho ka mamoko 2 to pod ithiedho. chenro mar menyo pod dhii nyime.
Wanyoike olero ni nyaka sani pok oyangore hie ni gi jii adi manyo ni e od orofano.
Midhiero mar oula Muhoroni
Midhiero mar ouola odaro familia mathoth e mieregi e gwenge ma Achuodho gi Kasese mani Ombei e sub county ma Muhoroni ka sani familiago ojot e kar jot moket tenge ma Achuodho
aora ma Ang' wecha nyo opong'  moo otieno ma piny orugo nyoro kendo lak nyaka e miere.
Maneja mar CDF ma Muhoroni sospeter ngere mane olimo gwengego, okoo ni dwarore ni piny owacho ma kisumu orure ma piyo e reso ngima oganda ma midhiero mar oula ojuko.
Familiago modak kanyo bende joywak ne piny owacho ma Kisumu kanyakla kod mcas mag gwengego.
Paro mar dwaro reso joma nigi ng'ol
Ja od bura mogwel ne chung' ne jogo ma ni kod ng'ol mikayi Denitah Ghati ochwalo paro mar twak e od bura ma odwaro ni piny owacho onee ni joma odak gi ngo'l oketnegi machiegni kodgi gigo ma gikonyore e yoregi.
mikayi ghati wacho ni osebedo matek ne joma nigi ng'ol ma chuno ni nyaka chan safar marabora nyaka e buore Nairobi biro manyo masinde magitiyogo. ewii mano okoo ni piny owacho nyalo chuogo centres moyiedhi e kar chung'  od bura ma ka kar chung' od bera ma joma nigi ng'ol ringo yudo gigo ma piny owacho konyogigo machalo ndigni, ludhe magisirorego e kind mamoko.
Mikayi Dennitah Ghati bende okone piny owacho mar county ma migori to kod counties mamoko ma thurka onee ni jogo mani kod ng'ol oket negi omenda moromo e kinde ma igoro bajet mar county.
Miyo majahigni 23 omaki kane otemo uso nyathine mawuoyi majahigni 5, Anduro Village, Siaya county
Miyo moro majahigni 23 olorne e tesend obila ama Siaya bang kane omake kane otemo uso nyathi mawuoyi maja higni 5.
 Sharom Achieng ne omake e gwnge mag Anduro Nyandiwa sub location bang kane weche owuok ni ne ojuke kotemo uso nyathine mawuoyino gi nengo mar siling milion 2.
Kaluwore gi jalup ruoth morito gwengno migosi Joseph Aloo, miyono ne oyudi kane otemo uso nyathino ne miyo machielo mabende oseyangi ni Ireen matiyo kaka chukdar e boma ma Siaya. 
Ne okone Radio Ramogi ni achijno osebed kiwinjo kowacho kaka rito nyathino ojonye bang kane dichuo mane omiye iich bole piny ni pangla gi nyathino kendo lal mana miru
Jalup ruothno ma ema ne oyango adiera mar wachno, ne odhi nyime gi leroni wachno ne oduog ogoo mana lipode kendo gi janyiewo maen Ireen onogo ma chalo ni ne oduogo obedogi too moko nekech Shaaron en jathi kiich mosebedo kodak mana gi dan mare kendo nyuom bende pok nonyuome. 
Miyono giesani olorne e tesend obila ma Siaya kuno ka nonro matut bende osechaki ewi wachni
Sekondar osekayo machiegni
Jopuonjre ma nyocha otimo penj margi mar klass 8 KCPE ma higani kawuono chako ng'eyo skunde sekondr ma oluonggie. 
Migao mar somo chako gi jopuonjrego ma nyocha oyudo marks 400 kadhi nyime e penjno.
Jopuonjrego dhii donjo e skunde 135 ma dongo mago ma ong'ere kaka national skuls. 
Chenrono owinjore orum chieng'  tich 4 jumani.
Jopuonjre ma kwangi ohewo milion 1 nyocha otimo penjno ka sani thoth jopuonjre biro donjo e skunde mag county kod mag sub county.
kochakore kiny idhi chak riedo jopuonjre madhi donjo e skunde madito mag county ma ongÉre kaka extra county schools kaeto mago mag sub county bende. 
Kenya sani nikod skunde madito mag county miluongo ni extra county 734 ka mamoko mag county gin 1412 nitie skunde mag sub county maromo 6451 ka mago mag jii giwegi gin 1164.
Migao mar somo bende oseyango ni nitie skunde 35 mag jopuonjre mani kod dwaro ma kende ka ranyisi ng'ol; ka skundego nyalo kawo jopuonjre 1500.
Oula ywero Nyando
Familia buora onge kuonde jot sani e sub county ma Nyando kaluowre gi oula ma nyo omuomo e gwenge mag nyando kuno bang'  koth mapek ma dhii nyime gi chwee e county ma Kisumu.
Apisas mag Kenya Redcross joyango ni ni gwenge ma midhiero mar oula nyo ojuko oriiwo koda ka Ogenya ,Kabonyo , to kod Kanyagwal e kind mamoko. gisani chuno mondo mii jo familia ma kwangi ok tin ne 28 jomany jot e kar skul ma Ogenya primary.
Midhiero mar oulano bende omiyo kata mana chope mani nyando kundo pii omuomoe kendo keto ngima oganda kamarach mar gamo tuche.
E gwenge mg Nyamasao mani ombaka, familia ma kwangi dirom 45 oringo ojot mana e skund primar ma Nyamasao
Laktere ma Kisumu ochungo ngányo margi mane onego chakre chuny otieno makawuono
Riwruok mar lakteche bade ma Nyanza ochungo nganyo margi manonego chakre chuny otieno makawuono bang chopo e winjruok gi piny owacho e county ma Kisumu.
Kane oloso gi nyakalondo mar Ramogi, jakom riuruok laktechego -The Kenya Medical Practitioners, Pharmacists and Dentists Union bade ma Nyanza lakktar Kevin Osuri wacho ni gichopoe winjruok kod tend county ma Kisumu kotenore gi kaka ibiro ketoe tim winjruogno ka koro lakteche maloyo 250 ok bi dhi e nganyo moro amora. 
Odhi nyime gileroni kwe mowuok e county ma Kisumu kuno ma ibiro telonegi gi jagoro mar county kod jatend migao mochungne yore thieth e countyno jobiro bedo gi romo mar keto lalruok makende kochokare chieng wuok tich mabiro.
Lakteche go ne obuogo chako nganyo makamano kaluwore gi ngúr monyauando wach chualogi e lemo mamalo, chudo mekgi kod weche mag arita mag thieth kata insurance kuom mamoko mano makoro gisechopo e winjruok kod piny owacho mar county ma Kisumu kaka ibiro keto e tim.
Dichuo majahigni 60 ogoyo yuore manyamin chiege monego Ochieng'a sub location, Rarieda
Jodak ma ochieng'o sub location ei Rarieda sub county ne kawuono dhoogi omoko nono bang kane jago moro majahigni 60 ne otuch ogoyo yuore manyim chiege majahigni 25 motho kaluwore gi weche moko mamako mana dhok nono.
Elija Agutu ogutu wachore ni ne ogoyo yuoreno manyinge Susan Awino Omollo mochwe otho mano tok fwenyoni yuareno ne chano tedo e gwengno.
 Kaluwore gi jalup ruoth mae aluorano migosi Peter Odongo, achijno wachore ni nyo oyudo muya maling ling mag ni Awino mosebedo kodak e dalane kanyo kuom jumbe 2 kende ne chano kend gi wuod libamba margi
Ne okone nyakalondo mar Ramogi ni Agutu nyo osetemo gi yore tee mar kwero yuoreno mondomi kik otem ni otedo e dalano to kaka weche ne chalo, en ni nyadendi makoro onindono ne chalo mawach kenyno nyocha ne osedonjo e wiye kendo ne orito mana odiechiengno mondomi ne ochopi okau osikene odhi ka tedo e dalano
Katakamano jalup ruothno ne odhi nyime giwachoni weche nyo oduogo obedo marach mana tok kane Agutu oyudo ka yuoreno ne oriko loso gi dichuo makoro ne dwa kendeno e sime kendo kanyo ema ne otuch opodho mana kuom nyakono gi agwecho kod adhong malich miwuoro kendo nege mana gi kanyo kanyo.
Bangé to wachore ni dichuogno ne oduog olokore gi jaode Eunice Agutu mabende ne ogoyo mohinyo marach mokalo kane otiyo gi gimoro madik ka iwachoni gino bende ne otiyogo e goyo yuoreno.
Comanda mar obila e sub county ma Rarieda migosi Thomas Sangut mane oyango wachni ne bende oleronwa ni wachno ne oduog ogoo lipode irgi kaeto ema ringre nyako majahigni 25no ne oduogo ogol moter Madiany Sub county mortuary kakoro orito bero to nonro bende osechakore. 
Bende ne oleroni achijno ne osemaki kendo olorne e tesend obila ma Aram ka jaode mabende ne ohinyo marachno to orwaki e ward e kar thieth ma Madiany sub county.
Luoro nitiere ni jii maok tin ne 14 owito ngimagi e masira mar apaya
Luoro nitiere ni jii maok tin ne 14 owito ngimagi e masira mar apaya  maotimore kamoro ni kikopey e wanagapaya maduong ma nairobi -nakuru
kaluore od joneno masira onogo ne owuokie bang lorry moro manoyudo iriembo e  ngwe ahirititi bayo kendo  tuomo matatu to kod nyamburko mamoko e orido mochomo kikopey ka iwuok  gigil .
Weg nyamburko matiyo gi wangapaya no kwa mondo mi gibed motang e sechegi ma apisas mag obila tiyo mar golo chakla mar mtokni  go e wangapaya kedo neno ni yore wuoth odok e wange
ker Uhuru Kenyataa oaingo mar kedo gi mibadhi
ker Uhuru Kenyataa koro osingo ni piny owacho mare ok bi dok chien kata mbeko tol e weche mag kedo gi mibadhi e pachoka
ker maneloso e kinde mane oromo kod jokenya mawuok e piny Namibia midhiambo manyoro ne owacho ni jogo manie lemo madongo e pachoka ibiro mako kotenore gi mibadhi  ka oyango ni onge jok maibiro mako ka iumo jomoko e weche mag kedo gi mibadhi
Duol mar JCS ogolo paro madwani ker Uhuru Kenyatta ochuogi tribunal mabiro nono ngúr miluoyo ewi Justice Jackton B. Ojwang
Duol mochungne ndiko jong'ad buche tich e bad migao mar doho JSC wachoni giseyudo ngúr mathoth mokalo ewi jong'ad buche mag doho mamalo mogik. 
Jakom duolno maen ogai mar bad migao mar doho Justice David Maraga wachoni duolno katakamano oyiero ngúr ariyo ma achiel kuomgi en machiwo ng'ur ewiye en owuon kuom kalo katiba, kod machielo machiwo ng;ur ewi jong'ad buche moko 4 mag doho mamalo mogik magin justice Mohamed ibrahim, Justice jJackton Ojwang, Justice Smokin Wanjala kod justice Njoki Ndung' u.
Maraga bende oyangoni giseyudo ripord moyiedhi mar duolno ka koro gibiro dwani ker Uhuru Kenyatta obi ochuogi kweth tribunal moro ma ema biro nono mayangi kit ngur modonjonego jang'ad buche e doho mamalo mogik hon, ngire justice Jackton B. Ojwang
Eseche gogo duolno bende ne orango ng'ur 17 mane ochwal enyimgi mang'ur ewi jong'ad buche mopogore opogore mag doho mimake apeal kod doho mamalo, kendo tok keto lalruok maie ewigi to giyie mana gi ngúr 9 kende
Nyathi majahigni 12 ondhi gi jok mapok oyangi Rody Kopany, Homabay county
Familia moro e gwenge mag Kalanya/Kanyango sub location mano yoo Rody Kopany koro sani rumbi mar lit gi kuyo omako chunygi kaluwore gi wach ndhicho mar nyathigi mane ondhi gi jok mapok oyangi chieng jumapil godhiambo. 
Familia mar Lilian Omondi jamanyo wuodgi miluongoni Jack Ochieng Omondi majahigni 12 kendo japuonjre e skund primar ma rody kopany e cals 6, mabende nondhi gi jok mapok oyangi e centre ma Rodi Kopany kuno
Kaluwor gi min nyathino nyathigino ne rik oor Rody kuno nito katakamano neok odok pacho kaeto ema kane ochopo chieng wuok tich to ema ng'ato ne ogochonegie kadwaro ni gigol omenda maromo siling million 15 ni mondo eka giwe nyathigino thuolo.
Kumachielo migosi Kowuo kod jaode Carolyn sang jokoni ng'ato nonyisogi e sime ni gior pesano makaok kamano to kare gibiro nego nyathigino. 
migosi kowuo oyuago kweth moro masani owachno oonore e county ma homabay kuno majo ndhiyo nyithi jii kaeto gichako kwayo pesa madongo kamano kowachoni ngimagi nitie kama rach kaluwore gi ni nitie jok mosebedo kaluwogi kuom juma achiel koro. 
Apisa maduong mochungne bad migao mar okwach kich e county ma Homabay migosi Joseph Turko oyango adiera mar wachno koleroni gisechako timo nonro ewi wachno.
Chero mapile mag somo e skund primar ma Otangre e ward ma Kibwayi dhiwa sub county osebedo matek e thulo mar jumbe adek mokalo
Ma en bang yano mager ne muko tado mar klesse auchiel kotingo nyaka mano mar apisi maduong e skund no mano maoseweyo ka jopuonjre somo e buo yien
Kaluore kod japuonj maduong e skund no migosi Daniel Seka maromo nyithindo 250 osebedo ka somo e tie yien bang yamo mapek ne muko tado mag Klesse ka klesse matadogi ne omukore otingo classa chiel nyaka auchiel.
Japuonj maduong no kor kwayo kony kowuok kuom piny owacho mamalo kod mano mar county mondo okony e gedo mar clesse go ka owacho ni temo mare mar yudo omenda kowuok e cdf mar kar chung od bura ma ndhiwa osego lwanda kinde mathoth
mca ma gwenge go migoi Richard ogindo e kinde maneochwalo mabede 40 ne skund no ne okwayo migao maochugne midhiero ma apoya e county mondo oyie oret mapiyo mar konyo skund  No gero clesse go to kod apisi
Pau ndeke ma kisumu international airport olor
Pau ndeke ma kisumu international airport olor kaka achiel kuom chiwo thuolo mag medo bero pau ndekeno gi duol mochungne pau ndeke e pachoka kata kenya airports authority.
odiechieng makawuono pau ndekeno biro dong kolor odiechieng mangima ka gaedo mar medo yaro kama ndeke ringoeno kata mongéreni runway biro dhi nyime nyaka tarik 28 dwe mar 3 higani. 
e thuolono duto kama ndeke ringoeno biro bedo ka tiyo mana kochakore saa 12 gi dakika 45 mar okinyi nyaka saa 1 ma midhiambo.
jowuoth machano wuoth kokalo e pau ndeke ma kisumu international airportno ijiwo mondomi otudre gi kambi ndeke magichano wuothogo ne ler mathoth
Achije 9 michichgo e wach kuong gi angénge e mbalarieny ma Maseno omaki. 
Achijego mane omaki gi apisas mag bad migao mar okwach kich koro ibiro chwal enyim doho ka obi osetieki timo nonro
Achijego magin Patrick Okanda, peter sande, Obed Panyako, Peter Obed, David Ndegu, Samuel Kuya, Stephen Oloo kod Nahashon Arena. 
Obila joyangoni oyud kuomgi akota nag nyasore, ojalo, musumeno kod kombe machaloni negikwalo ma ogenni tiyogo enyim doho kaka neno
Katakamano apedha pod dhin nyime mar manyo achije mamoko ma iwachoni ne oringo olal eseche mag apedha makamano
Jii 3 kech ochako onego Baringo county, oketo kwanno nyaka jii 7 manyaka sani osetho nekech wach kech
Jii 3 moko kendo ochako oyangi ni owito ngimagi kaluwore gi kech maliyo kadhano momonjo county ma Baringo kendo kwanno koro oketo kwand jok mosewito ngimagi kono kaluwore gi wach kech onyono 7 nyaka sani. J
ogo oyangi ni owito ngimagi e wars ma Kositei ribikwo Tiaty.
Jii 4 mane jowito ngimagi motelo kanyo ne wuok e ward mar Silale. 
Kaluwore gi telo mae aluorano, familia buora onge gi chiemo, kendo ni jogo manyalo yudo chiemo wuotho nyaka e kuionde maboyo mokalo mondo eka giyudi chiemo ka jok moko bende bedo ndalo buora kapok oyudo kata gima degidir e bund iigi
Jodak makono koro sieyo telo mae countyno kuom bedoni gisiko giriambo ni onge kech makecho kuno to jii to wito ngimagi piiny maruu nekech wach kech
Jolupo ma Migori joduaro ni Ker Uhuru kiny owuo e wii wach midhiero ma gikalee e Nam Lolwe
Jolupo ma County ma Migori koro joduaro ni Ker Uhuru Kenyatta obi owuo e wach arita kwee  ma osebedo ka rach mokalo e Nam Lolwe  e limbe mare ma odhi timo Kisumu
Jolupogo mane otelnegi kod jakom machon mar dho wath ma Sori Migosi Barmrich Okoth ne jowacho ni osebed ka isandogi malit mokalo kendo imakogi e kinde ka kinde gi obila
Migosi okoth nowacho ni chandruok ma gisebedo ka gikalee ngény mokalo  kendo gin gik ma gisekalee  aming'a kanowacho ni kinde koro osechopo ma onegobed ni iloyo godo wachgino chutho
Nowacho ni piny owacho koro onegobed ni wuok oko mana motegno mar lando ni koro gichiwore gi yoore duto mag tieko wach weche mag arita marach e Nam Lolweno e limbe mare ma obiro dhi timo Kisumuno
Jatelono ne owacho ni wach laro kieo kata tong mag nam pod en gimatek mokalo e Nam Lolwe kuno ma onegobed ni Ker wuoyee gi pinje ma libamba kaka Uganda kod Tanzania
Jolupogo bende joduaro ni Ker okonygi yudo  chich rech kanegiwacho ni osebedo ka chunogi mondo  gius rech e nengo manyap machalo mana gima giwito nikech gionge gi chich rech ma digi usie rechgigo gi nengo mowinjore
Migosi okoth wacho sekta mar rech osebed ka ojwang kuom kinde malach kowacho ni koro duarore mondo piny owacho ochak paro kaka ginyaloting'o sektano malo mar mondo mi okony dhoudi ma jolupo e thurka
Raila owuoyo ewii tho mane jii othogo kod geno mapod nitie e chopo e piny Canaan
Ogai mar NASA Migosi Raila Odinga, wacho ni nee ochuno ni obed piny gi jatend piny owacho Uhuru Kenyatta mondo mii gipoor wach nikech Kenya nee osekayo kama tek.
Migosi Odinga wacho ni jokenya nee medo mana lalo ngimagi nikech chung'  chungo mar siasa ma tok yiero, wach manee omiyo oneno en owuon kaachiel gi Migosi Kenyatta mondo gigol Kenya e lweny kendo jii obed piny olalre, okang'  maema iluongo ni Building Bridges Initiative.
Kochiwo ranyisi mar kwan dhano manee onegi odichieng'  manee oaa America oduogo pachoka, Migosi Odinga okoni ratiro mag jomanee olalo ngimagi e kinde lueny ma tok yiero, ibiro chopo e yoo makare e bwoo chenro mar Building Bridgesno, masani ochiwo thuolo mar lalruok maok mana lueny mosemiyo oganda olalo ngimagi mathoth mokalo.
Migosi Odinga wacho ni katodoko ni jokenya pok ochopo kuma nee wuodh ochako kochiko, geno nitie ni gikone kokalo e bwoo chenro mar Building Bridges ni, jokenya biro yudo ratiro margi.
Miyo moro ong'adne buch twech mar higni 10 gi doho ma Rongo
Miyo moro majahigni 26 ong'adne twech higni 10 bang kane doho ma rongo oyude gi ketho mar rocho ratiro mar nyathi moro mawuoyi e kar dak ma Mbwa Kali ei Rongo sub county Migori county
Nyakono manyinge Terry Anne Usenge ne ong'adne burano kamano tok kane oyude gi ketho mar rocho ratiro mar nyathino kiringruok . 
E ngÉto mare mane ogolo e doho ma rongo kuno jang'ad buche Charles Kamau ne oleroni achijno ne oyudi gi ketho makamano bang kane doho ofwenyoni notimo timno ne nyathino e kiosko mare manitie e boma ma rongo tarik 13 dwe mar 9 higani
Justice Kamau ne odhi nyime gi leroni jogo duto ma doho biro yudo gi ketho mar bembo kata rocho ratiro e yoo moro amora ne nyithindo to ibiro kawonegi ondamo mager mar chik mabiro bedo puonj ne jok mamoko.
Entie gi ndalo 14 mar mako apeal ewi ng'etono .
 Juma mokalo jang'ad buche e doho mamalo ma Migori Anthony Murima ne okoni doho koro sani biro chako tero buche mago motenore gi bembo kod gik machalo kamago mapiyo piyo mar nenoni jogo mirocho ratiro margi oyudo ratichgi e sama owinjre
Kenya osidho siling manyien makoro ok bii bedogi pichni jotelo, obiro bedogi pichni mag lee
Ker Uhuru Kenyatta ne kawuono osidho ayanga siling manyien mar kenyaka ma koro ochako tiyo ayanga e thurka kawuononi kaluwore gi dwach katiba mane opuodhi e higa mar 2010 ka jopiny ne nitie gi paro mogopogore opogore ewi pesano makoro onge gi picha mar jotelo ma thurka to nitie mana gi kido mar lee mopogore opgoore. 
Kane oloso ekine mane osidho ayanga pesano e bengi maduong ma thurka ker Kenyatta ne okoni silingno en mano majogo maok nyal neno biro bedogo gi yot mar tiyogo
Ker Kenyatta bende ne okawo thuolo mar nyiso benge mae pachoka mondomi ochiuie hola ne jo ohala matindo tindo kod mago mae diere mar mondomi gimed bero ohelnigi e yoo makare. 
To korka kore gavana mar bengi mar central Patrick Njoroge to okoni siling manyienno nyo osegoo chapa nyaka e gaset mar piny owacho nikendo ochako tiyo kawuononi
Magi timore eseche ma riurwok makedone ratiro mar jonyiewo to kwedo pesano kaging'urni ne ok onyuandi pach jopiny ekinde mane iyiero sura manyien mar pesa kenyano. 
Siling achiel koro biro bedogi kido mar tiga eka siling 5 to biro bedogi kido mar omuga kaeto siling 10 to biro bedogi kido mar sibuor kaeto siling 20 to biro bedogi kido mar liech
Migao mar yore somo ok oikore ne chako ayanga chenro manyien mar somo mar 2-6-6-3
Migao mar yore somo ok oikore ne chako ayanga chenro manyien mar somo monego bedni chakore january higa mar 2019. 
Jatend migao mochungne yore somo amina mohamed katakamano wachoni lalruok makende gi joket mwandu e sectani dhi nyime.
Amina wachoni chunoni nyaka gikuong gineni gimoro amora nikare kod nyaka ginneni jopuonj nitie moromo moseyudo tiegruok ewi chenro manyien mar somono, buge bende nyaka ginenni nitie kapok chenro manyien mar somono ochakore. 
Ne odhi nyime giwachoni paro makamano negichopoe bang koloi wachno matut.
Piny owacho chano chako chenro manyien mar somo kata curriculum mong'ereni 2-6-6-3 kendo obiro kawo kar chenro mar 8-4-4. 
Tielo mokuongo mar chnerono nonyuando skunde 470
Joyuak moting'o nyaka jotend kanise otomo ng' wech e liel moro yoo Kakrao, Migori county
Ne ochuno joyuak mane ochopo e liel moro e gwenge mag Kakrao Migori county mondomi ne otomo ng' wech kendo omany kaka neginyalo reso ngimagi bang kane tulo omuoch e liendno kane moko kuom familiano ochako kuoth makoni koda kocha ewi wach dichuo mane oyudi kotho kaeto ringre nojuang yoo Mbita juma achiel mosekalo ka nochuno rowere mane nitie e liendno mondomi ne otim iiko mare maonge jotend kanise mane owuok tienda gima achamo atuoni molal nono
Wede jalno manyinge oseyangi ni Julius Odhiambo ne oriko timo nende ekinde ma jogo mabende chalo magin wedene moa komachielo ne ochako mana gore gii jii mane loso ekinde ma jogo ne timo neno.
Jaduong gweng Joseph Otieno ne oleroni gwenyruok ne omuoch ekind familia mar jal mane iikono kod mago mag jaode machalo ne nitie gi riporde mopogore ewi thone kani gisebedo kagisiemore kaluowre gi tho mare. 
bende ne oleroni lwasi mar tulo nyocha nochak nee kata kapok nyocha nokel ringre e pacho ne iiko
Ikruok ne limbe mar Ker Kenyatta e county ma Siaya gi Kisumu
Jotelo mawuok e gwenge mag nyanza dhii nyime gi hiko oganda ne limbe ma ker uhuru kenyatta dhii timo e county ma kisumu gi county ma siaya chieng'  tich 4 gi tich 5 ei jumani.
ogai mar odm migosi Raila Amollo Odinga nie opara ma nyime e timo hikruok makamano, ka mano en limbe ma dhii nyiedho e lela chiwruok margi mar tiyo kanyakla bang'  kane gimosore
jalup ker ma piny afrika ma milambo migosi David Mabuza bende igeno ni dhii yuoro e limbeno. ripot yango ni Mabuza biro lwar achiel ka achiel e alap mar ndeke ma kisumu, mano madhi ndiko historia kaka ndege mokwongo lwar kisumu kowuok e piny ma oko.
Kotenore gi limbe mar ker kenyatta kanyakla kod weche ma otenore gi dongruok mar oganda luo, migosi Raila amollo odinga dhii bedo e twak mar ohigla e nyakalondo mar ramogi otieno ma kawuono kochakore saa ang' wen e wang' e.
twagno bende dhii bironi achiel ka achiel e viusasa.
Rowere e County ma Homabay Okwayo kony mar yudo lesen mag tich e wangapaya
kweth moro mar rowere e county ma Homabay koro kwayo  jood bura  e gwenge go mondo mii ochwalie chenro mar  keto omenda moko tenge kowuok kuom omenda  mag cdf mar konyo joboda boda e yudo lesen to kod obok moko mag tiyogo e wagapaya kowuok e skunde mag tiegruok mag riembo nyamburko kod apiko.
kotelnegi kod migosi Robert Ouko ne giwacho ni thoth joriemb apiko e gwenge go pok ochikore tir gi chike mag apaya mago manogol kod migao mar wuoth to kod arita kwe maiye kaluore kod rem e yor omenda mar yudo obok madwarore
Ne owacho ni kinde mane ochiw  mar chikruok gi chike go mag michuki  kayo ka rumo  ka  okwayo jotelo mondo mii okony rowere kaluore ni thoth gi biro wito tich  maosebedo ka miyogi yuto.
Apisas 5 mag dero mar national cereals and produce board owe thuolo gi rambun mar obila
Apisas 5 mag dero mar national cereals and produce board manyo omaki kisumu gi eldoret odiochieng ma  nyoro ne weche mag mibadhi, owe thulo gi rambun mar obila maromo sillings gana 100 ngato ka ngato
ma en bang jatend duol onogo makedo gi mibadhi e gwenge mag nyanza migosi ignatius wekesa ne yango ni jangad buche maneonego winj burano ne onge machiegni  ka katakamano ibiro chwalogi e nyim doho tarik 13 dweni  ma en chieng tich angwen jumani.
apisas mag ncpbd go kanyakla kod jii moko 2 nyo omaki odhiambo ma nyorono gi okwach kich mag duol makedo gi mibadhi ethics and anti-corruption commission.
kagin kamoting'o willy kosgei ma en maneja mar dero mar ncpb bade ma kisumu, jalupne jeremiah omwayi, maneja mar dero ma eldoret renson korir, apisa ma ochung' ne dero mar ward ma soi thomas sang, kanyakla kod jamak pesa ka ncpb ma kisumu laban michira.
dero mar ncpb osebed ka imenyo kaluowre gi wach mar mibadhi ma okwako chnero mag nyiewo mar oduma ma iwacho ni ne otim e yo ma ok oluwore gi chik kendo omenda ma kore lach olal.
Kwayo mar kwe e tong mar Kisumu gi Nandi county
Gavana e county ma Nandi migosi Stephen Sang koro okwayo migepe mag arita kwe e tong ma Kisumu  kod Nandi county mondo mii okag jogo makwalo jamni e gwenge go kaka jomaundu ,
Migosi Sang wacho ni timbe mag kwalo jamni oseweyo ka oganda owito ngimagi kendo ok onego mak mayot kaka pogruok e kind oganda
Ne owacho ni kwe to kod dak e achiel e tong onogo oseroch kod jokuo dhok  ka okwayo apisas mond okawie okenge mager kendo mako maok gideo jiimakama maosekelo remo marach e king jodake tong onogo
Kaneoloso kod jofwambo e boma mar Kisumu e romo mar arita kwe bang nek mar jataa chenro e puodho e tongo onogo,gavana sang ne okwayo riwruok makende e kelo kwe e kind oganda modake tong no
Ne owacho ni serikand counties ariyogi tiyo kanyakla ka okwayo josiasa mondo olos e dhok achiel mar nyayo kendo yudo kwe mosiko e tong mar counties gi
Ng' anyo Kibos
Jopiny e gwenge mag Kibos kawuono jowuok oko kendo bago nga' nyo e kar kambi mar sukari mar Kibos kagiywak ni obila odagi mako achich ma gitudo gi ketho mar tuomo gi nyamburko kendo nego jii 3 chieng;'  ngeso otieno.
Jong' anyogo wacho ni ne gineno nyamburkono kendo yango ni en mar weg kambi ma Kibos ma nyaka sani pok omaki gi obila.
Jii 3go ma nyocha otuom kani ewii apiko, nyocha othoo kanyo kanyo
NYONG'O OYUAGO MKAPA
Gavana ma Kisumu ngire Anyang'   Nyong'o, ooro ote mage mag lit kod kuyo ne  jo Tanzania  kaluwore gi tho mar ker machon Benjamin Mkapa.
 Nyongo wacho ni noyudo gi buok maduong wcah tho mar Mkapa.
Nowacho ni mkapa ne en jathek mar adiera kendo ni kik telo manobedo godo ok yot yudo e kind jotelo mag Africa.
Nyong' o wacho ni jokenya biro medo paro lwedo ma Mkapa nochiw e thek ma hik 2007  manoduoko kwe e Kenya tok tulo.
Nolero ni Mkapa ema nopako dongruok mane dhi nyime kisumo gino manomiyo jatelo ma chon ma Kenya manosenindo Daniel Arap Moi oting'o malo Kisumu nyaka e ranginy mar boma  maduong kata City.
JOTELO MA NYAKACH NGU'R.
Jotelo mawuok e Sub County ma Nyakach sani koro penjore gimomiyo sub countino ne ok onywaki e buo chenro  mar kazi mtaani ma sani odonjo e tielo mar ariyo.  
Chenro ma kamano sani dhi nyime e sub counties 3 ma Kisumo ma gin Kisumu East, Kisumu West, kod Kisumu central kendo rowere maromo 7000 ichulo.
Kotelnegi kod MCA ma West Nyakach Gard Olima, sani koro gidwaro ni County Commissiner ma Kisumu susan waweru  mondo oler anena yoo manotii godo e yango kuonde ma tijego nitere.
Olima wacho ni rowere ma Nyakach bende winjo mapek mokalo kaluwore gi midhiero mokel kod korona  kendo ne onge tiende weyogi oko.
Nowacho ni gin kaka jotelo ma nyakach, gineno ni otug kodgi  kowacho ni nok mar tije e bombe inyalo pimo gi mago mae kor gwenge.
JOK MIKAW LOPEGI NE GEDO MAR SOIN DAM IDHI CHULO
Jaod bura ma Muhoroni James Onyango Koyoo owacho ni jii ma ibiro daro mondo ochiw thuolo ne gedo mar yao mar koru soin , joseyiere gi jogedogo kendo koro chenro ma kamano nyalo chakore
Koyoo wacho ni dondi dondi ma pod nyucha nitie oselosi kendo sani koro ikruok duto oseketi kare mar chako chenrono.
Ekamodhur mag lope idhi kaw mar gero yaono ealuora ma Koriu kendo duol mochungne lope e thurka National Lands Comission, sani dhi nyime gin ono kaka gichi chulo jopiny mibiro kawo lopegi,
Koyoo wacho ni chenro ma kamano madhi muonyo siling billion 25 dhi loko e okang ma malo ngima jodak ma koru kod aluora mare.
MANE EN JATEND TANZANIA MKAPA OTHO
Mane en jatend piny Tanzania manosedhi e yueyo Benjamin William Mkapa oninde bade. 
Kanoyango wach ma kamano otieno ma piny oruu godo kawuono, jatend pinyno John Pombe Magufuli, nowacho ni jatelo mar adek mar pinyno  nowito ngimane e kar thieth moro e boma ma Dar es Salaam  kama norwake koyudo thieth.
Kokalo e mbui mare mar twitter, Magufuli  oyuago  Mkapa  kowacho ni obiro pare kaka jalo manohero pinye kendo manoluoro Nyasaye  kendo manotiyo matek ne gero uchumi ma Tanzania.
Senators ne jochak ochwalo tuak margi ewii pogo pesa ne Counties nyaka e juma manyien
Senators mapachoka ne jochak ochweyo kendo maok jotuak ewii wach yoo ma onegobed ni ipogo godo pesa ne Counties mathurka
Spika mar bunge mar senate migosi Kenneth Lusaka ne ochwalo nyime romo mag bunge mar senateno nyaka chieng tich 2 mar juma manyien
Magi ne otimo kata obedo ni senators Johnson Sakaja, Stewart Madzayo kuom mamoko ne josingo biro wito oko tuak ma gibirobedo godo e juma manyienno
Kwan jii maromo 796 mane oyudi ni nigi Covid-19 ei kawuononi
Kwan jii mane oyudi ni nikod tuo mar Coronavirus ei kawuononi gin jii 796 makoro kelo kwan jogo duto man kod midusi makochno e pachoka ei kawuononi chopo jii alufu 15 gi 601
Magi ne oyangi gi jalup jatend migao mochungne yoore mag thieth e thurka laktar Mercy Mwangangi mane owacho ni kwan mar jii 796 no ne oyudi kuom kwan jii maromo alufu 6 gi 754 mane opim tok seche 24 mokalo
Jatelono bende ne oyango ni Nairobi emapod nigi kwan maduong mag joma nigi tuono magin jii 539 kaachiel gi lero ni nitie jii 3 moko mane tuono onego ei kawuononi
Magawa ma Blue Ridge Hotel manie boma ma Mbita owacho ni jago manyo oyudi ni nigi Covid-19 cha ok en jatijgi moyangi
Tend magawa ma Blue Ridge Hotel manie boma ma Mbita e Sub County ma Suba North e County ma Homa Bay koro jowacho ni dichuo moro ma ja higni 29 mane oyudi ni nikod midusi mar Coronavirus ok en jatich moyangi mar magawano kakane bad migao mochungne yoor thieth e County ma Homa Bay kuno ne rik olando
Maendi koro ne wuok bang weche yangore ni achiel kuom jotij magawano nyo oyudi nyoro ni nikod tuo mar Coronavirus bang pim manyocha otim kod komiti mochungne kedo gi tuo mar Coronavirusno e County ma Homa Bay kuno -pim manyocha otim chieng wuok tich
Kanowuoyo ewii wachno jataa tije e magawa ma Blue Ridge Hotelno Hellen Oido nowacho ni gisebedo ka gikao jotich manyien ka gihikore godo ne yepo mar magawano bang lor mane olor godo magawa mapachoka nikech wach landruok mar tuo mar Covid-19 kowacho ni kakoro nyochane jatend piny Kenya migosi Uhuru Kenyatta ne oyao magawa mathurka kendo mondo jotii e bwo chike mager manyochane oketinegi to nyochane gineno ni gikau jii manyien emane gikawoe jagono ni to ne pok ondike ayanga gi magawano kaka jatich
Kanomedowuoyo ewii wachno mikai Oido nowacho ni magawa margino ok osebedo katiyo nikech pod ne gitemo mondo gichop chike mane oketigo mondo ekane giyepi ema koro nyochane gikawoe thuolo mar luongo apisas mochungne yoore thieth e County ma Homa Bay kuno chieng wuok tich mondo ne jobi opim jotijgi machon kod mane gikao manyien go mane jooro kwayo ni ne duaro tich kargi kanyo-mane odhi opim ne tuo mar Coronavirusno
Kwan jii moyudi ni nikod tuo mar Coronavirus ei kawuononi gin jii 637
Kwan jii ma oyudi kod tuo mar Coronavirus ei kawuononi gin 637 makoro kelo kwan jogo duto man kod tuo magalagalano e pachoka chopo jii alufu 14 gi 805
Magi ne oyangi kod jalup jatend migao mochungne yoore mag thieth e pachoka laktar Rashid Aman
Kanowuoyo gi jopiny kachiel kachiel e tipo mar telebisen kowuok Afya House e boma ma Nairobika laktar Aman bende ne oyango ni nitie jii 10 mane tuono olal gi ngimagi ei kawuononi makoro kelo kwan jogo duto ma tuono osenego e thurka chopo jii 260
Aman bende nowacho ni County ma Nairobi emapod ne okao namba kuom bedo kod kwan maduong mag joma nigi midusi mar Covid-19no mane gin jii 342
Bende ne oyangi ni nitie jii 499 mane ochango ei kawuononi ma owe odhi pacho kowacho ni kuom jogo, 403 ne gin jogo manyocha tuo to ne yudo thieth gie utegi mong' ere gi dho ngere kaka Home Based Care
Maraga oyudo fuong' ruok
Doho mar nyithindo owito oko bura ma yande ochwal miyo moro ma nyinge Mary Kwamboka ka ywak ni ogai mar bad migao mar doho justice David Maraga odagi kawo ting'  mar nyathi ma owacho ni ne ginyuolo kode.
Jayal bura Gerald Gitonga okoo ni burano ne onge kod mise motegno kaka ne ochwale e doho.
Okil kamaloka Danstan Omari ma yalo e loo migosi David Maraga okoo ni bura ma nyocha miyono odhi mako e doho en ma miriambo nimar migosi maraga ok ong' eyo kata mana miyono.
Mary Kwamboka yande okelo koko e kar aluora maar log tich mar bad migao mar doho ne wach onogo ma bende okinde mag Maraga ne okee kode ni otemo chuogo weche mag mirimabo.
Jii adek mawuok e familia achiel polo onego
Jii 3 moko ma oting'o nyithindo 2  mawuok e familia achiel ne jotho kanyo kanyo ka mamoko 3 to rem nego bang polo gogi e gwenge mag Achudinet ei Teso North
Kane oyango aidera mar wachno  jatend obila ma County ma Busia  Wambua Katithi nowacho ni masirano mane otimore kar saa  2 mar otieno mane piny oruugo kawuononi ne okelo tho mar nyimine 2 gi owadgi
Jo familia achiel mane jothogo gin ja higni 9, ja higni 14 kod ja higni 20
Wambua nowacho ni jomanne johinyorego to ne oringgo e kar thieth ma kocholia
Ng'anyo mar nurses mane ochan timo wuok tich koro ochwal nyime
Riuruok mar Nurses mapachoka koro jochwalo nyime  ngányo margi mane onegobed ni chakore ayanga kiny wuok tich
Riuruogno ne okao okang machalo kamano mar mondo mi gimi duol mochungne osach jotij piny owacho -Salaries and Remuneration Commission thuolo maber mar chopo dwach winjruok manegibedo godo kodgi mar medogi osara
Kanowuoyo e boma ma Kakamega , jagoro maduong ma riuruogno migosi Seth Panyako nowacho ni ngányno koro gibirobago tarik 5 mar dwe mar 2 higa manyien
Bende riuruok mar nursesno ne duaro ni piny owacho owuo board mar NHIF kaluwore kod wach mibadhi ma okwako boardno
Meko mar apisas maka NHIF kod KPC ma weche mibadhi mako
Jotelo moko 3 mag kambi mar Kenya Pipeline manyo omaki nyoro nyo oter e apis obila mag okwach kich e apaya ma Kiambu Road buore Nairobika manyo odaye dhogi ne weche mag mibadhi ma makogi
Jotelo manyo omakigo oting'o jataa tije ka kambi mar Kenya Pipelineno migosi Joe Sang , karan mare Gloria Khafafa  kod Vincecent Cheruiyot matiyo e bad migao mochungne ngíewo ka Kenya Pipeline kanyo
To kumachielo bende apisas mamoko 7 ma jotiyo e board mochungne insurance mar thieth  ka NHIF bende nyo omaki
Apisas abiryogo  nyo omaki kaluwore kod wach kuo mar omenda e boardno
Apisas abiryogo  gin Mudzo Nzili mawuok e county ma Kwale ,Yussuf Ibrahiim , Simeon Kirgoty , Ruth Sudoi , Gilbert Kamau , Irene Rono kod Robert Mureithi
Pes bursary ma County ma Homa Bay koro oyudo mijing'o
Bunge mar County ma Homa Bay koro otimo lokruok ne chike matayo weche mag chiwo bursary mag somo mongere kaka Education Bursary Fund Ammendment bill 2018 mabiro konyo neno ni jogo ma odak gi ng'ol bende onyuandi e komiti mochungne bursary  kod konyo neno ni bursaryno ipogo e yoo mowinjore maonge mibadhi moro amora
Kanyowuoyo ewii wachno jakom komiti mochungne yoore mag somo migosi James Okeyo nyowacho ni okang ma gikao mar timo lokruok ne chikego biro  neno ni komiti mochungne bursaryno oting'o girube duto mondo eka koro  bursaryno inyalo pogo ne nyiithindo duto maonge gi nyalo mawuok e wards 40 duto ma Homa Bay kuno
To bende kanyowuoyo ewii wach achiel nogono MCA ma Kabondo East  migosi Ochieng nyowacho ni komiti mar bunge mar County mochungne weche mag somo oseiko  yoore mabecho ka jomakore gi bad migao mochungne somo e County ma Homa Bay kuno mar neno ni jokanyo manyien mag komiti mar bursaryno jotayo chenro mag pogo pes bursaryno  e yoo mowinjore
Nyo oyango ni wards 40 mag County ma Homa Baygo oketnegi  omenda maromo silings million 2.5 mar hik manyonge mar 2018/2019  kowuok e silings million 1.5 mane entieree e budget mokalo mar neno ni nyithindo duto maonge gi nyalo joyudo pes bursaryno
MCAno nyowacho ni form mag bursaryno birobedo  eskunde duto mag piny owacho e Countyno mangima mar mondo mi ochiu thuolo mayot ne jopuonjre maonge gi nyalo e yudo formsgo ka obi oyau school e dwe mar 1 mar higa manyien mar oro kwayo mar yudo bursaryno
Odinga seyo MCAs kuom chamo pes jopiny
Jatend duond bura mar ODM migosi Raila Amolo Odinga kawuono oseyo malit mokalo MCAS kuom tiyo marach gi omenda jopiny moketi mag weche dongruok
Kanomedowuoyo ewii wachno migosi Raila nowacho ni tend  loch gwenge kata devolution ne okel e Pachoka mar konyo neno ni mwandu duto mapachoka ipogo marom ne gwenge duto mathurka
Nowacho ni en hawi marach ni thoth pesa ma imiyo counties mag tayo weche mag dongruok ok dhi e weche mag dongruokgo
Migosi Raila nowacho ni MCAS  osebedo ka kuodo wii jii gi lweny ma gisiko godo e kinde ka kinde kar tiyone jopiny mane oyierogi
Nowacho ni gima MCAS  ongéyo en mana ngíyo rode moko ma ginyalochamo godo pes county kar tiyone jopiny
Kanowuoyo Kisumu migosi Raila nowacho ni MCA  mag counties ma Kisumu, Homa Bay, Nairobi  kod Kakamega gin jogo ma jowuok oko mar nego devolution chutho mar neno ni devolution ok okelo ber moro amora e thurka
Nowacho ni winjruok margi mongére kaka Building Bridges Initiative sani luorore e tung Kenya mangima ka choko pach jopiny ewii kaka inyalotieko weche mag jotelo chamo pes jopinygo
Chike mar apaya ibiro rido e gwenge ma nyanza e nyasi mar christmas
Apisa mag obila mag wangapaya koro omi chik mar chwalo nyime kendo rido chike mag wangapaya e kinde nyasi mar christmas e counties 6  mag nyanza
kamishna mar apisas e gwenge go  migosi Moffat Kingi wacho ni yore duto madongo to kod matindo e counties ma Kisumu Kisii Nyamira Homabay Siaya to kod Migori ibiro chwale apisas mag obila mar neno ni chike mag wangapaya oluu kaka dwarore
ne owacho ni giseketo okenge to kod chenmro makare mar chiwo kum ne jogo mabiro ketho chike mag apaya
migosi kingi wacho ni kata e kor gwenge bende apisas biro bedo mar neno ninjo apiko ochikore tir gi chike ma apaya ka okang makama en mar duoko piny masiche mag apaya mano maweyo ka thoth oganda wito ngimagi .
migosi kingi ne owaco ni weg nyamburko matingo jowuoth e kinde nyasi mar christamas nyaka bed kod obok madwarore mar chwalo jowuoth e pachoka
Raila okwayo jodak owuog oko kendo ruako ker kenyataa
Ogai mar nasa Raila Amolo Odinga koro okwayo jodak  e county ma kisumu mondo mii oikore mar rwako ker Kenyataa e kinde ma obiro wendo bomano machiegni e dwe marapar gariyo limbeno  mokuongo mar ker kenyataa chakre yiero ma higa mokalo to kod tok mosruok e kindgi dwe mar adek higani
migosi Odinga maneloso e boma ma kisumu odiochieng makawuono ne owacho kinde ochopo mar riwruok kendo keto tenge pogruok e kind oganda  ka iriwo  oganda jokenya mano maomiyo ne okao okang mag romo gi ker kenyataa kend singo tiyo kanyakla mar riwo oganda bang mosruok e kindgi
Ne bende oyango mago ma winjruok e kinde to kod ker Kenyataa geto mar chopo e pachoka mar neno ni jokenya oriwore kedno obedo e achiel mano mani e buo chenro mar building initiatives ma duol manochuogi osechako limo gwenge ma pachoka mar yudo dho oganda e wi chenro makama mar jotelo ariyogi
kwayo makama ne oganda jo county ma kisumu biro ndalo machuok kende bang senator ma Kisumu migosi Fred Outa bende ne kwayo jodak mond owuog kar rombgi kendo rwako jotelo ariyogi
Media Council of Kenya chano bago lalruok e kind obila gi jofuamb weche
Duol matayo ute fwambo mapachoka mabende ongére kaka The Media Council of Kenya koro jochano bago lalruok makende e kind apisas mag obila kod ute fwambo mathurka  kaka yoo mar neno ni winjruok maber  obedo e kind kweth ariyogo mar  neno ni ginyalotiyo kanyakla
Kanowuoyo ewii wachno jalup jataa tije e duondno migosi Victor Bwire nowacho ni okang makama ochope bang weche yangore ni okak maduong  medore  e kind jofwambo to kod apisas mag obila
Migosi Bwire nowacho ni e kinde mokalogi  jofwambo osebed ka imonjo kod obila ka mamoko to otam katamana etimo tijegi gi obila mabende osekelo winjruok mararacha mokalo e kind jofuamb weche gi obila kakoro gidwaro bago lalruok makende e kind kweth ariyogo mar kelogi kanyakla e yoore mag tich
Jatelono mane loso e boma ma Siaya e romo mane obedo godo gi jofuamb weche ne owacho ni lalruok machalo kamano birochakore e higa manyien
Ne okwayo duol onogo matayo tije apisas e pachoka mondo oket apisi ma jofwambo  nyalo yudo e weche magidwaro e par obila duto ma pachoka mabirochiwo thuolo mar timo  tijegi e yoo man thuolo
Jodolo ma Kisumu jogolo pachgi ewii limbe ma Ker Uhuru dhi timo Kisumu
Jodolo ma Kisumu koro jokwayo jopiny mondo jobi owuog oko kar rombgi e juma manyien ma igeno ni Ker Uhuru Kenyatta biro dhi sidhoe ayanga chenro moro mar yoore thieth  mongére kaka The Universal Health Coverage e boma ma Kisumu kuno
Kanowuoyo ewii wachno jakom riuruok kanise ma Nyanza Arch Bishop Ogonyo Ngede nowacho ni gwenge mag Nyanza sani joneno ber mosruok ma Ker Uhuru ne jomosore godo gi ogai mar NASA migosi Raila Amolo Odinga esechegi mabende igenoe ni ker biro wendo nyaka Bondo Sub County bende
To kumachielo bende jaod bura migosi Martin Owino kawuono ogoo dhoge piny ka opako okang ma Ker Uhuru kenyatta okao mar keto yoore mag thieth nyime moloyo e agenda meke mag dongruok mongére kaka Big 4 Agenda
Kanowuoyo gi Radio Ramogi migosi Owino nowacho ni kaka jakanyo mar komiti mar od bura mochungne weche mag thieth e County ma Mgori kod Homa Bay omor mokalo gi okang ma Ker Uhuru okao mar duaro dongo yoore mag thieth e pachoka to moloyo to egwenge mag Luo Nyanza kuom chiuruok mar duaro dhi wendo boma ma Kisumu dhi yao ayanga chenro moro mar thieth motisi ni The Universal Health Coverage kowacho ni piny ma dhano ngimae e piny manyalobedo kod dongruok mowinjore
Bende jatelono nowacho ni osiro ogai mar NASA migosi Raila Amolo Odinga kuom ruako Ker Uhuru Kisumu tarik 13 mar dweni ma odhi yawoe ayanga chenro mar thiethno gi nyasi tee mane otiso ni mar Luo Nation
Khalwale dwaro mondo oriemb Raila Odinga e duond bura mar ODM
Senator machon mar county ma Kakamega migosi Boni Khalwale koro kwayo jood bura mag ODM mondo mii oriemb ogai mar nasa raila amolo odinga e duond burano.
ma en bang kamati ma ochungne chike to kod kum e duond bur mar odm ne golo paro mar dwaro riembo jaod bura ma malindi mikayi Aisha Jumwa kod jaod bura ma Msambweni Suleiman Dori kaluore kod weche mag rem luwo chike mag ODM kendo bedo gi tok teko
kaluore kod khalwale migosi Odinga oseriwore kod Ker Kenyatta mano mawuok e duond bura mar jubilee kendo singo tiyo kode kanyakla omiyo en bende onego kao ne ondamo mag chiik.
jood bura ariyogi kaachiel kod mcas abiriyo igeno mar molo enyim kamatai matayo duond bura mar odm e kenya mangima mar  chiwo dhog gi to kod ngeyo okang mogik mibiro kaonegi
ODM OKWEDO WINJRUOK GI WIPER
Duond bura mar ODM okwedo mokalo wach moro ni nitie winjruok moro malingling mar dhi e yiero kaka twech achiel gi duond buch WIPER.
Maeri en bang'  Kalonzo Musyoka ma en jatend wiper, e twak moro mar oboke ma pacho kae   wacho ni giseketo kogno e winjruok en kod Raila Odinga e wi yiero mabiro.
ODM kata kamano okwedo wach ma kamano ka giwacho ni winjruok ma kamano pok nobedo.
 Jagoro maduong mar odm Edwin Sifuna,  olero na Kalonzo, Mudavadi kod Wetangula ema ne jopodho NASA bang panjo ne nyasi mag sidho Raila Odinga kaka jatend oganda.
BISOBE MAKPERE PUONJO WACH PIMO KAHERA
Riwruok mar bisobe makopere  kokalo kuom chenro mar komesha tuberclosis, dhi nyime gi puonjo jodak ma Kisumo  e wi dwaro mar dhi e pim mar tuo kaherano.  
Kweth ma kamano notero kampen ma kamano e boma ma awasi  kama nopuonj jo ohala ber mar dhi e pim e osiptal.
Coordinator mar tuo kahera e county ma kisumo timothy malika, owacho ni maromo jii 2500 sani dhi nyime gi yudo thieth mar tuo  kahera e countino.
Nowacho nithiedho kahera en nono ka okwayo jopiny ni kik luor dhi e pim ma kamano.
ONDIEK ONEGO JAMNI OCHIKO
Jopith jamni e gwenge 2 ma south Kanyabala  Sub location  e boma ma Homabay, jokwano lal  bang'  ondiek moro monjo kendo nego jambgi ochiko otieno mokalo.
Jopinygo wacho ni ondiegno osebed ka ineo e aluorano kendo ni mae ok e thuolo mokuongo monege jamni.
Gikwayo jorit lee mag bunge ni ,ondo okonygi kapok okelo tho  mar dhano.
JII 960 OYUDO KORONA
Kwan mar jii moyudo midhusi mar corona e buo seche 24 mokalo gin 960. Maeri en kwan mowuok kuom kwan jii 8,261  manopim e buo thuolo ma kamano.
Bad migao mar thieth olero ni mano koro kelo kwan jii moseyudo tuono chopo 17,603 .
 E ote  mane oor ne ute fwambo, bad migao mar thieth olero ni jii 169 owe thuolo odok pacho bang chango . 
Gi e kindeno jotuo mok 2 owito ngimagi gi tuo makochno. 
Maeri koro kelo kwan jok ma osewito ngimagi chopo 280.
Jo Kakrao yuak ni MCA margi ojuang' o weche mag dongruok ma gwenggi
Jo Kakrao Ward Sub County ma Suna East e County ma Migori sani koro joseyo malit mokalo piny owacho mar County margino kod jotelo mane oyier gwenggi kuno kuom jwang' ogi kagiwacho gwengegigo osebedo ka odong chien e weche mag oongruok kuom higni modhuro
Jo gwenggo mane otelnegi kod migosi Paul Otieno ne jowacho ni osebed mana ka iketogi mana gi singo modhuro gi jotelogo mabende ok chopi
Kanomedowuoyo ewii wachno migosi Otieno nowacho ni giduaro ni wach ndara maricho makono ng' ii kaachiel gi ng' iyo wach taya mag chiche makono kod wach pur ndawa masani koro odok chieng kuno bende ng' ii
Jogwenggo joowacho ni gisetemo golo yuak margi ewii gik ma giduaro ni ng' iigo ne MCA margi migosi George Owiti to MCAno osebedo ka okao mamalo gi ma piny omuno maok oduar katamana wuoyo ewii wachno
Kwan jii maromo million 16 gi alufu 48 gi 101 ma oyudi kawuononi ni nikod Covid-19 e bwo piny mangima
Kwan jogo man kod midusi mar Coronavirus e bwo piny mangima koro en million 16 gi alufu 48 gi 101 ka kwan jogo ma tuono osenego e bwo piny mangima gin jii alufu 644 gi 679
Bende ripot mane wayudo wacho ni kwan jogo ma tuono ne omako ma othiedhi ma ochango ma owe odhi pacho e bwo piny mangima gin jii million 9 gi alufu 808 gi 404
Piny America ema okao namba achiel kuom pinje duto e bwo piny mangima kuom pinje ma tuono osenegoe jii mang' enyie moloyo ma gin jii alufu 148 gi 848 ka namba ariyo e piny Brazil ma osenegoe jii alufu 85 gi 385 ka namba 3 en India ma oseneoge jii alufu 31 gi 406
JONEKO GI KORONA MOMBASA
Esechegi ma oganda duto jotemo kawo okange mag ritore mondo mi kik gigam midhusi mar Korona, ngima jotuo mapachgi ogwenyore to chutho mago madangni e chuny boma ma Mombasa josebedo ekind akuru ga sumbi mar gamo tuonoendo nimar onge okange magikawo mar temo ritore kaluwore gi pachgi maok nikare.
Kaluwore gi mano mikayi Amina Abdala maen jatend riwruog mine midendo ni Mombasa Women network ne ochako chenro mar choko jotuogoeko mondo mi oketgi kamoro thenge kuma gin bende inyalo pimgi midhuso mar corona mondo mi ochiwnegi thieth mowinjore.
JAL MANE WANg'o MAKAA OTHO KILAWE
Jal moro ma ja higni 40 owito ngimane bang ng' ielore kowuok e  wi gode ma gwassi e sub location ma Malongo  e sub county ma Suba South e seche manyoringo kopanjo ne apisa marito bunge manyogoo apedha mar jok ma wang'o makaa e bungego.
Jaloero mane oyudo ilao gi apisa marito bunge nokier molwar koridore e gode ma gwassi kanyo ema kaeto nowito ngimane.
Miyo moro achiel mane gin godo to kata kamano nomaki.
KWAN JOK MA MANYO THIETH ODOK PINY MIGORI
Kwan mar jii madhi e ute mag thieth manyo thieth e County ma Migori odok piny mokalo nyaka ne midhusi mar corona muoji e thurka. 
Maeri en kaluwore g apisa moro mar thieth e countino James Oguk.
Oguk wacho ni gisefwenyo ni jii sani thoro mana ng' iew yien e kuonde uso yedhe  ka mamoko to limo nyamrerwa mae kor gwenge ka gimanyo thieth.
Oguk wacho ni jii mathoth sani paro ni laktere odich ahinya gi wach midhusi mar corona moloyo tuoche mamoko gino mowacho ni ok adier.
DOHO MA MOMBASA OCHAKO WINJO BUCHE AYANGA
Doho ma Mombasa kawuono ochako ayanga chenro mage mag winjo buche bang kanyocha olore kaluwore gi kwan mathoth mag jogo matiyo e doho kanyo manyocha oyangi ni neogamo midhusi mar Corona.
Doho no ne ochak olor kata bang ogai mar Doho e pachoka David Maraga chiwo thuolo mondo mi oyaw kuondego bang yangore ni jii 11 matiyo e doho kanyo monywando okinde kod apisas mag doho ne jogamo midhusi noendo.
KARAN MANYIEN MA NAIROBI OCHAMO MUMA.
Edward Gichana osechamo muma kaka karan manyien mar od bura ma Nairobi . 
Nyasi ma kamano notelie kkod spika Beatrivce Elachi mana odiechieng achiel tok kanyo opuodh nyinge  gi od burano e romo manyokelo fwere, ka koro nenore ni lweny manyien nyalo biro muoch e assembly ma Nairobi.
Motelo odiechieng ma kawuono,  yuaruok nomuoch bang'  spika Elachi nodagi yango Jacob Ngwele kaka karan mar od Burano. 
Ngwele osebedo oko mar apisi chakre dwe mar 11 higa mokalo  tok ka Elachi nondiko ne EACC ni noyiere e yoo maok ni kare.
Japuonjre ma jahigni 17 manetimo penj mar KCSE ongielo orengo
Japuonjre ma jahigni 17 manetimo penj maduong mar kcse e skund sekondar ma DC mixed e gwenge ma Randung ,Gem west location e constituency ma Rangwe ongielo orengo
Japuonjreno ne owito ngimane okinyi makawuono e kar thieth ma Homabay County Teaching and Referal Hospital kamosebedo ka oyudo thieth chakre chieng tich abich .
japuonjreno ma oyangi kaka Javan Onyango ne oyudo hinyruok e bund iy e kinde maneotugo kod jowetene opira e pap mar skundno .
Ruoth ma gwenge go Joel Otieno yango ni ne ogweye e iye kuom hawi marach gi japuonjre machielo e kinde manegitugo opira bang penj ma tich abich kendo ring kode e kar thieth ma rodi kopany kama bange ne ochwale e kar thieth ma homabay county teaching and referal hospital  ma Ongieloe orengo.
Jalup county commisioner ma sub county ma Rangwe Elvis Kolum kaneyango wachni owachoni ne ochwale e kar thieth ma homabay county Referal Hospital ne thieth makende kama ne ongielo orengo.
ka giesani ringre osechwal e kar kano ringruok ma Homabay kairito timone bero.
Oppositon pod ochung kar tiende
senator ma Siaya James Orengo koro owuok oko kendo wacho ni oposition ma thur ka pod otegno kendo ochung kar tiende
ne  okwedo weche moko maosebedo ka liekore ni oposition ma thurka orumo kaluowore kod mosruok maneobedo e kiind jatend kweth makwedo piny owacho Raila Amolo Odinga  kor ker Uhuru Kenyatta.
Orengo ma en jatend kweth manok e od buch senate wacho ni chenro mar riwo oganda maneochak kod jotelo ariyogo ok onego okaw kaka mar riwruok e kind piny owacho kod opposition ne loso e yik moro e gwenge ma masiri ramunde ugenya constituency kama ne okwayo ker kenyataa mondo orid okanda e kedo kod mibadhi e pachoka .
ne opuoyo Ker Kenyatta kuom okenge  ma piny owacho mare osekao mar kedo gi mibadhi ka okwaye mondo otime ma ok odewo ngato angata.
Senator orengo ne oten  kod jaod bura ma Rarieda migosi Otiende Amolo to kod migosi Elisha Odhiambo .
jotelogi ne  ohum kod kwan jopiny china ma osemedore e pachoka ka okwayo piny wacho mondo ongi matut wachni kotenore kod uchumi ma pachoka
Riurwog nurses mapachoka buogo luongo ngányo ekind thuolo mar ndalo 21 kaok ochop dwachgi
Riwruog nurses e pachoka ochiwo notis mar 21 ne piny owacho ma malo gi piny owacho mag counties mondomi gikete tim winjruok mane giketoe e kokgi mar dok etich maka okotimore gibiro bago nganyo.
Jagoro maduong mar riwruogno Seth Panyako ne okoni winjruok mar dok etich ne nitiere e ogorimiti mane gichue kokgi 2 dwee mar 11 higa mokalo.
Migosi Panyako ne okoni notis mane gichiwono chako tiyo tarik 19 dweeni mar 11 kadiponi winjruogno mane obedo ekindgi tarik 2 dwee mar 11 2017 ok oketi etim kakane owinjore gitim kochaokre tarik 1 dwee mar 7 higani.
Nurses go joo dwaroni omedgi omenda ma balang mar silings sh. 5000 kuom lep gi mag tich kod omenda ma balang mar sh.3000 ne jopuonjre e hikgi mokwuongo.
Kane giloso gi jofwambo eboma ma Kisumu riwruogno seyo moko kuom piny owacho mag counties ma jo tiyo kanyakla kod mane en jakom margi John Bii e mayo riwruogno omenda mathoth ka gityo kod aguche maok opuodhi e yor chudo manyasani mar IFMIS.
Doho oweyo thuolo gavana Obado gi rambun
Gavana ma Migori migosi Okoth Obado nyalo buonjo bang doho ma Kibra weye thuolo gi rambun mar silings gana 500 .
Jangad buche edoho ma Kibra  Joyce Gandani ne okoni onge neno moromo mane ochiw gi jomin wach eloo piny manyalo miyo mmed gengne migosi Obado kuom thuolo mar jumbe 2 kaka ne gidwaro..
Gavana Obado ne odonjne kod ketho mar bedo kod bunde 8 maok opuodhi gi chik .
Bunde 5 ne oyudie eode ma Lavingtone ka 3 ne oyudi  eode ma Migori ethuolo mane apisas mag okwach kich mawuok ka duol makedo gi mibadhi EACC ne joo timo nonro  ewi mibadhii mar silings bilion 2 mawachore ne otii godo eyoo marach ecountyno.
Mcas moko mawuok e county assembly ma Homabay dhii bedo erumend kuom jumbe 2
Mcas mawuok ecounty assembly ma Homabay mane ochwal enyim doho maKisumu kendo odonjnegi kod ketho mar monjo spika mar county assemblyno mikayi Elizabeth Ayoo joo dhii bedo erumend ma Kodiaga kuom jumbe ariyo ka nonro dhii nyime.
Jangad buche edoho ma Kisumu Rose Ndombi ne owachoni weyo thuolo Mcas go kaka ne okinde mayalo ne joo dwaro ne nyalo rocho chenro mar timo nonro ewii ketho mane odonjnegi godo.
Mcas gin Evans Marieba, ma Gwasi North ,Phelimon Onditi (Kagan), Dan Were (Kakelo Kokwanyo) Paul Wamunga (North Karachuonyo ward),  kod Mca ma Wang' chieng ward Peter Kaula.
Motelone mano Mcas go ne joo ochiwore ne obila mag okwach kich bang'  yudo maling ling ni obila ne manyogi ewii wach monjo spika ma Homabay bange to ne ochwal gi enim doho.
Obila ma Bondo okwedo weche moko ni gikao asoya eseche ma gitimo apedha eapaya
Obila e subcounty ma Bondo okwedo weche moko mawuok kuom jotelo ni gitiyo kod thuolo mar apedha madhii nyime eapaya ekawo asoya kuom weg matatu kod jo bodaboda.
OCPD  ma Bondo Harriet Kinya,ne okoni gisebedo kagitimo apedha kendo gimako mana weg matatu gi jo bodaboda maok luw chikego mane ochak ket etim.
Odiechieng manyoro moko kuom jo boda boda gi jotelo mawuok siaya kotelnegi kod mca ma ogwel ecounty assembly ma Siaya Tabu Osewe ne oseyo apisas mag obila kane gikoni gisebedo ka  gisando weg matatu ka gikawo asoya kuomgi.
Mikayi Kinya ne oyangoni apise  oyawu thuolo ne ngat moro amora mankod ngur machal gi mago kane oleroni apisas mage okoyiene sando kendo kawo asoya kuom weg matatu gi jo boada boda.
Kane omedo loso ewii wachno mikayi Harriet  ne okoni joo go mapod okluw chikego mag apaya ibiro maki machwal enyim doho kendo donjnegi kod keth mar rem luwo chike mag apaya.
MCAs 9 ma Homabay ni e lwet obila
MCAs mamoko 7 mag county ma Homabay jochopo gin giwegi e nyim obila mag okwach kich e boma ma Kisumu okinyi ma kawuono ewii wach monj ma nyocha omonjgo spika ma homabay mikayi Elizabeth Ayoo.
Maa en bang'  ka MCAs 2 manyo omaki Homabay bende ne oseter e Kisumu kuno kendo ogeng' negi e tesend obila ma Kisumu; mano MCA ma Kanyidoto Walter Were Muok ma en jatend kweth mathoth e od bura ma Homabay kod MCA ma Central Karachuonyo Julius Gaya.
MCAs ma ochopo e nyim obila gin giwegi kawuono gin kanyakla kod mano ma Gwasi North Evans Marieba, Phelimon Onditi (Kagan), Dan Were (Kakelo Kokwanyo) Paul Wamunga (North Karachuonyo Ward), Geoffrey Guma Anyango( Kabondo West),Paul Adika (Lambwe Ward) kod MCA ma Wang' chieng ward Peter Kaula.
MCAs jodhi kobila bang'  yudo uma ni obila ne manyogi ewii wach monjo spika ma Homabay.
Ringre ja sekondar pod imanyo
Chenro mar menyo dhii nyime ne ringre japuonjre ma klass 11 manyo olwar e dhoo wath ma Bongu Beach e Central Karungu location, mano e Sub County ma Nyatike e County ma Migori.
Briton Mike Odhiambo nyo okier molwar e pii odhiambo ma nyoro kanyo otemo gamo besen moro manyo oriko dhii gi pii.
Ruoth ma Central Karungu Isaac Bungu okwayo piny owacho ma Migori kod apisas mag Kenya Redcross mondo jokony e chenro mar manyo ringre rawerano.
Jokue moko 2 ojuki rando gi diel mane gikwalo e chula Nyakagere, Seme sub county
Obila ei egweng ma Kombe Seme subcounty joo ogengene achije moko 2 ma mane omaki rando gi diel mane gikualo e chula ma Nyakagere.
Achije 2 go majohigni 43 gi 48 nyoo okwalo dielno manyuok edala mama pamela atieno odindo ei chula ma Nyakagere mayudore enam lolwe kar saa 10 ma kogwen.
Jalup ruoth ma East Othany subalocation migosi Caleb Apondi okuon ne okoni achijego ne omanyo yie mane gikuang godo gi diendno nyaka eloo motuo kamne ginnyalo yudoe chiro
Migosi Apondi ne okoni achije 2go magin George Opiyo kod Charles Odhiambo ne omaki bang kane jopiny ogoyo milome ne obila ma ema ne omakogi ma ogengnegi etesend obila ma Kombewa ka ibiro chwalgi enyim doho ma maseno odiechieng ma kiny.
Jago ma jahigni 41 ne omaki ka okwalo weyni mag keyo teko stima Ugenya
Obila ne ogengone jago moro ma jahigni 41 e tesend obila ma Ukwala bang kane omake ka okwalo weyni mag keyo teko stima egweng ma Ligega Ugenya sub-county
Daniel Okoth Ochieng ne nyoo omaki kod jopiny kane ongado weyni mag stima e transformer machiegni gi skund sekondar ma Ugenya.
Jalup ruoth ma Ligega sub-location migosi Johannes Ngesa Odundo, ne oyango wach makamano kane okoni ripodno nyoo ochoppone kowuok jopiny .
Migosi Odundo ne okone nyakalondo mar Ramogi ni achijno bende ne omaki gi misip ma ityiogodo e idhoo yien mar stima, kachiel gi apiko mane otiyo godo kowuok dalagi egweng mag Got Nanga kod Weyni mane osengado 
Ne okoni achijno ibiro chwal enyim doho ka gisetieko timo nonro margi ewii wachno.
OBILA NONO NEK JAPUONJ HOMABAY
Obila ma county ma Homabay pedho achich ma itudo gi nek mar japuonj moro ma jahigni 34 manyo onegi e gweng’ ma Nyakongo mani e sub location ma Kanyirima e ei West Kagan e sub county ma rangwee.
Mosenindo japuonj phelix castro nyigilo, ma en japuonj skund primar ma rota e county ma kisumu, ne othoo kanyo orik itimone thieth e osiptal ma ndiru kaaluowre gi rem manyo oyudo bang’ ka achijno nyo ochuioye gi pala e agoge.
Ruoth ma West Kagan location Kennedy Okoko okoo ni achich manyo ochuo japuonjno gi pala en jagweng’no ma ong’ee, to ni nyo omonje e kar saa ariyo gi nus mar Otieno.
JOWUOTH ODIWO MIGORI TOK OBILA CHAKO APEDHA
Miche gi miche mag jowuoth jodiwo e tesend obila ma Migori tok ka obila nomako bus mathoth kod nyamburko matingo jowuoth 14 buora  wira ni ne gionge gi certificate mayienegi dhi e wuoth ma kamano kendo ni ne ok giluwore gi chike mag gayo landruok korona.
Apedha ma kamano nochakore apoya nono kendo derepe mag gachego nochwal e nyim doho mogogi fwai.
Maeri nonywako jowuoth manowuok Migori kochomo Nairob kod mamoko manochomo Migori kowuok buore.
Japuonj onegi Rangwe
Obila ma county ma Homabay pedho achich ma itudo gi nek mar japuonj moro ma jahigni 34 manyo onegi e gweng’ ma Nyakongo mani e sub location ma Kanyirima e ei west Kagan e sub county ma Rangwe.
Ruoth ma west Kagan location kennedy okoko okoo ni achich manyo ochuo japupnjno gi pala en jagweng’no ma ong’ee, to ni nyo omonje e kar saa ariyo gi nus mar otieno.
Masira manyo oyude kanyo orik odok pacho kowuok luora. oyangore ni japuonj monegino nyo othoo e gop ja apiko manyo orik oting’neo nimar jaa apikono ema anyo orik ochwanyore gi achijno e seche mag odiechieng’ ma kaeto achijno okiye e ndara mohiche ka en kod jawuoth ma e sechego ema nyo onegi bang’ wuok apiko hie ringo.
UHURU ODAGI LORO PINY
Gi e kindeno jatend Kenya odagi pach jok ma nyucha sunde mondo olor kendo tong mar countoes mamoko kaka yoo mar gayo landruok corona.
Nowacho ni loro tong onge gi pek malich kowacho ni gima duong en ni jii oritre giwegi.
Bende npako piny owacho mag counties ma josebedo ka orido chike mag gayo tuoni kopako gavana ma countiesgo kuom tich maler.
NYITHINDO DHI E KENY MOMONDO KURIA
Apisa mochungne nyithindo e sub county ma kuria west james omondi, ohum nono gi kwan ma malo mar nyithnido madhi e keny momondo e aluorano koseyo jonyuol kuom jwang’o nyithindo.
Apisano wacho ni moko kuom nyithindo dhi kapok ochopo higni madwarore komedo ni kaka piny owacho jonyuol maok orito nyithindo ma kamago kata ok ogoo liport ibiro donjonegi.
UHURU OSIEMO JOOD BURA MAKETHO CHIKE
Jatend piny Kenya Uhuru Kenyatta omedo thuolo mar chopo chik ma tamo jii bedo oko gotieno ata curfew gi ndalo mamoko 30. 
maeri en e okang mar medo gayo landruok midhusi mar corona.
uhuru nokwayo obila ni mondo one ni chik ma kama oluw maonge dok chien. 
Jatend Kenya owacho mago bang moko kuom jopiny yuak ni jotelo moyier ema ni e ongála ma mbele e rocho chike m,a kamago ka koro ochiko obila ni mondo obi omak nyuaka josiasa mak odew lemo ma gimako.
DUKA MAR USO GIGE SITIMA OWANG’ KISUMO
Duka moro maouso gige sitima nowang molokore mirni e aluora ma YMCA mokiewo gi Oile park e boma ma Kisumo.
 Dukano mongere kaka Modern electronics nowang marach e masirano manotimore kar saa abich odiechieng.
apisa mag simo mach ma county ma Kisumo notemo simo maano to kata kamano nmedo landore manochuno ma gikwayo konyo kowuok kuom josim mach ma alak mar ndeke ma Kisumo.
 jopiny noseyo josim mach mag counties kuom deko chopo e kar masirano.
komishna ma Nyanza James Kianda mane en achiel kuom apisa mag piny owacho manochopo kanyono, noyuago ikruok maok ni kare mar kedo gi masiche ma kamago e boma ma Kisumo.
nowacho ni masinde mag simomach ma county ma Kisumo ok nyal kedo g mach mager ka ma kawuonono kokwayogi ni mondo gingiew masinde mag simo mach ma nyasani.
ACHIC MAR BEMBO OWE GI BOND SIAYA.
Jal moro ma ja higni 27,  nochopi e nyim doho ma Siaya kawuono gi keth mar njawo nyathi ma nyako ma ja higni 8  e gweng ma Uradi, Mur Ng’iya sub location  e County ma Siaya.
Gabriel Oduor Oyuga nochopi e nyim jang’ad bura  James Ongóndo  kama nodonjne ni tarik 27 December higa mokalo, ne orocho ratiro mar nyathino kongéyo.
Keth mar ariyo en ni e odiechieng achiel ono, nomulo nyathino marach mobalo gi chike ma thurka.
Jangad bura nochiko ni mondo oweye gi bond mar siling 200,000 gi jachung ma rom kamano kendo ni burano ibiro winjo tarik 17 dwe marochiko higani.
Jomin buche oyango ni gibiro chwalo joneno 5 e burano kod laktar manothiedhi nyakono.
JO MOMBASA NIGI GENO E WI OHALA
Jogo matiyo e gache mating’o jowuoth Mombasa koro ni kod geno ni kwan jowuoth kidek medore nimar thoth jowuoth nyocha oluor ni jatend piny Kenya ne kidek chako keto kum mar wuoth e pachoka.
Jo ohalago katakamano koro kwayo piny owacho mondo ni e thuolo mabiro gigol oko chik makumo wuodh otieno, kagikoni wuodh odiochieng osebedo karocho chenro mag jowuoth madhi kuonde maboyo kowuok mombasa.
OSECHAK PUODHO MATATU MATING’OJOWUOTH MIGORI
En fuongruok ne weg matatu ma Awendo ma ok osebedo ka tiyo kuom kinde buora kuom rem bedo gi puoth mayienegi tingo jowuoth e ndara bang bad migao mar thieth kod apisa mag obula chako timo nonro mar puodho jok mowinjore dhi nyime gi tije.
Chenro ma kamano nochakore kawuono migori primary school kendo joriemb matatu maloyo 100 noyuoro mondo mi omigi puoth mowinjore mondo gidogi e ndara.
Jakom riwruok weg matatu e aluorano George Rarieda nowacho ni gin gi yie  ni gachegi duto biro dok e ndara bang yudo certificate madwarore.
Nokwayo NTSA mondo ombek chung margi e wi badges manyien ma sani oket chik ni nyaka bedie eka nyamburko odogi e ndara.
DOHO OCHUNGO GEDO MA CHIRO RANGWE
Doho ma Homabay nochungo gedo mar chiro ma Rangwe mitayo kod aguch NGAAF kuom rem luwo chike mooketi mag gedo.
Maeri enb bang kweth moko adek makedo ne ratiro mawuok Homabay  dhi e doho  ka gidwaro ni mondo ochung contractor manomi tich ma kamano  nikech ne ok okaw pach jopiny.
Kweth adekgo mongere kaka Sego  Public Litigation forum motelne kod Micheal Kojo, Interface Community Help Desk motelne kod Evance Otieno kaachiel gi  Walter Opiyo mar Homa-bay bunge la wenye nchi , nodhi e  doho  nyoro mar dwaro chik mar chungo gedo ma kamano  ka giwcaho ni ne onge kata puoth manowuok ka NEMA kaachiel gi bad migao mar apida.
ABUOG ROMBE MOSETIYO OK WIT MABER
Mask mosetiyo imedo nee kokere e kuonde mopogore e thurka gino ma medo kelo luoro mar medo landruok midhusi mar Korona  kaachiel gi medo chido aluora.
Bad migao mar thieth okwayo  jopiny ni mondo jone ni giwitogi  kuonde nowiwnjore bang tiyo kodgi. 
Jalup jatend migao mar thieth Dr. Rashid Aman,  siemo ni tuoni inyalo med lando gi mast mosetiyogo e ranginy ma malo.
Magi eki timore e seche ma jii mamoko 605 noyudi gi tuono e buo seche 24 mokalo.
 Maero koro okelo kwan jok manig tuoni e pavcho kae chopo 23,202
JARIEMB LORY OTONY E LAK THO
Dereba moro mar lorry otony e lak tho odhiambo ma kawuono bang gachego bagni moweyo yoo ojola e wang apaya ma kisumu kochomo busia.
Kaluwore gi liport mar obila, jariembono ma nyinge Geoffrey Muchiri, ma ja higni 45, ngimane ok ni marach ahinya.
Lorino noting’o ogunde 130 mag bando kowuok uganda  e seche ma masirano notimore.
Maeri en mana kinde machuok tok ka lorry mar tingo moo nongielore mana e aluorano
NYAKO MA JA KLAS 7 ORESI KARIWO ARUS
Nyako ma ja class 7 , ja higni 16 e Sub County ma Kuria West, oresi e seche manoriwo arus ka wuon mare monyuole ema nobedo jadolo mane riwe arus gi rawera ma ja higni 23.
 Obila nogogi gono ka nyasi ma kamano ne dhi nykme ka wachore ni wuon wuoyi nosepuodho kenya ma kamano. 
Obila wacho ni ibiro chopo jalo e nyim doho.
JOTHEITH MA HOMABAY JOCHAKO NG’ANYO
Chenro mag thieth e kuonde mirite jotuo mag korona  kod chenro mag thieth mangima e county ma Homabay ongíkore bang jothieth chako ng’anyo margi kawuono e wi osara mar dwe mar 6  gi mar 7 ma giwacho ni pok ochulgi.
Jothiethgo wacho bende ni gitiyo e lwasi maok ber mar tich ka giwacho ni ok ginidog e tich nyaka chop dwarogi duto.
 Jakom kmpdu bade ma nyanza dr kevin osuri,  olero ni ok ginidog e tich nyaka chop chulgi kendo ni nganyo ma kamano oluwore gi chik.
Jagoro mar KMPDU ma kono Dr Lameck Omweri,  dwaro ni mondo oduok bad migao mar thieth mangima ne piny owacho ma malo  nikech piny owacho ma county ma Homabay ok osebedo kadhi kodgi maber.
JO MOMBASA OKWA MONDO OTANG’ NE KORONA
Jodak e kaunti ma Mombasa okwa mondo mi kik jochak nyiso mor kaluworegi kwan ma piny mag jogo milando ni gamo midhusi mar corona ei kauntino, nimar samples mikawo kuom jopiny sani nipiny kipimo kod mano mane ikawo e kinde mosekalo.
Magi ne owacho kabende apisas mag thieth e kaunti ma Mombasa sani koro chich ni kwan jogo magamo midhusi mar corona Mombasa kidek gik e ng’iende ekind dweni mar aboro kod ochiko kaluwore gi kwan welo ma igeno ni biro yuoro e boma ma mombasa.
JODONG LUO DWA KONYO E GAYO IYE MOHIW
Jotelo mag duol mar jodong oganda luo sani koro kwayo piny owacho mondo onywakgi e chenro mar konyo duoko chien wach gamo iye mohiw e kind rowere ma raga e thurka ma sani itudo gi bedo pacho alanda kaluwore gi wcah midhusi mar Korona.
KODO WINJRUOK MAR SENATORS HINYO COUNTIES
Koso winjruok e kind Senatas ma thurka e wi kaka owinjore opog omenda madhi e Counties osemiyo Counties mathoth okoso pesa mag tayo chenro maggi kaachiel bende gi deko chulo jotich osara.
Jatend migao mar omenda Ukur Yattani kiny nobed gi romo gi jokanyo magin kaachiel gi Senators , jotend Gavanas, kod kamati mochungne pok omenda  mar temo manyo duoko e wi yuaruok ma kamano.
Maeri timore e sechegi ma riwruok makedo ne ajuoke ma thurka buogo bago nganyo  tich abich mabironi kaponi Senate ok bi winjore e wi yoo miibiro pogie omendago ne counties.
OBILA OMAKO OGUNDE 4 MAG NJAGA RANGWE
Obila e Sub County ma Rangwe omako ogunde 4 mag nyasore ma nengone mar chiro nyalo romo siling 400,000 koting’ e apiko moko ariyo  ewang’ apaya ma Yimbo kochomo Olare. 
Apisago mane oyudo malingling koa kuom jopiny noketo obadho ma gimako jok manotingo nyasorego.
Kaluwore gi komanda mar obila ma sub county ma Rangwe Jane Sang,  joriemb nowuok Rodi kopany kagichomo olare . 
Nolero ni jii ariyogo nojwang’o apikegigo  ma gidonjo e bungu bang neno obilago
Nowacho ni apiko ariyogo gi njaga manomaki noter e tesend obila ,a rangwe  e sechegi mobila djhi nyime gi manyo weg mwandugo.
JO MITUMBA YUAK NE PINY OWACHO
Jo ohala mauso lep mitumba e thurka sani koro seyo bad migao mochungne ohala kod kembe  kuom rem goyo chapa chike monego oluw kapok oyiene ngato tayo ohala ma kamano.
Riwruok jo ohala ma kamago kotelnegi kod Teresia Njenga,  wacho ni jatend piny kenya nogolo chik  mondo mi giyaw ohala ma kamano to lwetgi pod omoko wira ni bad migao mochungne chenro ma kamano e buo jatend migao Betty Maina pok ochiwo ler kaka wachno onego obedi.
Giwacho ni manyalo romo jo ohala tara 2 sani kuomgi omok e rot e pacho kae mangima.
ANYUOLA KAJEMBE YUAK NE KAGWE
Anywola mar mosenindo Ramadhan Seif Kajembe koro jobwono mar donjone jatend migao mar thieth migosi Mutahi Kagwe magitwoni ne ochiwo ote maok gimor godo kata matin, bang wacho ni wuod Kajembe ema ne okelo tuo ne mingi kod wuongi magiduto giwito ngimagi.
Anywola no bende oseyo Gavana ma Nairobi Mike Sonko kod jatend migao mar somo George Magoha kuom jiwo wach makamano kagitwoni wuod kajembe ne otamore dhi e quarantine mochwe ochiwo tuono ne jonywolne.
KAMBI REGO NIANG MA SONY OYUDO LAL
Kambi rego niang ma Sony osewito  maromo acre 15 mag niang e masiche mopogore opogore mag mach ka mano koro oseweyo kambino gi lal maduong mokalo.
Jataa tije ka kambino Stephen Ligawa,  owacho ni giwito niang mathoth e sechegi ma kambino temo chung e tiende kendo.
JASAMARIA MANG’UON OLOSO NDARA NDHIWA
Jopur mag niang ma Ndhiwa ma chenro maggi mag pur oseyudo dok chien kaluwore gi rach mag apaya ma kono, joyudo fuongruok  bang japiny moro mochiwore nojok ochako loso ndara ma kamano  mar jiwo pur niang e aluorano.
Contractorno ma nyinge Johnson Oduru, nowacho ni nokaw okang ma kamano mar reso jopur matero niang e kambi mar sukari industries manitiere Ndhiwa.
KALAPAPLA MAR MUTAHI KAGWE ODAGI MOR
Nochuno jatend migao mar thieth Mutahi Kagwe ni mondo oduog Nairobi kowuok Kericho gi yor ndara bang ndek kalapapla manotere Kericho tamore mor e seche manoikore mar duogo buore.
Kagwe noyudo osedonjo ei ndegeno eka jariemb ndege notemo tielo  mangeny  mit nodagi mor chutho.
Kagwe nojok otiyo manan gi nyamburko mare e wuodhe mar duogo Nairobi tok twak gi jopiny e wi wach midhusi mar corona e thurka, twak manobiro achiel kachiel kowuok Kericho.
Nochako gi timo limbe e kar jotuo mohewre ma Kericho kama bange nolimo laboratories ma Waltereed  kama ipime samples mag corona. 
Kagwe nowuotho gi gavana ma Kericho Paul Chepkwony, kod apisa mathoth mag bag migao mar thieth.
JOTHIETH MA SIAYA JOCHAKO NG’ANYO
Maloyo nurses  480 kod clinical officers e county ma siaya jochako ng’anyo  ka giyuak ne deko piny owacho ma county ma sisys medogi lemo kaka winjruok nobedo.
Kaluwore gi jagoro mar kenya national unio of nurses bade ma siaya  sylvester ngánda,  nganyo ma kamano manochaklore okinyi ma kawuuono biro dhi nyime nyaka chop dwaro margi.
Ne giwacho ni karan ma county m,a siaya joseph ogutu nondikonegi jumamos mokalo mak mana ni obokeno ne ok onywako dwaro manoyudo gilose tic abich kokalo e romo manotim e yor lonny ma nyasani mar zoom.
JATEND MIGAO MAGOHA LOSO E WI YEPO MAR SIKUNDE
Jatend migao mar somo ngire George Magoha, onyiero jogo ma sundo piny owacho mondo oyaw sikunde ni johore mos  kendo ni piny owacho nono mos kaka tuo makochni medo landore eka gibiro ngeyo ka ibiro yawo sikunde e dwe mar 1 higa manyien.
JOK MODAK GI NG’oL SUBA NORTH YUAK
Jogo modak gi ng’ol e Sub County ma Suba North  jodwaro ni mondo piny owacho ma malo kod mago mag counties obed gi chenro moyiedhi mar neno ni gin bende giyudo sir mowinjore  e seche mikonyo oganda kaluwore gi ngaji mokel gi midhusi mar corona.
Ne giwacho ni jok modak gi ng’ol ojwang mokalo e buo chenro  madhi nyime sani mar pogo chiemo kod gik mamoko aok chiemo.
Jakom Suba North constituency disability forum mr. James Oloo Masiga , wacho ni gisebedo gi kinde matek mokalo  e seche mipogo jok ma ngáw wira ni ok ginyal chopo kuonde ma jii larore ka manyo chiemo mag kony.
JATEND MIGAO KAGWE NG’UR
Jatend migao  mar thieth Mutahi Kagwe owacho ni nitie moko kuom laktache mag ute thieth mag jii giwegi machiw obok ma bandia ne anyuola ma joggi otho gi corona mar nyiso ni ok githo gi ruono.
Kagwe wacho ni laktachego timo kamano mar mondo mi anyuola ma kamago odhi nyime gi iko e yoo ma pile mopogore gi kaka iiko jok ma onindo kaluwre gi corona.
Kagwe nowacho ni jok ma timo kamano keto ngima jokenya e kind akuru gasumbi
GAYO YE MOMONDO
Min od ogai mar ODM Raila Odinga mikayi Idda Odinga ochako chenro makende mar  kampen mar dweche adek mar kedo gi gamo remo momondo e kind nyithindo ma nyiri  e county ma Siaya.  
Kokalo kuom Idda Odinga trust,  nyithindo ma kamago ibiro romogo kaachiel kod jonyuol keto puonjogi e yre ma ginyalo geng’o godo gamo iye momondo.
Kaluwore gi jawach e loo Idda Odinga Trust migosi Odhiambo Otieno, campen ma kamano  ochaki kaluwore gi kwan  ma malo mag nyithindo ma gamo remo e aluorano kama nyaka sani nyithindo ma nyiri ma raga maromo 390,000 osegamo remo e buo dweche 6 kende
JII 3 OTHO E MASIRA
Jii adek nyotho kanyo kanyo e masira mar apiko gi nyamburko manyotimore Ligega e wang apaya ma Kisumu kochomo busia otieno mokalo.
Jii adekgo manyo otingore e apiko nyotuom gi chien gi nyamburko matin manyochomo Kisumo manyo ringo ngwe airititi .
Komanda mar obila ma county ma Siaya francis kooli, owcho ni dereba mar nyamburko matinno nyohinyore kendo nyothiedhe Sega mission hospital ka ringre jii adekgo to noter e kar kano ringruok ma ambira. Garino kod apikono nyoter e tesend obila ma ugunja.
KAJEMBE OIKI KAWUONO
Mane en jaod bura ma changamwe Ramadhan Kajembe oseiki e pare ma kwa she manitiere Mikindani e kar chung od bura ma Jomvu Mombasa kawuono. 
Kajembe nyowito ngimane nyoro bang bedo e od thieth mar jotuo mohewre  e kar thieth ma Pandya kuom jumbe ariyo.
Kajembe inyalo par kaka jasiasa mane nigi chung motegno e kedo ne jopiny to moloyo mago mawuok yoo nam chumbi.
Jotelo mathoth ma pacho kae oseoro ote maggi mag lit kod kuyo kaluworre gi tho mar jatelono.
YIERO MAG GOR MAHIA KINY DHI NYIME
Yier mar club mar Gor Mahia kiny nodhi nyime maonge dok chien. 
Jagoro mar board mochungne yiero Kennedy Mbara owacho ni duko manyowuok e doho nyoro ok ochungo yierono mak mana ni nyowacho ni kapo obi ofweny ni yiero ok otimore maber to inyaloo bi ruche bang’e.
Maeri an bang apisa moko dhi e doho dhi kwedo yiero mar Gor mochan timore kiny.
DCC MA MUHORONI OSIEMO OGANDA
Jalup County Komishna ma Muhoroni Eric Wanyonyi, owacho ni onge ng’ama ibiro konyo e yoo moro amora e apisi mar piny owacho kaok orwako mask.
Wanyonyi wacho ni gisefwenyo ni thoth oganda ok osebedo ka rwako maskgo kowacho ni gidwa chako apedha mar mako jogo maok rwak mask go ma ibiro chwalo e doho.
Nolero bende ni ginono mos jogo mabuono chike moketi mag chokruok kaachiel gi mag liete  kowacho ni sani tuoni landore e kor gwenge maok ginyal ling’ ka gineno ka oganda ketho chike moketi mag gayo tuono.
JAKOM KNUT RONGO YUAK E WI MIBADHI
Jakom KNUT bade ma Rongo Samwel Omwaga,  dwaro ni duol makedo gi mibadhi EACC kod okwach kich ni mondo onon matut wach mnada ma sani igoyo kata iusogo gache mag piny owacho ma County ma Migori kowacho ni chenro  ma kamano itimo mobalo gi chike.
Omwaga wacho ni gima timore sani en mana chopo chik mak mana ni gachego noseusi ne jii chon kendo wegi rito mana kawgi.
Nowacho ni moko kuom gechego bende oketi e nengo mapiny miwuoro mar neno ni jii migeto oyudogi  ka jok mane nigi omenda ma malo to owe oko. 
Omwaga bende nokwayo Senator Ochilo Ayako  mondo okony jo Migori nono  wach uso ma kamano ma iwacho ni nosechan jok mane dhi yudo nyamburkogo.
Korka kore, jatelo mochungne tudruok e apisi Gavana Nicholas Anyor,  nokwedo wach ma kamano  kowacho ni chenro ma kamano idhi tim kaluwore gi chike.
"OD BUCH SENATE KINY NOROM KENDO E WI WACH POK OMENDA MAG COUNTIES.
"
KUOM THUOLO MAR OCHIKO OD BUCH SENATE KINY NOROM MAR TEMO MANYO WINJRUOK E YOO MAKARE MIBIRO TIYO GODO E POGO OMENDA MADHI E COUNTIES. 
ROMO MA KAMANO KINY NOTIMRE E KINDENI MA MOK KUOM SENATORS WACHO NI IBUOGOGI MONDO MI GIGOL PARO KALUWORE GI DWARO MAR PINY OWACHO. 
SENATOR MA ELGEIYO MARAKWET KIPCHUMBA MURKOMEN, WACHO NI SAMORO KA WINJRUOK OK OYUDORE TO BIRO CHUNO NI MONDO OCHAK OCHWAL MBELE TWAK MA KAMANO.
SENATORS MALUNGORE NI TEAM KENYA TO SEYO JAGOOO OPORO MAR KWETH MATHOTH IRUNGU KANGATA MA GIWACHO NI NIGI DWARO MAR CHWALO KENDO TWAK MA KAMANO NYIME.
JO PAU NYUKA DWARO OLALO
JODAK MA PAU NYUKA EI KAKRAO WARD E SUB COUNTY MA SUNA EAST DWARO NI PINY OWACHO MA COUNTY MA MIGORI MONDO OGERNEGI OLALO MABIRO RINGO E WI AORA NYASARARA MONDO MI OTIEK MIDHIERO MA NYITHINDO MASOMO NYIKENDO PRIMARY SCHOOL THORO KALE E KINDE KOTH.
KOTELNEGI KOD ISMAIL AKEDE, JOPUONJRE MA NYIKENDO PRIMARY MANIE BATH AORANO KOMACHIELO THORO BEDO GI MDHIERO KA GIWACHO NI GISEGOO LIPORT MA KAMANO TIELO MANG’ENY KENDO NI LIPORT MARGI SEBEDO KA LWAR MANA E IT MODINO.
DICHUO MORO YUAGO RATIRO MVITA
DICHUO MORO MANTIE E KAR DAK MONGOHORE MA AMAZON EOD BURA MVITA MOMBASA KORO YWAGO RATICHE BANG OBILA WEYO THUOLO JARIEMBO MORO MANYOCHA OGWEYO MONEGO NYATHINE MAJAHIGNI APAR JUMBE ARIYO MOSEKALO.
WUON NYATHINO KONI NYAKA SANI POK GIWINJO WACH MORO AMORO KUWUOK KUOM OBILA KATA JAGO MANYOCHA ONEKONO, KA EN BENDE POD RINGERE NYATHINE POD OKWAMO E MORTUARY MAONGE KAKA OTER DALA ODHI OYIKI.
JAL MAONONEG NYATHINE ODAK GI LUORO
PINY OWACHO OLERO NI GISETIMO MATHOTH NE JOTHIETH
BAD MIGAO MAR THIETH OWACHO NI MOKO KUOM NG'uR MA LAKTACHE MA COUNTY MA NAIROBI NYOGOLO KANYO GICHIWO NOTICE MAR CHAKO NGANY GIN GIGO MA PINY OWACHO DHI NYIME GI LOSO MA BENDE MOKO KUOMGI OSELOSI.
JALUP JATEND MIGAO MAR THIETH DR MERCY MWANGANGI OLERO NI BAD MIGAONO OSEGOO OKANG E NENO NI GICHOPO YUAK MAG JOTHIETH MA THURKA.
E TWAK MA PILE KA PILE GI UTE FWAMBO MAR CHIWO LER E WI MIDHUSI MAR CORONA, DR MWANGANGI  NYOWACHO NI LAKTACHE DUTO MMA COUNTY MA NAIROBI NOSECHUL MBALANG MAGGI MOTUDORE GI WCAH MIDHUSI MAR KORONA.
OKWACH KICH OTHO E AORA KIPKELION
NYO EN LIT KOD KUYO YOO KIPKELION BANG APISA MORO MAR OKWACH KICH MA KIPKELION KOD MIYO MORO THO E PII ODHIAMBO MA NYORO BANG OHULA YUEROGI.
MCA MA KIPKELION ANTHONY RUTO, OYANGO NI JATEND OKWACH KICHNO MANOCHUNG’NE KIPKELION, NYOTHO E SECHE MA NYAMBURKO MARE MATIN MANYOTINGE KOD NYANO  NYO OHULA OYUAYO KANYO GITEMO NG'aDO NDARA MANYO PII OPONG'o EMA NYO OYUA GARINO NYAKA EI AORA.
UHURU OKWEDORE E WACH SENATE
JATEND PINY KENYA UHURU KENYATTA ONYISO JOKENYA NI KIK SEYE KALUWORE GI WACH YUARUOK MOMOKO E OD BUCH SENATE E WI PK MAR OMENDA MADHI E COUNTIES. 
KENYATTA MANE LOSO E KAR ROMO MA KICCOLERO NI OGANDA MANIE COUNTIES MA PACHO KAE NYAKA YUD RATIRO MARGI KOWACHO NI WACH OMENDA MADHI E COUNTIES OK NI E BUOYE KENDO NI KAMATI MOYIEDHI NITIERE MANONO WACH OMENDA MA KAMAGO
UHURU NONYISO JOKENYA NI OBIRO WEYO RAPAR KALUWORE GHI MAGO MA OSETIMO MAOK NI GOYO KOKO KONI GI KOCHA. NOMEDO LERO NI JOKENYA MANIGI KENYA E CHUNYGI NYAKA KONYE MANA GERO PINYNO KAR PINGO GIMORO AMORA
"DIRECTOR MAR NYITHINDO KISUMO SEYO JONYUOL
"
DIRECTOR MOCHUNGNE WECHE NYITHINDO E COUNTY MA KISUMU HUMPHREY WANDEO, OKWAYO JONYUOL MONDO JOBEDI E ONG'aLA MA MBELE MAR BERO KINDE MABIRO MAG NYITHINDGI TO MOLOYO E KINDENI MA JII NI E YUEYO MOKEL GI MIDHIERO MAR TUO CORONA.
WANDEO WACHO NI EN GIMA LIT NI CHIEGNI JUMA KA JUMA, NYITHINDO MA HIKGI NI PINY IMAKO GOBILA E BOMA MA KISUMO KA GIN E BUDHO E KUONDE TOO NGONA. 
NOLERO NI MANO EN RANYISI NI THOTH JONYUOL OJWANG'o NYTHINDGI KWCAO NI LWENY MAG GENGO IYE MOHIW SANI INYALO MANA LOO KA JONYUO, OTIYO KANYAKLA GI SIRKAL.
WANDEO WCAHO NI PINY OWACHO OK NYAL BEDO MACHIEGNI SECHE TEE E RANGO WUODH NYITHINDO KOKWAYO JONYUOL MONDO JOTIM MA GINYALO E KONYO NGIMA MAR KINDE MABIRO MAR NYITHINDGI.
OBILA OMAKO JAL MANE DWA IKO WUODE KA NGIMA
APISA MAG ARITA E SUB COUNTY MA AWENDO, JONONO JAL MORO MA JA HIGNI 30 MANYOCHA OTEMO IKO WUODE MA JA HIGNI 2 KANGIMA E GWENG MA WAWARE SOUTH SUB LOCATION KANOWACHO NI MIN ODE NONYUOLO NYATHINO OKO MAR KENYA.
JALO KATA KAMANO NODOK OKWAYO WERUOK KOWACHO NI JACHIEN EMA NODONJO E CHUNYE.
CHI LIEL OCHIWO YUAK KODWARO RATIRO.
CHI LIEL MORO MA WUON PARGI NYUCHA OWITO NGIMANE KA NG'aDO OLALO MA AORA AWACH MATUDO NORTH KOD SOUTH SEME, SANI KORO DWARO RATIRO.
JUDITH ADHIAMBO OTIENO WACHO N WUON PARGI MOSENINDO MIGOSI SAMSON OBADHA, NYOCHA OKIER MOLWAR EI AORANO KALUWORE GI CHAL MARACH MAR OLALONO KA KORO OSEYO PINY OWACHO KUOM MASIRANO.
ADHIAMBO MA WUON PARGI IDHI KOW E KAR YUEYO MARE MOGIK TICH 4 JUMANI, WACHO NI GIDONG MARACH MOKALO WIRA NI OBADHA E KENDE MANE PIDHO FAMILIANO. nOKWAYO JOTELO MOYIER NI JONE NI OTIMO MA GINYALO MONDO NGIMA MACHIELO KIK LAL E AORANO.
JUMA MOKALO JOTELO MA ALUORANO KOTELNEGI KOD MCA MA NORTH SEME JAMES DIANG'a NE JOYUAK MOKALO KA GIWACHO NI OLALONO MIGERO KOD KENYA KENYA RURAL ROADS AUTHORITY EN OTEGO MAR THO KENDO NI ONEGO OTIMIE GIMORO MAPIYO.
"BACHE 15 OMAA LESES NAIROBI
"
MANYALO ROMO BACHE 15 OSEMAA LESES MAG TICH E SUB COUNTY MA EMBAKASI E COUNTY MA NAIROBI. 
KALUWORE GI JALUP COUNTY KOMISHNA MA EMBAKASI GITHINJI MURUNGI, OKANG MA KAMAE NE GICHOPE BANG TIMO APEDHA MAGER KA GIKONYORE GI APISA MAG ARITA.
MURUNGI OLERO NI POD GIDHI NYIME GI APEDHA MA KAMANO KA OLERO NI GIBIRO MAYO BACHE MAMOKO E ALUORA MA KAYOLE GI UMOJA LESES NIMAR MOKO KUOM BACHEGO POD IUSE KONG'o E KINDENI KATA KOBEDO NI PINY OWACHO NOGOLO CHIK MAR LOROGI.
MIGAO MAR THIETH WACHO NI KORONA POD NITIE
BAD MIGAO MAR THIETH OWACHO NI PINY POD CHON WACHO NI MIDHUSI MAR KORONA OSENYAGI E PACHO KA KA GIKONE JOPINY MONDO JODHI NYIME LUWORE GI CHIKE MAG PINY OWACHO MAG GAYO LANDRUOK MAR TUONO.
JALUP JATEND MIGAO MAR THIETH DR RASHID AMAN, OWACHO NI KINDE MA IBIRO WACHO NI TUONO ODOK PINY EN MANA KINDE MA KWAN JOK MIRWAKO E UTE MAG THIETH DHI DOK PINY KOD BENDE DOK CHIEN E KWAN JOK MATHO GI TUONO.
JATAA TIJE MA KOJOLO E BAD MIGAO MAR THIETH DR FRANCIS KURIA KORKA KORE TO WACHO NI NITIE DWARO MAR MEDO LUWO CHIKE MAG GAYO LANDRUOK TUONO TO MOLOYO MANO MAR RWAKO MASK KOD BENDE LOGO E KINDE KA KINDE.
RUTO GI RAILA OKWEDO MEKO MAR SENATORS
JALUP JATEND PINY KENYA WILLIAM RUTO KOD OGAI MAR ODM RAILA ODINGA , JOKWEDO MOKALO MEKO MAR SENATORS ADEK MA NYOTIMORE E THURKA MA BENDE NE GETO MONOGI CHOPO RATIRO MARGI.
E OTE ARIYO MOPOGORE NE UTE MAG FWAMBO, JOTELO ARIYOGO WACHO NI MANO EN DUOKO CHINE DEMOKRASIA MAR KENYA KENDO ROCHO RATIRO MAG JOTELOGO.
KATA KAMANO SENATOR MA KAKAMEGA CLEOPAS MALALA MANYOMAKI MOTER E RTESEND OBILA MA MUMIAS, NODOK OWE THUOLO KA JOHERA MAGE NONYISO MIRIMA KANE GIDWA NGEYO GIMA OMIYO NYOMAKE.
NG’ANYO MAPEK NOKWAKO LWASI MA MUMIAS GINO MANOCHUNO OBILA TIYO GI IRO MALIUNGO WANG’ MAR KEYO JONG'aNYOGO MA BENDE NOWE MAK OYAWNE BURA MORO AMORA BANG APISI MAR JAMIN WACH MADUOG WITO OKO BURA MANE RIP IDWA DONJONEGO.
OD BUCH SENATE KINY NOROM KENDO E WI WACH POK OMENDA MAG COUNTIES.
KUOM THUOLO MAR OCHIKO OD BUCH SENATE KINY NOROM MAR TEMO MANYO WINJRUOK E YOO MAKARE MIBIRO TIYO GODO E POGO OMENDA MADHI E COUNTIES.
ROMO MA KAMANO KINY NOTIMRE E KINDENI MA MOK KUOM SENATORS WACHO NI IBUOGOGI MONDO MI GIGOL PARO KALUWORE GI DWARO MAR PINY OWACHO.
Jolupo ma Muhurubay e Sub County ma Nyatike e County ma Migori koro joduaro ni piny owacho osiek kod yoore moko mabecho mag tieko lweny mabedo e kind lee mag nam kod oganda ma odak e dho wedhe ma Muhurubay kuno
Jolupogo mane otelnegi kod jakom dho wedhe ma Muhurubay Ward migosi Odhiambo Nyakiaro ne jowacho ni jolupo mang’eny nyaka gi jogweng osehiny marach mokalo ka moko bende osekata negi gi leego moting’o rewe kod nyenge kuom mamoko
Kanomedowuoyo ewii wachno migosi Odhiambo nowacho ni leego pod keto ngima oganda kamarach kane okwayo mondo piny owacho osiek kod yoore mabecho mag tieko lwenje mabedo e kind dhano gi leego
Bende ne okwayo Kenya Wildlife Services mondo jotemie ruyo chulo familia ma jogi ne leego ohinyo mapok joyudo chudo mekgi nyaka sani kowacho ni nitie bende familia moko mane ochuno mondo jogoo harambee mag thiedho jogi ma leego ne ohinyo
Odhiambo ne owacho ni familia mar nyako moro mane rao ohinyo Muhurubay kuno dweche buora mokalo ne ochuno mondo ne jo tim harambee mar yudo pesa mag chulo bill mar osiptal kowacho ni thieth machalo kamago onegobed ni piny owacho ema chung’ee
Oganda ma County ma Nyamira jonigi to kod chanjo mar corona mane omolo e pachoka
Kwan maduong mag oganda ma County ma Nyamira kawuono ne jogoo dhogi piny kagiwacho ni ok gihikore kata matin mar mondo mi timnegi chanjo mar corona kod yadh chanjo manyo ochopo e pachoka ei otieno mane piny oruugo kawuononi
Kanegiwuoyo gi Radio Ramogi oganda ma County ma Nyamirago ne jowacho ni gibiroduaro mondo apisas madito ei piny owacho ema kuong timnegi chanjono mondi kapok chanjono ochopo kuom raia ni eka gibed gi chanjono gi adiera
Piny owacho koro hikore ne chiwo chanjo mar corona
Donjo mar chanjo mar corona e pachoka igeno ni biro konyo ahinya e jiwo lwenj kedo gi midusi mar corona e thurka ka thoth oganda jokenya bende pod jonigi paro mokikore kod chanjono
Jatend migao mochungne yoore thieth migosi Mutahi Kagwe ne osingone oganda jokenya duto ni giduto gibiro yudo chanjono ni to ibiromana miye joma oyie maok chunee ng’ato
Katakamano jopiny kod riuruok mar kanise mapachoka -the National Council of Churches of Kenya ne josegolo kwayo ni temie neno ni chanjono ichiwo e yoo man thuolo kod mar ratiro maok mbalie jomoko
chanjo mar corona biro molo e pachoka e lap ndeke ma Jomo kenyataa saa Auchiel mar Otieno
Jatend piny Kenya Uhuru Kenyataa jalupne William Ruto migosi Raila Amolo Odinga to kod jatend migao mar thieth Mutahi Kagwe ibiro miyo chanjo ayanga e nyim oganda kotenore gi midhusi mar corona e kar thieth ma Kenyataa National Hospital tich abich jumani.
ma timore e seche ma saa auchiel otieno ma kawuono chanjo mar corona biro molo e pachoka e lap ndeke ma Jomo kenyataa ka ibiro kano gi e kamoket tenge
Owete ariyo onegore e gwenge ma Wangaya Muhoroni Sub County
Gweng ma Kaniga Makome ei Wangaya sub county ma Muhoroni nigi kuyo bang tho mar owete ariyo mago manotho bang dhao mapek manobedo e kind gi
Joseph Othoro ma jahigni 37 kod Kennedy Otieno 36 ne ongielo orengo bang negi bedo kod dhao mapek ka gitiyo gi opanga kata beti e kinde kedo no otieno manyoro
Kaluore kod jalup ruoth ma wangaya 2 sub location Teressa Akinyi manoyango wachni oyango ni odiochieng motelo ne nyoro joute gi mago jood owete gi ne obedo kod dhao mano manokelo ywarruok e kind owetegi
Kenndy ne ongielo orengo ka ichwale e kar thieth ma Ahero sub county ka ringre ni e kar kano ringruok ma kuno ka Joseph wito ngimane e kar thieth ma Jaramogi Oginga Odinga Teaching and Referal Hospital Kisumu kama ringre okan e kar kano ringruok e kar thieth noero
Dayo kaachiel gi wuode kod nyakware omak bang daro chi liel e dalane ka gilaro loo
Apisas mag obila e gwenge ma Ratta e Sub County ma Seme omako dayo kaacheil gi wuode to kod nyakwaro mago maotud gi temo riembo e dalane chi liel mano manonindo e koyo otieno manyoro kaluore gi ywaruok mar loo.
Ma en bang mama ni moyang kaka Margaret Achieng kaacheil kod kweth makedo ne ratich oganda e gwnege go ne molo e par obila ma Ratta mago manodhi nyime gi mako jii adek gi e dala no
kaluore kod Margaret Achieng ywaruuok ne ochakore tok jaode ne ngielo orengo ka imaye opande mar jaode to kod obok ne mar tho.
Kanoyango wachni jalup ruoth ei North Ratta sub location migosi Boniface Owuor wacho ni wachno osechwal ne apisas kendo gibiro neno ni mama no oyudo ratiro mare
Jii 152 oyud kod midhusi mar corona ,Jii adek owito ngimagi e buo seche 24 mokadho
Jii 152 oyud kod midhusi mar corona e buo seche 24 mokadho kuom jii 2213 manopimMa koro kelo kwan jogo moseyud gi midhusi ni nyaka 106,125
Kaluore kod Migao mar thieth jii mamoko 39 ne ochango mano makelo kwan jogo maosechango nyaka 86,717 ,Kata kamano jii 3 ne owito ngimagi mano makelo kwan jogo mosewito ngimagi nyaka 1,859
Chanjo mar midhusi mar corona ibiro chako chiwo e pachoka kochakore tich angwen jumani
Ma en kaluore kod migao mar thieth ma oyango ni chanjo go biro molo e pachoka chieng tich ariyo otieno kama jatend migao mar thieth Mutahi Kagwe biro yao ayanga tiyo kod chanjo go tich angwen jumani
Kaluore kod laktar Collins Tabu mabende en jatend bad migao maotenore gi chanjo e pachoka jii maromo million 1.2 ibiro miyo chanjo e tiielo mokuongo
Jochiw thieth ema biro bedo mokuongo yudo chanjo no ka kapok omigi chanjo nyaka gi bi gindikre kendo keto kokgi mar yie yudo chanjo no
Migosi Raila kawuono omedo yango ni en mana BBI emabirokonyo e kelo lokruok ne oganda jokenya
Ogai mar ODM migosi Raila Amolo Odinga kawuono koro ne omedo yangone oganda jokenya ni en mana loko katiba kokalo kuom paro mar chik mar BBI ema birokelonegi lokruok ma gisebedo ka gigombo aming’a e ngimagi
Kanowuoyo e iko mar min governor ma Bungoma e County ma Bungoma kuno migosi Raila nowacho ni bang bunge mag Counties mapachoka kalo paro mar chik mar BBIno koro giduaro ni tim mapiyo mar neno ni dhano jodhi e referendum kendo loko katibano mondo mi koro chike ma obi olokigo obi ochak tiyo mar konyo oganda e thurka
Onge japuonjre moro amora ma ja klas 8 kod klas 12 e kar dak ma Kibra maok bi timo penj
Tend loch nanga ma Sub County ma Kibra e boma ma Nairobi kawuono ne okwedo malit mokalo paro moko manyochane chako betie ni nyithindo moko mane omuki skunde mane gisomee e kar dak ma Kibra kuno jonyalobiro chweyo maok otimo penj mar class 8 kod class 12 kanegiwacho ni jopuonjre duto ma onegobed ni timo penjgo e thurka biro timo penjgo maonge ma ibiro weyo oko
Magi ne oyangi kod jalup County Commissioner ma Sub County ma kibra kuno migosi Gideon Ombongi mane owacho ni jopuonjre duto ma jo class 12 gi class 8 mane skundegi omukigo ne odar ka itero e centres mamoko man machiegni kodgi makoro gibiro dhi timoe penj
E higa mokalo kambi mar Kenya Railways ne omuko gedo buora kama bende ne gimukoe skunde buora nyaka kanisni
Bende Ombongi ne ogolo siem mager ne joma pod dwa dok e kuonde mane omukie udigo ni ibiro kaonegi ondamo mager mokalo mar kum kowacho ni katamana udi mane omukigo ne omuki kuondego nikech ne ogergi kuondego e tok chik
Joma idhikao dhi somo puonj mag puonjo e skunde primary koro idhikao gi grade C
Kochakore dwe mar 5 mar higani jogo ma ibiro kao mondo jodhi osom weche mag puonj mag puonjo e skunde primary ibiro kawo gi grade mar C ma gidhi somogo diploma e weche mag puonjgo
Katakamano jogo mawuok e gwenge ma ongoro mapachoka to jowacho ni dhi e tiegruok gi grade mar C no nyalobiro tamogi nikech thothgi ok nyal bi yudo grade mar C no mayot
Riuruok mar jopuonj madongo mag skunde primary-KEPSHA ne oramo ni kadipo ni iduoko grade piny ma ikawogo jii e kuonde tiegruok mag jopuony primarygo to nyaka duoke piny mana egwenge duto mapachoka maok ni gwenge moko ema iduokonegi grade no piny to moko to grade no bedo ‘C’ ma iwachono
Kete Kembe E Lwet Jopiny Nyaka Dhi Nyime
Moko Kuom Jopur Manie Buo Kenya National Federation Of Sugarcane Farmers Bade Ma Muhoroni Jokwedo Paro Mar Kamati Mar Senate E Wi Pur Mar Dwaro Chako Mnayien Chenro Chenro Mar Dwaro Chiwo E Lwet Jii Giwegi Kuom Thuolo Moyiedhi Kembe Abich Mag Rego Niang Mag Opiny Owacho.
Jopurgo Wacho Ni Chenro Ma Kamano Nosechaklore Kendo Onge Dok Chien Ka Gichich Ni Moko Kuo M Gavanas Nigi Maling Ling E Wi Kembego.
Jo Kisumu Manyatta Dwaro Ni Mondo Onon Jok Makaw Namba Opande
Jodak Ma Kona Mbaya Ei Manyatta Sani Ngur Mokalo Kaluwore Gi Jweth Moro Mosebedo Ka Luorore E Aluorano Ka Wacho Ni Gindiko Nying Jii Mondo Joyud Chiemb Kony.
Jodak Ma Kono Wachpo Ni Gichichi Ni Gitie Gia Dh Nyime Mopgogore Gi Wach Chiemb Kony Nimar Gipenj Jii Nyaka Namba Margi Mar Kipande.
Grace Atieno Ma En Ja Ohala Ei Manyatta Wacho Ni Jotelo Mag Arita Ei Manyatta Kanyo Onego Owuog Oko Mondo Orang Ane Ler Mar Kweth Ma Kamano.
Alex Omondo Manoloso Gi Radio Ramogi Wacho Ni Gin Gi Luoro Nimar Jii Mathoth Ni Kech Kendo Nyalo Chiw Kipandegi Mayot.
Obila Ariyo Omaki Bang Chuo Jomath Moko Gi Pala
Apisa 2 Mag Obila E County Ma Nakuru Olornegi E Tesend Obilama Njabini Bang Chuoyo Gi Pala Chuo Moko Ariyo E Bar Moro Kama Nyoyudo Gikuote Andiwo.
Wachore Ni Yuaruok Nomuoch E Kind Ogul Mama Kod Jomath Mamokgo E Seche Manyo Ochuogi Gi Pala Ka Achiel Nyochuo E Bund Iye To Machielo Ochuo Ng'Ut Lwete.
Jatend Obila Ma Kinangop Benjamin Ong'Ombe Oyango Wcah Meko Mar Obilago Ka Gilero Ni Ibiro Chopogi Emnyim Doho Ka Nonro Oserumo.
Japuony moro ma Senye Primary School sani ogengne e tesend obila gi ketho mar nego dichuo moro ma ja higni 35
Japuony moro ma Senye Primary School e gweng Kibro e Muhuru Central Location , e Sub County ma Nyatike e County ma Migori sani koro ogengne e tesend obila gi ketho mar nego dichuo moro ma ja higni 35 mane oyang nyinge kaka Bob Otieno
Magi ne oyangi gi jatend obila ma Sub County ma Nyatike mikai Stela Too mane owacho ni japuonyno mabende ogengne e tesend obila ma Macalder Police Post osebedo ka odak e ot achiel gi jago ma iwacho ni ne onegono -wach makoro miyo en ema obedo kaka achich e nek mane obetieno
Kanomedowuoyo ewii wachno mikai Too nowacho ni japuonyno en mana achich kanowacho ni obila pod jotimo nonro mar yango gima dinyo bed ni otimore kapok nekno ne obetie kaachiel gi yango joma dinebed ni jonego jagono
Jatend obilano nowacho ni ringre jagono ne nigi adhonde buora matut machalo ni jagono ne ochuo gi gimoro ma dhoge bith
Kanowuoyo gi Radio Ramogi jaduong gweng ma Kibro kuno migosi Hassan Gombania nowacho ni jago mane onegino kod japuonyno josebedo ka odak e ot achiel kuom kinde malach
Nowacho ni ne giyudo ringre dichuono ka oriere e dier ot ei okinyi makawuononi
Ringre jagono ne oseter e kar kano ringre joma otho ma kar thieth ma Migori Level Four Hospital esechegi ma obila bende pod jodhiye nyime gi nonroni
Jago moro omaki ne ketho mar bambo mingi ma bathe
Jago moro ma jahigni 29 omaki gi joket arita ne ketho mar bambo mingi ma bathe ma jahigni 53 e gweng’ ma Kagombe mani Rachuonyo North e county ma Homabay.
Achijno ma nyinge Washington Otieno omaki gi jalup ruoth ma gweng’no Johnson Osumba ma otere nyaka e tesend obila bang’ ketho ma yangore ni nyo otimo otieno ma yoro.
Nonro ma oiwu yango ni nyo okuongo omonjo mingino kendo buoge kod opanga ma kaeto obambe.
Gisani ogeng’ne e tesend obila ma Kendu Bay ka nonro dhii nyime.
Chenro mag thieth koro osechako dok e wang’e mos mos Migori Level Four Hospital
Chenro mag thieth koro ne ochako dok e wang’e mos mos e kar thieth ma Migori Level Four Hospital bang lakteche mag County ma Migori kuno ma josebedo e ng’anyo kuom maloyo dweche 10 dok e tich ndalo 2 mokalo
Nonro mane otim gi Radio Ramogi ne oyango ni tije buora ne osechako dok e wang’e e osiptandno ka jotuo buora bende ne one ka dhi e osiptandno dhi manyo thieth
Kanowuoyo gi gi Radio Ramogi jatend migao mochungne yoore mag thieth e County ma Migori kuno migosi Kephas Nyamita nowacho ni chenro mag thieth ne chako duogo e wang’e mos mos nikech lakteche ma jonie tich pod nok
Kanomedowuoyo ewii wachno migosi Nyamita nowacho ni gisewuoyo kod jotend bede migepe mopogore opogore mag osiptandno mondo jotemie neno ni thieth odok e wang’e kapod girito nurses,clinical officers kod jothieth mag laboratory mondo jodog e tich
Namba lope iketo e chike manyasani
Migao ma ochung’ne lope ma pachoka osechako chenro mar daro ‘title deeds’ mag lope kigolo e rijista ma nene kendo irwako e rijista manyien manyasani ma osir gi chike mag loo mane okadhi e higa 2012.
Migao mar lope osingo ni onge ng’ata ng’ata ma dhii wito lope  kata odoko ni lokruok makamano dhii nyime
Pii taka orocho chenro Kisumu Girls
Tend skund nyiri mar Kisumu Girls okone kambi ma keyo pii (KIWASCO) mono oruwre ma piyo e loso hoto-goro mar pii taka ma ne obarore kendo keyo pii mochido e skundno.
Chenro mag wuoth ma donjo kata wuok e skundno obedo matek chakre nyoro manyo pii mochidono ochako kere.
Board mar skundno ma Kisumu Girls okoo ni chenro mag somo ok nyal dhii nyime makare ka ok olosi midhierono.
Ochuno mondo mii jogo ma donjo e skundno otii mana kod apiko eka gichop ei skul.
Thoo mar ja od bura machon Zablon Olang’
Oganda dhii nyime gi ywago mosenindo Zablon Owigo Olang’ mane en ja od bura ma Ndhiwa e kinde mokalo.
Gavana mar county ma Migori e ote mare, opuoyo mosenindo Olang kaka jal mane konyo e chiwo paro ma liwu mag dongo county ma Migori.
Ja od bura machon ma Rongo migosi Dalmas Otieno ma bende sani en komishona mar duol machano osara mag jotich e pachoka SRC, bende opuoyo mosenindo olang.
Mosenindo zablon olang ne ongielo orengo odiechieng ma nyoro ka en jahigni 81.
Ne obedo ja od bura ma ndhiwa e kind higa 1979 nyaka 83.
Piny owacho ogolo omenda maromo siling million 10 ne skunde
Piny owacho koro ogolo omenda maromo silings million 10 ne skunde mane okethi gi pii mapong kendo mamuomore mar konyo e chenro mag gedo mag skundego
Magi ne oyangi kod jatend migao mochungne yoore mag somo e pachoka ngire George Magoha mabende nowacho ni lipiago biro konyo e chenro mag daro skundego e kuonde mane ogergiego ka idhi gerogi kuonde mamoko makoro oula ok nyal chendee
Kanowuoyo e skund primary ma Ombaka e Sub County ma Nyando e County ma Kisumu ngire Magoha nowacho ni piny owacho ne ogolo pesago ne skunde ma County ma Kisumu kod County ma Baringo mar konyo e chako weche mag gedo mag skunde mane pii oketho e Countiesgo
Jatend migaono bende nowacho ni omor gi kwan mag jopuonjre mane jogoyo ripot e skunde nyakane yau skunde chieng wuok tich kanowacho ni kwanno duong maber kabende ne okwayo ruodhi mondo jodhi nyime gi pedho jopuonjre mapok jodhi e school mondo mi gine ni jopuonjrego jodhi e school
Katakamano ngire Magoha ne ogolo siem mager ne jopuonje madongo mag skunde mag primary ni kik gitem riembo nyithindo e school ne school fees
Piny owacho mamalo chano tiego jo ohala
Piny owacho mamalo kokalo kuom bad migao mochungne riuruok pinje Africa ma Ugwe san koro osechako tiego jo ohala modak e Counties manie tong mag pinje Africa ma Ugwego kaka yoore ting’o malo weche mag ohala e kind pinjego
Oseyudi ni rem bedo kod ng’eyo ewii weche mag ohala ema osebedo obadho maduong mokalo ewii dongruok mag ohala migoyo e tong mag pinje Africa ma Ugwego moting’o rocho yoore mag ohala kuom jo ohala ma piny Kenyaka modak e Counties manie tong pinjego -wach mabende koro ne omiyo piny owacho mamalo ochako chenro mag tiego jo ohala e weche mag ohalago mar tieko chutho wach rem bedo kod ng’eyo e weche mag ohalago
Magi ne oyangi kod jagoro mongirore e migao mochungne riuruok mar pinje Africa ma Ugweno Kevit Desai mabende ne oromne e limbe mare mane otimo e County ma Homa Bay gi jalup governor mar County ma Homa Bay kuno migosi Hamilton Orata
Kanowuoyo e romo mane obedo godo gi jotelo ma County ma Homa Bay kuno Desai nowacho ni gigeto tiego jo ohala modhuro e County ma Homa Bay kuno mondo jobed kod lony mowinjore e weche mag ohala
Jatelono nowacho ni piny owacho ochiwore gi yoore duto mag tieko chutho rem bedo kod rieko e wii weche mag ohalano mar konyo neno ni jo ohala ma Kenya koro jonyalo donjo e weche mag ohala gi mijing’o
To bende kanowuoyo e romo achiel nogono jalup govenor ma Homa Bay migosi Hamilton O rata nowacho ni bad migao mochungne weche mag ohala e piny owacho mar County ma Homa Bay kuno biro dhi nyime gi tiego jo ohala modhuro e weche mag ohala ma mariwa ma oriwo pinjego
Orata nowacho ni gie sechegi gidhi nyime kod lalruok gi piny owacho mamalo mondo mi ogerie kar ohala moro maduong e boma ma Mbita mar konyo jiwo weche mag ohala e kind County ma Homa Bay gi pinje ma libamba mag pinje Africa ma Ugwe
Clinical officers jowacho ni gidok e ng’anyo margi e dier otieno makawuononi
Riuruok mar clinical officers mapachoka kawuono koro olando ni gidhi dok e ng’anyo margi kochakore saa auchiel mar otieno makawuononi bang rumb seche 48 mane gimiyo riuruok mar governors mathurka mondo ne joloo godo dwachgi
Kanegiwuoyo ewii wachno jotend riuruogno ma gin jagoro George Gibore kod jakom Peterson Wachira ne jowacho ni riuruok mar governorsno oserem chopo dwach winjruok mane gichopee kodgi ewii kakane onegobed ni gidok e tich mabende ong’ere gi dho ngere ni Return to Work Formula mabende ne oketie kogno tarik achiel mar dweni
Kanomedowuoyo ewii wachno migosi Gibore nowacho ni riuruok mar governorsno onge kod chuny mar bero sekta mar thieth e pachoka ni nikech moko kuom governors koro osebukore gi tim moro mar riembo jothieth e tich kaachiel gi buogo moko mapok jodok e tich bende
Negiwacho ni ng’anyo masanini biro dhi nyime nyakachop chieng ma riuruok mar governorsno obiro obedo ni ohikore mar keto koke e winjruogno mabende oting’o thuond weche 17 ma giduaro ni lonegi
Nyathi skul obambi kaeto onegi
Obila ma Sub county ma Bondo timo nonro ewii nek mar japuonjre ma ja klass 10 ma ringre ne okwany e gweng’ ma Abom mani e sub location ma Ajigo.
Ringre japuonjreno ma en jahigni 20 ma nyocha somo e skund sekondar ma Kamnara Mixed ne okwany e puodho moro mana bang’ ka nyo oselal kowuok e ot mosebedo koninde e dalagi.
Jalup ruoth ma Ajigo Emily Awimbo chiwo lerno.
Ruto kawuono ne odhi nyime gi kidho BBI
Jalup jatend piny Kenya laktar William Ruto kawuono ne odhi nyime gi kidho BBI kane owacho ni BBI ok en gima ochuno ahinya e piny Kenyaka gie sechegi
Kanomedowuoyo ewii wachno laktar Ruto nowacho gima ochuno e piny Kenyaka gie sechegi ma onegobed ni jotelo ma Kenyaka joketoe maino margi en wach dongruok kanowacho ni dongruok ema onegobed ni iketo nyime moloyo e pachoka gie sechegi maok wach BBIno
Kanowuoyo e County ma Embu kucho laktar Ruto nowacho ni nikech gombo nitie mar chiero ochumi mapachoka bang tuo mar Corona ketho ochumi ma piny Kenyaka onegobed ni jotelo mathurka joketo maino margi e weche mag dongruok kende gie sechegi maok dich gi goyo campaign ne BBI
Kanowuoyo e kanisa mar Moore Catholic Church Kairuri Parish mabende ne odhi yuagoe familia mar jatend oganda jokopere mapachoka Cardinal John Njue kuom tho mar nyamin Njue nogono laktar Ruto nowacho ni wach sieko mar BBIno osemono piny owacho mar Jubilee e timo chenro meke mag dongruok ne jopiny kabende ne osingo ne oganda ma Embu kuno ni piny owacho ohikore mar biro tieko wach gedo mag apaya makono
Jopur niang dwaro ni mondo kembe marego niang ochulgi omenda ma wuok kuom molases
Jagoro mar riuruok jopur niang migosi Ezra Okoth Olodi dwaro ni kembe marego niang ochul jopur go mwandu mamoko mabende wuok kuom niang kaka molasses kod mamoko.
Okoth wacho ni kembe marego niang loso omenda mathoth kuom mwandu mamaoko mabende wuoke niang mabende on’gere kaka by products.
Okoth wacho ni jopur bende onego oyud ber kowuok kuom mwandugo.
chenro mar dwaro loko pend chike ma pachoka okao okang achiel nyime bang counties mohewo 24 kadho paro mar chik mar bbi 
Koro en ayanga ni chenro mar dwaro loko pend chike ma pachoka okao okang achiel nyime bang counties mohewo 24 kadho paro mar chik mar bbi
Odiochineg ma kawuono counties 26  ne okadho paro ongo mar chik kaka ne igeno ka jogo masiro paro Onogo mar chik wacho ni mano nyiso ni chenro mar loko pend chike ma pachoka biro yudo sir kowuok kuom oganda jokenya .
Giesani wenge koro ochom ne od bura maamalo to kod mano mar senate mar twak e wii paro onogo kapok gibiro gichwale ne duol matayo weche yiero to kod tomg e pachoka iebc mar bago ombulu mago mar referendum.
Japuonj moro madichuo mapuonjo  St Pius Uriri boys sec  school  e subcounty ma  Uriri olalo ngimane e masira mar apaya
Japuonj moro madichuo mapuonjo  St Pius Uriri boys sec  school  e subcounty ma  Uriri olalo ngimane e masira mar apaya  mane ojuko lory mar tipa mar kambi jochina matimo gedo mar apaya kod apiko  ecenter mar Garage mantie Ururi e apaya maduong mar Migori Rongo.
Comanda mar obila  esub county ma Uriri Peter Njoroge owacho ni japuonj no maja igni 40 ne riembo apikone kadhi school  emane lory mar tipano otuome gi  yoka toke ma otho kanyo gi kanyo kendo ringre noter  e kar kano ringre ma Migori level 4 hospital
Njoroge owacho ni jopiny mane igi owang ne dwa wan’go lorry mar tipano kata kamano obila ne ogen’gogi.
BBI ochomo ng’iende
Geno mar jogo ma siro paro mar chik mar BBI kawuono ni kuom ute bura ma ikore mar dhii goyo ombulu mar yie kata kwedo parono odiechieng’ ma kawuono.
Nyaka sani ute bura mag counties 12 osekadho paro mar chikno ka kwan ma dwarore mondo mii puodhe ne dhii e ombulu mar paro en ute bura mag counties 24.
Counties ma ute bura maggi igeno ni dhii tiekore gi wach bbi kawuono oriwo koda ka county ma Migori, county ma Nyamira, Mombasa, Kilifi, Nakuru, Nyeri, Embu, Kirinyaga, Makueni, Machakos, Kitui, Isiolo, Garissa, kod Taita-Taveta.
Raila ogolo siem ewii keto chik makumo tiyo gi dhok mar hustler
Ogai mar ODM migosi Raila Amolo Odinga ogolo siem ewii mar kumo tiyo gi dhok moro ni hustler manyochane jalup jatend piny Kenya laktar William Ruto ochako kaka ngero mare mar campaign e thurka kowacho ni keto chik makumo tiyo gi dhok machalo kamano romre gi ketho ratich oganda mar wacho dwachgi e pachoka
Kanomedowuoyo ewii wachno migosi Raila nowacho ni kata obedo ni kit siasa ailano sigande ok osebedo ka ber ahinya e pachoka kamano to nowacho ni paro kumo tiyo gi dhok moro ni hustler e campainno en gino manyaloketho weche mag demokrasia ma piny Kenyaka kod bende ketho thuolo ma onegobed ni imiyo oganda mar wacho pachgi kagin thuolo
Paro nyochane osebedo e thurka mar kalo chik moro mane birokumo tiyo gi dhokno kendo keto fuai maduong ne joma oyud katiyo gi dhok mar hustlerno kata tweyogi mondo gidhi gicham oganda iye
Doho ma Rongo on’gadone jago moro maike niediere buch twech mar igni 5 kod keth mar bambo rawera moro manyako maja igni 13
Doho ma Rongo  on’gado ne jago moro ma ike nie diere  buch twech mar igni 5 bang yie kod  keth mar bambo rawera moro  manyako maja igni 13.
Evance Onyango mane otere nyim  jan’gad  buche  Rymond  Lan’gat ne oyie ni ne otimo keth maka mano kendo ne ong'adne buch twech mar igni 5.
Onyango ne oketho chik mar  Sexual offences act  2006, kare no 3.
Onyango ne oketho chikno  ekind tarik 10 dwe mar achiel igani  gi tarik 19 dwe mar achiel igani egweng ma Nyarombo , Dede location Awendo sub county  kendo ne omake tarik 19 mar dwe mar achiel , kabende ne otere edoho mokuongo tarik 22 dwe mar achiel igani.
Doho ma malo ma Kisumo ogolo chik mondo piny owacho ma county ma Kisumo ochul Speaker machon mar countyno Ann Adul sh million 5.2
Doho mamalo ma Kisumo ogolo chik ne piny  owacho mar County ma Kisumo mondo mi ochul  Speaker machon mar county assembly ma Kisumono   Anne Adul omenda maromo million 5.2  kuom thuolo mar dweche ariyo.
Justice Stephen Radido  ne ochuno  clerk mar assembly Owen Ojuok, county secretary Geoffrey Kigochi  kod jatend migao mar omenda   George Okong’go mondo jondik piny ni gibiro timo chudo maka mano ekidienje ariyo kata two installments.
Piny owacho mar countyno osingo ni biro timo chudo ne Speaker machon no omenda maromo million 2.5 kochopo tarik 3 dwe mar adek  igani kendo omenda modon’g million 2.9 ibiro chulo tarik 19 mar dwe mar 4 igani. 
Justice Radido  omedo ni burano ibiro winjo kendo tarik 21 mar dwe mar 4 mar rango kabende singo go ochopi.
Okil mar Adul ne otero bura edoho tarik 4 dwe mar 8 iga mokalo mar donjone jii adek go kaluore kod tamruok luwo chik doho mane doho ogolo mondo mi ne chul Ann Adul  kaluore kod kaka ne odhiche oko ekom mar Speaker mar county assembly no eiga mar 2014.
Chudo mar spika machon ma Kisumu pod okwamo
Karan mar od bura ma Kisumu owen ojuok to kod jatend migao mar omenda e countnyno ongo george okongo, to kod jagoro mar county Geoffrey Kigochi igeno e doho kawuono mondo mii gidhi gichiwu ler mar gimomiyo giserem chulo omenda maromo silingis milion 5.2 ne spika machon ma Kisumu Anne Adul.
Jayal bura mar doho ma Kisumu ma winjo buche mag jotich stephen radido ogolo chik ne apisas 3go mondo mii jochop e nyim doho kawuono.
Doho dwaro ni giluok nyinggi mar gimomiyo ok nyal kawnegi okang’ mar chik kuom rem luwo chik mane doho osegolo ni chul mikayi Anne Adul.
"Ruodhi gi jolupgi ecounty ma Siaya omi siem mondo owe tudore kod wede mamoko mar mayo mond liete gi nyithi kiye mwandu
"
Ruodhi gi jolupgi ecounty ma siaya omi siem mager kaluore kod tim moro mar timo tudruok mar mayo mond liete gi nyithi kiye mwandu ma owenegi.
Jalup County  Commissioner ma Siaya Enock Nyarango owacho ni giseyudo  buche moko ma ruodhi gi jolupgi tudore kod wede moko mar mayo mond liete gi nyithi kiye mwandu ma owenegi.
Migosi  Nyarango  mane owacho magi esach romo mar rango arita kwe mane otimore e apise mag IEBC  ma Siaya owacho ni tend nango ma osebedo katimo tim maka mano mondo owe mapiyo piyo.
Pidhuru Rech Matindo Miuso Ne Jopith
Jopur Kod Jopith Ma Siaya Okwa Mondo Jone Ni Ochako Pith Mar Rech Matindo Miuso Ne Jopith Mar Neno Ni Nwengo Margi Omedore 
Kaluwore Gi Dwaro Ma Jatend Migao Mar Pur E Cou Nty Ma Siaya Dr. Elizabeth Odhiambo, Owacho Ni Bedo Ni Nitie Cages Mohingo 2,000 E Aluorano, Dwaro Mar Rech Matindo Mipidh Koro Ni Malo Mokalo.
Nomedo Ni Kwan Jopur Kod Jopith Ma Snai Uso Rech Matindo Pod Ni Piny Ka Kuom Mano Dwaro Nitiere Mar Neno Ni Omed Kwanno
Jaod Bura Ochanda Obalo E Wach Kombe Miloso Ne Sikunde
Jaod Bura Ma Boindo Guideon Ochanda Koro Wcaho Ni Piny Owacho Nonego Omi Thuolo Mokuongo Gigo Mochuno E Wach  Gayo Landruok Korona Kar Ne Giket Thenge Siling Billion 1.9 Mar Loso Kombe Ne Sikunde. 
George Amolo Nigi Mathoth
Chenro Mag Wuoth Ma Donjo Kata Wuok E Skundno Obedo Matek Chakre Nyoro Manyo Pii Mochidono Ochako Kere. 
Kuonde Somo Ma Malo Pok Oikore Ne Yepo–Magoha Olero
Mana Coleges Adek Kende Mapuonjo Tije Mag Lwedo Ema Oseikore Ne Yepo Kendo . Adekgo Gin Nyeri Nyeri National Polytechnic, Rift Valley Technical Training Institute Kod The Eldoret Polytechnic.
Kaluwore Gi Jatend Migao Mar Somo Ngire George Magoha, Manotimo Limbe Mar Nono Chal Mar Ikruok E Kar Tiegruok Ma Nyeri, Nowacho Ni Ata Malo 40 Mar Kuonde Tiegruok Mapuonjo Tije Lwedogo Osegik Chopo E Ranginy Midwaro Mar Yepo Kendo.
Kata Kaman Magoha Nowacho Ni Sikunde Mag Primar Kod Mag Secondar Ikruok Mar Yepo Margi Pod Ni Mabor.
Magoha Nowacho Ni Pod Obiro Medo Timo Limbe E Kuonde Tiegruok E Sechegi Ma Piny Owacho Medo Timo Ikruok Mar Yepo Mar Sikunde Ma Thurka.
Jodolo Matindo Okwa Mondo Osum Paro Kuom Madongo
Esecheegi Ma Piny Owacho Pod Oketo Kum Magengo Ne Jodongo Dhi E Ute Mag Alam  Mar Gayogi Mondo Mi Kik Gigam Midhusi Mar Corona, Luoro Nitiere Ni Moko Kuom Ute Mag Alam Kidek Podho Kaluwore Gi Telo Mag Ojende.
Kaluworegi Mano Ojende Masani Okawo Telo Mag Kanisni Koro Ijiwo Mondo Ni Jobed Kasumo Pach Jodongo Mosebedo Katayo Chenro Mag Alam To Katakamano Sani Koro Olornegi Oko Mar Kanisni.
Jothieth Medo Yudo Corona Kendo Giyuak
E Sechegi A Midhusi Mar Corona Medo Maa Landore E Pacho Kae, Kwan Jothieth Ma Medo Yudo Tuono Bende Medo Mana Idho. Nyaka Sani Kwan Jothieth Maromo 1,437 Oseyudo Tuono.
E Dweni Mar 10 Kende Jothieth 217 Osegamo Tuo Makochno Ka Thothgi Medo Yuak Ne Lwasi Marach Mar Tich. 0
Jagoro Mar Riwruok Laktache Dr Chibanzi Mwachonda Nyisowa Gimomiyo Tuo Ma Kamano Medo Landore E Kind Jothieth.
Mwachonda Wacho Ni Okang A Koro Jothieth 18 Osetho Gi Korona Rocho Mokalo Chenro Mag Thieth Kowacho Ni Kata Kobedo Ni Jothieth Ochiwore Mokalo, Kata Mana Mbalang Mimiyogi Mbende Onge.
George Gibore Mochungne Jothieth Kata Clinicians Wacho Ni Chakruok Mar Tielo Mar Ariyo Mar Corona Medo Kelo Luoro Mokalo E Kind Oganda.
Miyo Moro Odere Alego Bang Pesane Gwenyore
Jodak Ma Lwala Village E Kar Chung Od Bura Ma Alego Usonga, Nochiew Gi Buok Okinyi Ma Kawuono Bang Yudo Ringre Miyo Ma Ja Higni 51 Ka Dangni E Tat Ode Ka Ichich Ni Nokaw Ngimane Owuon.
Jared Juma Noyude Ringre Jaode Margret Atineo Koliero Ka Thol Bende Norido Ng'Ute
Kaluwore Gi Wedene, Miyono Iwacho Ni Pesa Maromo Sh 20,000 Mag Chama Nyogwenyorene En Kaka Jakeno Gino Mane Nalo Miyo Okaw Ngimane
Iwacho Ni Motelo Ne Mano Nyoyuak Ni Nokano Siling 40,000 Mag Chama To Ema Bange Nofweny Ni 20,000 Onge
Ringre Noter Siaya County Referal Hospital Mortuary
Jok Manodar Kowuok Kibuye Yuak 
Kuppet Dwaro Lwasi Maber Ne Jopuonj
Jagoro Mar Kuppet Bade Ma Kisumu Zablon Awange, Sani Dwaro Ni Piny Owacho Mondo Oket Lwasi Maber Ne Jopuonj Motelo Ne Yepo Mar Sikunde Mochan Timore Januar Higa Manyien.
Awange Wacho Ni Yepo Ma Alunde Ma Sani Osechakoreni Ni Kod Achiedhnade Mathoth Mokalo. Nowacho Ne Piny Owacho Ni Nyaka Gine Ni Jopuonj Nigi Gige Geng’Ruok Mortomo Kata Ppes Ma Rangniny Gi Ni Malo.
Kanoloso E Boma Ma Kisumo, Awange Kata Kamano Nowacho Ni Gionge Gi Wach Gi Kalendar Manyien Mar Somono Kowacho Ni Jopuonj Ma Hikgi Okalo 58 Ok Onego Ochun Dhi E Sikul Nimar Moko Kuomgi Nyaka Sani Ichuno Mondo Jotii Ka Gin E Sikul Kar Tiyo Ka Gin Pacho.
Luoro Nitie Mombasa Kaluwore Gi Ngányo Mag Jothieth
Luoro Nitiere Ni Oganda Mathoth Kidek Wito Ngimagi Mombasa To Chutho Esechegi Ma Jotuo Corona Korona Medore E Pachoka Kaluwore Gi Nganyo Mar Nurses Masani Odonjo Odiochienge Mar Adek.
Kamati Mae Senate Dayop Dho Jok Manoloko Gi Kemsa
Kamati Mar Od Bura  Mar Senate E Wi Thieth Isechako Nono Kembe Manochiwo Mwandu Mag Gengruok Ne Midhusi Mar Corona  Ma Giyudo Billion Modhuro Mag Omenda.
Jataa Tije Maduong Ka Andelica Medical Nicholas Matu Nowacho E Sama Nidayo Dhoge Gi Kamatino Motelne Kod Seneta Ma Tranzoia  Michael Mbito Ni Nondiko Ne Kemsa Ni Nodwa Chwalo Gige Thiethgo Kata Kobedo Ni Kemsa Ne Pok Olando Tender Ma Kamano.
Nolero Ni Kemsa Noyiene Ka Bang Mano Ne Gichako Winjore E Wi Nengo  Mag Ngiewo Ppes Go. Mopogore Gi Angelica Medical , Kembe Mamoko Ma Idayo Dhogi Manoyudo Billion Modhuro Mag Omenda E Mibadhi Ma Ka Kemsa Go Gin Kaachiel Kod
Jabodaboda Odere Nikech Gowi
Rowere 21 Omaki Bungoma Ka Toyo Ngona
Anyuola Moro Migori Dwaro Ratiro Ne Nyargi Mnaobambi
Okwach Kich Nono Kendo Manyien Tulo Ma Tok Yiero
Matiangí Wacho Ni Kenya Osegoyo Okang
Mudavadi Dwaro Referendum Monywako Jokenya
Jatend Duond Bura Mar Anc Musalia Mudavadi Okwayo Moganda Jo Masai  Mondo Jomed Riwore E Twech Achiel  E Sechegi Ma Kenya Ochomo Yiero Ma Higa 2022. Mudavadi Ma Bende Nyowacho Ni En Gi Miluma Mar Bedo Jatend Piny Kenya E Yiero Maduong Mar Higa 2022, Nokwayo Oganda Jo Masai Ni Mondo Jobi Osire Lwedo E Kinde Yiero.
Nowacho Ni Kapo Oyier, Obiro Tiyo Gi Thuolo Ma Kamano E Chiero Ochumi Mar Kenya.  Mudavadi Nowacho Ni Gi Sani Osiro Okang Mar Jatend Kenya Uhuru Kenyatta E Lweny Mar Kedo Gi Mibadhi Kopako Duol Mar Kedo Gi Mibadhi Kuom Okenge Mosegoyo E Lweny Ma Kamano.
Mudavadi Nowacho Ni Okang Ma Sani Kenya Ochomo Mar Dwaro Loko Katiba Ok Onego Bed Ni En Mano Ma Kelo Ber Ne Jii Manok Kowacho Ni Onego Obed Ni En Makelo Chiko Ma Biro Dewo Jii Duto Machal
Magoha Owach Ni Sikunde Koro Ok Yaw
Atend Migao Mar Somo Ngire George Magoha, Owacho Ni Jopuonjre Mani Pacho Biro Medo Bedo Pacho Nyaka Chop Kama Piny Owacho Biro Lando Yepo Ar Sikunde. Kanoloso Bang Tim Limbe E Sikund Primar Ma Dr Muthiora Yoo Dagoreti, Magoha Nowacho Ni Yepo Kamor Ok Bi Timore Machiegni Kaluwpore Fg Medruok Mar Midhusi Mar Corona E Pacho Kae.
Nokwayo Sikunde Machiwo Puonj Mag 8-4-4 Mondo Jone Ni Oluwore Gi Chike Moket Mag Gayo Korona Kowacho Ni Ibiro Kawo Ondamo Ne Ngato Angata Mabiro Yawo Sikul Motelo Ne Lemndo Moyiedhi Mar Yepo.
Gi E Kindeno, Magoha Owacho Ni Apis A Mawuok E Bad Migao Mar Somo Kod Mano Mar Arita Mochuungne Loso Kombe Mag Sikunde Onego One Ni Kombe Kata Desk Ma Kamago Ochopo E Ranginy Ma Dwarore.
Maeri Ne Bang Yangore Ni Desk Moter E Sikund Dr Muthiorano Ok Ochopo E Ranginy Ma Kare.
Owng’ Nede Mag Lupo
Jakom Dho Wedhe Duto Ma Pacho Kae Bmus Tom Guda, Opako Mokalo Okang Mokaw Gi Kenya Coast Guards  Mar Wang'O Gige Lupo Maok Oupdhi Ma Yande Ne Jolupo Moko Tiyo Godo E Nam Lolwe Ma Nengogi Romo Siling Millin 4
Nedego Gimn Mago Manomaki Enam Lolwe  Kendo Nyowanggi Mana E Dho Lwangni Beach  Kisumo.
Guda Wacho Ni Kata Kobedo Ni En Gima Lit Neno Kaka Gogo Miluwogo Rech Wang, Thoth Gige Liupo Maok Opuodhigo Ema Osebedo Ka Kelo Idhiero Mathoth E Nam.
Nowacho Ni Oseyangore Ni Rech Kwanne Dok Piny E Nam Lolwe  Kaluwore Ni Jolupo Mathoth Sani Pod Nego Redch Matindo.
Jo Kisumo Onyis Mondo Otii Gi Chenro Mar Piny Owacho Maber
County Commissioner Ma Kisumo Josephine Ouko, Dwaro Ni Jodak Ma Countino Mkondo Kaw Thuolo Makende Mag Chenro Mag Dongruok Mag Piny Owacho Ma Malo Mondo Gidongrego.
Ouko Wacho Ni Dho Wath Manyien Migerono Kod Gach Reru Kod Uhuru Market Midwa Chuogi E Aluorano Onego Obed Mago Manyalo Konyo Jodak Ma Kono Dongore.
Nowacho Ni Maloyo Rowere 7000 Sani Chamo Olemnmo Mag Piny Owcahom A Malo Kokalo Kuom Chenro Mar Kazi Mtaani.
Kanoloso E Sach Ynyasi Mar Odiechieng Mar Yango Thuondi Mongere Kaka Mashujaa Day, Ouko Nowcaho Ne Jdak Ma Kono Ni Mondo Jomed Luwo Chike Mag Gayo Landruok Mar Corona.
Obuila Ma Nyakach Manyo Jokuoye Mag Laptop
Obila E Sub County Ma Nyakach Jochako Apedha Mar Manyo Jonjore Moko Manokwaelo E Sikund Primar Ma Nyabola Ei Nyalunya Location Kama Ne Gikwale Laptops 15
Jatend Obila Ma Su County Ma Nyakach Jonathan Koech, Wacho Ni Jokuoyeg Nodonjo E Apisi Mar Japuonj Maduong Mar Sikundno Gi E Wi Tado Kama Bange Ne Gituro Dhoot Gi Iye.
Noilero Ni Ne Gitweyo Chukdar Mar Sikundno Bang Goye Radar Eka Bange Ne Gidonjo Ma Gikwelo.
Nolero Ni Mopogore Gi Laptopgo, Ne Gikwalo Opich Adhula Kod Waya Mar Jwayo Sikundno. Barack Randa Ma En Japuonj Maduong Mar Sikundno Wacho Ni Ne Gitero Chukdar E Osiptal Kama Nothiedhe Ka Koro Sani Betka Odhi Maber.
Nolero Ni Sani Koro Gido6 Mane Giyudo Kowuok Kuom Piny Owacho.Ng Mana Gi Laptops 21 E Kind
Jachung Odm Msambweni Opuodhi Gi Iebc
Jachung’ Mar Duond Bura Maar Odm Migosi Omari Boga Osepuodhi Gi Duol Matayo Chenro Mag Yiero E Pachoka Iebc Ne Dhii Laro Kom Kar Chung’ Od Bura Ma Msambweni E County Ma Kwale; E Yiero Ma Adundo Ma Idhi Bagi Tarik 15 Dwee Mar 12 Higani.
Migosi Boga Ma Oloso Bang’ Iebc Puodhe Ne Dhii E Yierono, Okoo Ni En Kod Geno Mar Yudo Komno Mane Odong’ Nono Bang’ Thoo Mr Migosi Suleiman Dori.
Ne Otene Gi Gavana Ma Mombasa Ali Hassan Joho E Kind Jotelo Mamoko.
Migosi Omarboga Dhii Peim Gi Jochung’ Mamoko Moriwo Koda Ka Migosi Feisal Abdallah Ma Ochung’ Ma Onge Duond Bura, Kanyakla Kodd Jachung’ Sharlet Mariam
Jachung’ Mar Wiper Shehe Mahmoud Kod Hamisi Mwakaonje Mar United Green Movement Igeno Ni Idhi Puodhi Gi Iebc Bang’E.
Kenyatta Kwayo Jokenya Mondo Joyie Lokruok Katiba
Jatend Piny Kenya Uhuru Kenyatta Okwayo Oganda Jokenya Mondo Joyiere E Wach Loko Katiba Kokalo E Ombulu Mar Referendum E Buo Chenro Mar Bbi Mar Kedo Gi Moko Kuom Achiedhnade Ma Osebedo Ka Okwako Jokenya.
Uhuru Wacho Ni Siasa Mapogo Jokenya E Kinde Yiero Ok Owinjorte Kowacho Ni Mano Osebedo Ma Duoko Chien Diongruok Mag Kenya.
Kanonenore Ka Ngáma Duuoko Jalupne William Ruto, Uhuru Nowacho Ni Gima Lokruok Mar Katibano Geto Kelo En Riwo Wi Oganda Jokenya.
Ogai Mar Odm Raila Odinga Korka Kore Owacho Ni Giikore Dok E Pap Goo Kampen Ne Bbi Kowacho Ni Ne Gin Mana E Yueyo Kaluwore Gi Wach Korona Manomuoch E Pacho Kae.
Kuom Thuolo Machielo Raila Nowacho Ni Wach Loko Katiba Ok Nokethi Kata Nade.
Riwruoge Mag Oganda Dwani Okaw Pach Jopiny
Riwruoge Mag Oganda E County Ma Migori Kotelnegi Kod Bettyy Okero Jongur E Wi Ranginy Ma Piny Ma Inywakogo Jopiny E Chenro Mag Dongruok Kokalo Kuom Kaw Pach Oganda  Nyaka Ne  Yud Ranyisi Mokuongo Mar Corona E Countino.
Kaluwore Gi Mikai Okero, Kwan Mar Jii Mimiyo Thuolo Tin Mokalo Ka Mano Ok Nyis Picha Moyiedhi Mar Nywako Pach Jopiny E Countino.
Okero Wacho Ni Wach Midhusi Mar Corona Rocho Chenro Mag Romo Madimii  Jopiny Bedie Romo Mag Dongruok.
Gi E Kindeno Mikai Okero Wacho Ni Okwayo Riwruoge Mag Oganda E County Ma Migori  Mondo Owuog Oko Opuonj Jopiny E Wi Wach Bbi.
Nolero Ni Jokenya Mathoth Kod Jo Migori Pok Ongeyo Matut Mahgo Manie Liport Mar Bbi.
Ringre Ngáto Achiel Manotho E Nam Lolwe Oyudi, Pod Imanyo Ochiko
Ringre Achiel Kuom Jok Manogado Pii E Masira Makoch Mar Nam Lolwe Otieno Mokalo E Dho Wath Ma Honge E Sub County Ma Bondo Oyudi. Ringre Noyudi E Sach Menyo Mosebedo Kadh Nyime Manotelnegi Kod Apisa Mag Kra , Kenya Coast Guard Services Kod Telo Mag Dho Wedhe Ma Aluorano.
Jok Modak Gi Ng'Ol Muhoroni Siro Mlwedo Bbi
Jogo Modak Gi Ng’Ol E Sub County Ma Muhoroni, Jolero Ni Gisiro Wach Bbi. Isaya Ambuso Ma En Achiel Kuom Jok Modak Gi Ng'Ol E Aluorano, Wacho Ni Bedo Ni Bbi En Olemo Mar Mosruok
Ambuso Wacho Ni Ne Gichandore Mokalo E Kinde Machon  Ma Lweny Ne Muoch Tok Yiero  Kendo Ok Digiher Ni Gima Kamano Onuore.
Ambuso Wacho Ni Moko Kuom Ngol Mane Giyude Ne Kinde Tulo Ma Tok Yiero, To Moloyo Moko Manochiel Gi Magina Gobila  Kowacho Ni Mago E Moko Kuom Gigo Momiyo Gidwaro Kwe.
Kanyoloso E Boma Ma Kisumo, Ambuso Nyowacho Ni Girito Gi Siso Chenro Mar Choko Sei Ma Bende Pod Nyochwal Mbele.
Thuondi Mag Luo Oyangi
E Seche Mane Ihingo Odiechieng Mar Rwedhi Ma Pacho Kae Kata Mashujaa, Moko Kuom Oganda Luo Ma Osebedo Ka Otimore Maber E Sector Mopogore Opogore Noyangi Kaka Mashujaa. 
E Sector Mar Ngolo, Jawer Mar Ahuma Mar Wende Mag Pako Nyasaye Christine Otieno Mongere Gi Wer Mar Oloyo Lweny, En Achiel Kuom Jok Manoyangi E Sach Nyasi Ma Kamano. Christine Otieno Wuok E Countyt Ma Migori
E Higa 2013, Noyudo Mich Mar Groove Awards Kuom Wende Maniluongo Ni Sonko Wa Masonko.
Jangolo Mar Benga Princess Jully Bende Noyudo Yang Ma Kamano Ka En Bende Owuok E County Ma Migori. July Nomi Nying Mar Angera Ni Mbilia Bel Kendo Nongere Kuom Wer Mar Dunia Mbaya.
Pius Ochieng Ma Bende Wuok E County Ma Migorti Manochungne Kenya E Olympic Ma Higa 1984 E Tuke Mag Jing'O Del Kata Body Building Bende Ne Mich Ma Kamano O Oweyo Oko
Shakil Ok Dwar Laro Kom Gavana
Jaod Bura Ma Kisumu East Shakil Shabir, Kawuono Owacho Ni Oonge Gi Dwaro Mar Laro Kom Gavana E Yiero Maduong Mabiro. Shakil Wacho Ni Jdak Ma Kisumo Osetimone Nguono Kuom Yiere Didek Ka Kuom Mano Oonge Gi Miluma Mar Dhi E Lemo Ma Mbele Mak Mana Ni Obiro Laro Kendo Kom Od Bura Ma Kkisumu East.
Kanoloso E Alak Ma Jaramogi Oginga Odinga Sports Ground, Shakil Nowacho Ne Piny Owacho Ma County Ma Kisumu Ni Mondo Ochuog Hembko Mag Rwedhi Mag Onagi E Alak Achiel Ono Mondo Obed Kaka Rapar.
Osiem Jok Ma Miyo Nyithindo Iye
Maloyo Nyithindo Ma Nyiri 1,200 Ogamo Remo E County Ma Migori E Buo Thuolo Mar Dwweche Adek Mokalo. County Commissuioner Ma Migori Boaz Cherutich Osiemo Mokalo Jok Ma Iyo Nyithindo Ma Kamago Iye Kokonegi Ni Ndalogi Ikwano Akwana.
Jatelono Bende Okwayo Jonyuol Ni Mondo Jorit Maber Nyithindgi Kaka Yooo Mar Neno Ni Ngimagi Ma Kinde Mabiro Ok Okethore
Jodak Ma Ogilo Ei Nyando Yuago Chal Marach Mar Olalo Ogilo
Bad Migao Mar Apida E County Ma Kisumo Ikwayo Mondo Onon Anena Tich Matiyore E Gedo Mar Olalo Ma Ogilo Manitiere Nyando A Osebed Midhiero Ne Jopiny.
Kotelnegi Kod Jaduong Miruka Maseo, Jopinygo Wacho Ni Olalono Okethore Mokalo Kendo Ni Jok Ma Ngáde Keto Mana Ngimagi E Kind Akuru Gasumbi.
Maseo Wcho Ni Giserado Gi Gavana Anyang Nyongo E Wi Wach Ma Kamano Manosingonegi Ni Ibiro Loso Olalono Ka Kata Kamano Owacho Ni Nyaka Kanyo, Contractor Mane Loso Olalono
Maloyo Sikunde 176 Nigi Midhiero
Maloyo Sikunde 176 Mag Jii Giwegi E Kuonde Dak Mongohore Ma Kibra  Kod Langata, Ni E Mudho Kotudore Gi Wach Yepo Mar Sikunde Kaluwore Gi Chike Manyien Ma Sani Oketi Gi Piny Owacho  Kaka Yoo Mar Kedo Gi Landruok Midhusi Mar Corona.
Kaluwore Gi Jakom Riwruok Sikundego Charles Ochiel,  Sikundego Osekonyo Mokalo E Dongruok Mag Sikunde Ma Thurka. Eric Owenga Ketowa E Ler.
Jii233,000 Osewito Tijegi Nyaka Ne Korona Chakre
Kwan Jii Mohing 233,000 Nowito  Tijegi E Buo Dwevhe Auchil Mokalo Nyaka Ne Tuo Makoch Mar Corona Nynyre E Pacho Kae. Maeri En Kaluwore Gi Jatend Migao Mar Leba Simon Chelugui
Kanoloso Gi Radio Ramogi, Chelugui Nowacho Ni Okenge Mowinjore Ibiro Kawo Mar Neno Ni Jok Manowito Tijegio Oyudi Kendo.
Nowacho Ni En Gi Geno Ni Sector Mar Limbe Kod Mamoko Manondiki Jii Mathoth Biro Chier Mapiyo Kaponi Kaka Landruok Mar Tuono Osechako Dok Piny E Thurkaeni Nyalo Dhi Nhyime
Nokwayo Kembe Ma Bende Nosengado Osach Jotich Kod Mago Manochungo Jii E Tich Ni Mondo Ondik Jotijgo Kendo Kowacho Ni  Gimany Yore Mamoko Manyalo Yawo Thuolo Mar Tije
Nodagi Ndiko Duond Buch Tangatanga
Jandik Duond Buche Mag Siasa E Thurka Wacho Ni Nodagi Ndiko Duond Bura Mar Tanga Tanga Nikech Nying Chamano Galagala Kendo Ni Kendo Kaluwore Gi Chike, Ne Ok Onyal Ndiko Chamanao Kaok Ne Olok Nyingno.
Bende Olero Ni Nodagi Ndiko Duond Bura Mar Coast Pekee Nikech Pend Chik Namba Aboro Otweyo Lwete E Ndiko Duond Bura Motenore E Aluora Achiel Kowacho Ni Nyaka Duond Bura Bed Mano Ma Onywako Kenya Mangima.
Nokwayo Josiasa Mageto Ndiko Duond Buche Mag Siasa Ni Mondo Josom Chike Matayo Ndikruok Ma Kamano Maok Ni Ngato Bet To Chuogo Nyik Maok Onyiso Achiel Mar Jokenya.
Nowacho Ni Bende Duond Buche Madwa Dhi E Yiero E Twech Achiel Nyaka Los Manifesto Achiel Ma Gin Duto Gidhi Luwo.
Miyo Moro Oroch Ratiro Mare Mmbasa
Miyo Moro Manyocha Chuore Ogoyo Momuko Lake E Kar Dak Mongohore Ma Kidogo Basie Eod Bura Ma Nyali Mombasa Koro Kwayo Piny Owacho Mondo Mi Ojole Mondo Mi Kaw Okang Ne Chuoreno.
Magi Ne Owacho Bang Ringo Kendo Nindo Eko E Thuolonmar Ndalo Abich Gi Nyathine Matin Majadweche Adek Mokoni Chuore No Majakongo Ne Dwaro Deyo.
Nga’To Odere Bang Nyuomo Chiege Tamore
Jal Moro Ma Ja Higni 36 Bang Omin Mare Tame Uso Bath Lopgi Manyodwa Uso Mondo Mi Oyud Omenda Mar Dhi Nyuo,O Chiege E Gweng Ma Chiga, Ei Kanyach Kachar Location E Sub County Ma Homabay Town.
Mosenindo Moseyangi Kaka Peter Otieno Nodere Gi Tond Tuoro E Yadh Mawembe Moro E Dlagi Kanyo Bang Omin Mare Tamore Winjo Kwayo Mare. Ruoth Ma Kono Bernard Omuga, Nlero Ni Mosenindo Nosewinbjore Gi Min Mare Ni Mondo Ous Bath Lopno Mondo Mi Onyuom Jaode Bang Kaoche Sunde Mondo Onyuom Nyakono Manosebedo Godo Higni 10.
Omuga Wach Ni Jalo Jaode Nowuok Odok Thurgi Gi Nyindo Adek To Kanoduogo To Nyowacho Ni Jonyuolne Dwaro Ni Mondo Onyuome Mapiyo , Okang Manomiyo Mosenindo Oloso Gi Min Mare Opogne Bath Loo Mondo Ousi Onyuom Godo Jaodeno.
Ruodhno Wacho Ni Jalo Noseyudo Jangiewo Manyobirogo Dala Nyoro Ema Kaetpo Owadgi Noriembo Jangiewono Gino Manimiyo Jalo Ojok Okaw Ngimane.
Motelo Ne Dere, Jal Nyodhi Ir Min Mare Gi Ichwang Kokonegi Ni Oweyo Negi Lopno Gidagie. Ringre Noter Homabay Mortuary.
Mcas Ma Migori Ojok Gi Omamba
Mana Odiechieng Achiel Kende Tok Kanyoduok Mca Ma North Kanyamkago Kaka Jalup Spika Mar Od Bura Ma Migori, , Kweth Ariyo Magin Kaachiel Gi County Assembly Ma Migori Kod Migori County Assembly Public Service Board  Jiodhi E Doho Mar Mako Appeal E Wi Ngeto Mar Dohop Ma Yalo Weche Jotich Manoyiene Omamba Ni Mondo Oduoki Kaka Jalip Spika. George Juma Nighi Ler Matut.
Rowere Ongányo Mombasa
Rowere Mohewo 200 Jobago Nganyo Eod Bura Ma Changamwe Mombasa Gisundo Piny Owacho Mondo Mi Ochulgi Pesa Bang Tiyo E Chenro Mar Kazi Mtaani E Thuolo Mohewo Dweche Ariyo To Katakamano Pok Ochulgi.
Rowerego Koni Okange Duto Magisekawo Mar Wuotho E Paise Mag Piny Owacho Ewi Wach Pesano Osebedo Kagore E Lwanda Omiyo Gingado Mar Chiwo Ywakgi E Yor Bago Nganyo.
Jaod Bura Ma Suna West Dwaro Nonro E Wi Nek
Jaod Bura Ma Suna West Peter Masara Okwayo Piny Owacho Mondo Ochul Jok Manohinyore E Btulo Manomoch E Kind Obila Kod Kweth Mobalo Mar Legio Maria E Log Tich Magod Kwero Manoweyo Ka Jii 8 Owito Ngimagi.
Masara Dwaro Ni Bad Migao Mar Arita Mondo Oler Anena Gima Nokelo Lweny Ma Kamano  Kodwaro Ni Jatend Migao Mar Arita Fredmatiangi Oler Anena Ni Noro Osechopo Kama Nad Kaachiel Gi Ondamo Mibiro Kawoni Apisa Manochiwo Lwedo E Nek Ma Kamano.
Wakeini Dwani Owuo Od Bura
Wakeini Ma Jokedo  Ne Ratyiro Mag Oganda Jokwayo Jatend Piny Kenya Uhuru Kenyatta Mondo Mi Ofunj Bunge Mana Kaka Ogai Mar Doho Justice David Maraga Nyongado Ne Paro.
Kotelnegi Kod Esther Achieng Mar Kenya Female Advisory Organization (Kefeado) ,  Okang Mar Jood Bura Rem Chopo Chik  Maloso Korka Kit Chwech En Rocho Katiba Kendo Ni Mano Koro Omiyo Nyaka Funj Mara Od Bura.
Achieng Wacho Ni Katiba Ma Higa 2010 Jood Bura Osebetie E Hignigi Duto Kowacho Ni Kenyatta Onge Gi Okang Machielo Monyalo Kawo Mak Mana Funjo Od Bura.
Nowacho Ni Ka Kenyatta Orem Funjo Od Bura To Mano Biro Nyiso Ni Kenya Itayo Maok Oluwore Gi Katiba
Anne Nderitu opuodhi
Jood bura jopuodho mikayi Anne Nderitu kaka jatend duol mandiko duond buche mano ma dhoo ngere luongo ni Registrar of Political Parties.
Komiti mar od bura ma malo ma ochung’ne ng’iyo weche mag chike kod ratiro, opuodho welo mar anne nderitu ma nyocha owal gi jatend piny kenya migosi Uhuru Kenyatta.
Nderitu ma osebedo kani e lemono e yor kojolo, koro kawo kar lucy ndung’u ma yande ni e lemono.
Komitino ma jakom mare en migosi Kigano Muturi, bende opuodho welo mar Ali Abdullahi kod Florence Tabu kaka jolup Anne Nderitu.
Wan gi jolendo manikod lony mar neno ni jowinjowa oyudo puonj, mor kod ng’eyo kaka dwarore